影片
港鐵佐敦站 D 出口, 步行約8分鐘
繼續閱讀
電話號碼
63771989
營業時間
今日營業
12:00 - 00:00
星期一至四
12:00 - 00:00
星期五至六
12:00 - 01:00
星期日
全日休息
公眾假期
12:00 - 00:00
公眾假期前夕
12:00 - 00:00
以上資料只供參考, 請與餐廳確認詳情
有關獎賞計劃
円相 ENSO📍尖沙咀漆咸圍1-3號地舖呢晚牙科覆診後，我同朋友決定喺尖沙咀食埋飯，行埋就快結業嘅丸急後先返屋企。我哋四圍行，沿路留意有無啲有興趣嘅餐廳。行到一條人影稀少嘅街道，見到有間門面幾特別嘅餐廳，睇睇餐牌，知道係食日本菜就二話不說入咗去。店內裝修簡約得嚟，又好有格調，牆上整齊地放住唔同嘅擺設，仲掛有結他同用手寫嘅簡介，同一般嘅居酒屋/酒吧唔同，別有一番風格。 💰$42なすの淺漬け 🍆作為茄子頭號粉絲，我又點可以錯過漬茄子呢？漬茄子係日本家庭嘅常備菜之一，作為頭盤食非常輕盈清新，茄子以味醂及糖等混合而成嘅日式醬汁醃漬，咬落軟身多汁，比燒茄子來得清新。 💰$88いかげそ揚げ 🦑魷魚鬚即叫即炸，上檯仲係熱辣辣，口感非常香脆。粉漿厚度適中，混入紫菜碎加添風味，炸皮脆而不膩，完美地包裹住爽口嘅魷魚鬚。呢度嘅酒品種類豐富，而且居酒屋嘅氛圍亦好適合飲返幾杯，如果唔係第二日要返工，相信朋友已經食住呢道滋味佐酒小食，叫返兩杯杯嚟飲。 💰$72明太子だし巻き卵 🍳明太子玉子燒係呢度嘅大人気嘅招牌菜，人人呢到都會叫返件！厚燒玉子層次豐富，口感綿密細嫩，再係表面唧上大量鹹鮮嘅明太子醬，又灑上木魚碎，除咗味道好之外，賣相亦好吸引。我同朋友經常食日本菜，食過數之不盡嘅明太子玉子燒，朋友邊食邊讚好，敢講呢度嘅玉子燒係我哋食過數一數二好食嘅，大家如對明太子玉子燒情有獨鍾，必定要嚟試一次！ 💰$46明太子おにぎり 🍙燒飯糰一向係我同朋友嘅favourite，我哋熱愛到曾經自己係屋企自己整嚟食。今次見到有燒飯糰，都不妨貪心一啲，佢個明太子version試試。飯糰用既珍珠米比較黏身，表面塗上濃香嘅醬油後烤製，再係上面塗滿明太子醬，滋味無窮。 💰$118明太子とエビの冷やしウドン 🍜唔知道大家有無留意到，雖然唔係討厭，但其實我唔太鍾意食烏冬，所以一般都係同大家分享拉麵比較多。但朋友今晚指明想食呢度嘅冷烏冬，為咗唔好掃佢興，於是叫咗一碟做主食，估唔到呢道菜會係我全晚最鍾意嘅一道！首先，睇餐牌嘅時候我一心只係想叫鰻魚炒飯食，根本無認真睇，無留意到朋友揀嘅主食係冷烏冬，所以即使送到上檯，我依然覺得佢係一碟熱嘅明太子烏冬。真係到食第一啖嘅時候先發現原來係冷烏冬，涼涼地，最啱就係夏天食！店舖選用較幼身嘅烏冬製作呢道料理，烏冬煙靭彈牙，拌入明太子醬增添鹹鮮味，亦有蟹籽增添口感，三隻大蝦非常爽口，配埋生洋蔥絲一齊食，簡直無得彈！ 💰$38とり皮 🍢食食下心血來潮想叫返串串燒，我哋都不約而同地揀咗大家嘅最——燒雞皮！一串價錢雖然少貴，但雞皮脂肪量適中，調味唔會過份重手，加上烤得香脆，入口盡是油香，絕對值得呢個價錢。如果想經濟啲，可以跟佢哋嘅自選烤鳥串，$108就可以食到三款自選串燒！
繼續閱讀
門外留有些少神秘感🫣點知一入到去已經係勁有氣氛😍店舖雖小但五臟俱全，眼前見到嘅係各種不同嘅酒品🍶如果我屋企有個角落係咁嘅真係開心死🫢環境氣氛令我覺得如果有一班人係度飲飲食食吹水，一定會不醉無歸🤭➷🪐 芥末八爪魚好喜歡佢滲出嚟嗰種芥末香，唔會係食壽司時好攻鼻嗰種😌每次見到有都會忍唔住嗌嚟食😆爽口之餘亦係開胃嘅選擇👍🏼佢嘅份量唔少，可以慢慢食🤪§🪐 和風紫菜魷魚鬚要佐酒，離不開各式各樣嘅炸物🍤揀咗個大人細路都鍾意食嘅魷魚鬚🦑新鮮即炸，香脆可口😋粉漿唔會做得太厚，內裏仲夾住紫菜香，多一番風味🤩§🪐 自選燒鳥串食串燒亦少不得呢嗰鳥類自選組合🐔嗌咗雞皮、三角雞胸軟骨、月見汁免治雞肉棒呢三款😍串燒燒至金黃色帶點微焦香😶🌫️調味上亦都恰到好處👍🏼特別鍾意食佢個雞胸軟骨，好有咬口🤤§🪐 明太子玉子燒面頭佈滿木魚碎同明太子醬，非常惹味😋切開內裡見到一層層滑嘟嘟嘅玉子🤩味道偏向咸身少少🤏🏼但如果飲咗酒食又會好啲，口味可以食得重啲！§🪐 日式鰻魚炒飯呢個炒飯真係完全夠晒味😍整碟炒飯，粒粒都有鰻魚嘅醬汁黏住，基本上每一口都食到鰻魚香👍🏼而且仲有好多鰻魚肉伴隨住，認真吸引😋➷有過百款酒品俾你揀😍手工啤、sake、梅酒等等睇到花多眼亂，就算朋友唔啱飲酒，一樣有無酒精飲品提供🍹有無朋友想同我哋黎飲返杯開心吓🤤➷🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼 9️⃣🌟
繼續閱讀
円相裝潢同一般居酒屋非常唔同，燈光非常明亮，而且以白色為主。牆邊放咗好多日本專輯，甚至喺牆上掛上結他作裝飾，非常型格。我哋主要叫串燒，一個主食同玉子燒，上菜速度幾快，職員都幾有禮貌，笑容滿面👍🏻- 火灸左口魚裙邊口感有少少嚼勁，每一條左口魚都充滿油脂，有少少入口即溶嘅感覺，非常肥美😍。左口魚下面係沙律菜，旁邊亦有蘿蔔蓉，一齊食感覺無咁膩。- 自選串燒自選串燒一共有三款，包括雞皮、雞肉同免治雞肉棒，雞皮非常香脆，雞肉都好肉嫩，不過免治雞肉棒就麻麻地，食唔到雞軟骨口感。一串平均$33幾抵食。- 蒜味鹽燒日本豚腩串豚腩串肥瘦適中，油脂豐富，肉質嫩滑juicy，調味適中好好味😋- 蔥花牛肋肉牛肋肉味道甜美，肉質非常鮮嫩，牛肋肉上面舖滿蔥花令香氣味道更上一層樓。- 咖喱湯烏冬份量好多，咖哩湯入面有好好多薯仔粒同蘿蔔粒，烏冬滑溜，不過整體味通略嫌太鹹。- 玉子燒玉子燒係居酒屋非常常見，但唔係間間都做到濕潤嫩滑旣口感，有部份居酒屋既玉子燒都係乾柴柴。而円相既玉子燒係屬於前者，玉子燒上面鋪滿木魚碎，口感更豐富👍🏻整體而言，串燒出色，尤其係蔥花牛肋肉同豚腩串。特別一提餐廳嘅Happy Hour 好抵，七點之前指定酒類飲品只係$32，可惜之後要做運動，唯有下次飲返。
繼續閱讀
一間以居酒屋形式經營嘅日式餐廳，店內擺滿各式各樣嘅酒，雖然我同朋友都唔係喜愛杯中物，不過，試下佢地嘅日式食物應該都唔錯。首先有精緻嘅燒茄子串，燒過之後嘅茄子，味道變得格外清甜可口，絲滑細膩，令人回味。賣相好吸引嘅係蒜香牛柳粒黑醬油炒飯，食落蒜香及黑醬油勁濃香，互相配合，天衣無縫，而且每啖都食到鮮嫩嘅牛柳粒，飯粒分明，份量十足，令人食過不停，非常滿足。火炙明太子山藥煎更值得推介，大大粒明太子舖滿在煎香嘅山藥上面，喺融化緊嘅狀態下，增添綿密口感，食到惹味又鹹香嘅明太子，零舍有風味，大家一定要試吓。仲有玉子燒，好靚嘅淡黃色又大件嘅玉子燒，上面舖咗木魚絲，好吸引。入口非常幼滑，仲有微微蛋香甜味滲出嚟，十分滋味。再有蒜香厚切牛舌芯串，燒得夠焦香，醃味適中，肉質厚實，咬落好有口感，唔會靭，果然夠新鮮好味呀！特別值得一提，有一男一女嘅服務員，待客有禮，服務體貼，值得欣賞，令我地好想快啲約埋三五知己再嚟一趟！仲有好多酒可以飲！
繼續閱讀
今晚和朋友去了尖沙咀行街, 剛巧朋友說想吃日本菜, 於是便來了這間餐廳吃晚餐.七味炒日式魚板 ($52): 真的非常出色! 七味粉好香口!!!非常惹味! 我很少吃以七味粉為主的菜式, 而這一款真的是令我眼界大開, 食到停唔到口, 原來用七味粉可以整得那麼好吃. 我覺得佢有少少辣, 但我本身是吃不到辣的也是能吃到.這一款小食我認為是必吃的.月見汁免治雞肉棒串 (圖上方) $42: 燒得幾香口, 都不錯蒜香厚切牛舌芯串 (圖下方) $68: 我自己一向很喜歡吃牛舌, 這串燒牛舌也一樣很好吃, 蒜香味很香濃, 牛舌也燒得很香口, 夠淋夠入味, 好正.另一款我覺得是必叫的就是這一款: 蒜香牛柳粒黑醬油炒飯 ($118)飯裡面沒有蒜蓉, 但我吃的時候真的是每一口飯都吃到牛油蒜蓉味, 是每一口!! 我也不知是怎樣做到的, 但就是真的非常惹味, 最後我和朋友是把整碟飯, 每一粒飯粒都吃光, 因為真的是非常好味. 至少我暫時沒在別的地方吃過這麼重蒜香味的炒飯. 牛柳粒也同樣是炒得很香口, 不錯.才$118其實真的覺得非常抵.蒲燒鰻魚飯 ($118) :鰻魚燒得很香口, 不錯, 沒有骨, 幾好食.
繼續閱讀