八月花 (東薈城名店倉)

營業中

休息中

午市去搵食。行過東薈城八月花。知道八月向來都有水準的。所以抗疫期間，打算食豪華些。估唔到咁有驚喜。份量都好足夠。龍蝦鮮味十足，乳豬夠脆皮，鮑魚正，連條菜都好好吃。

1. 經理服務態度差， 火氣大語氣差2. 食物質素參差， 時好時壞經常缺乏食材，冇呢樣冇個樣3. 煲仔飯有點質素4. 花茶聲稱免一位茶錢， 實際上花茶錢即茶錢，根本冇免茶。 例子： 2位茶客， 叫一壺花茶。收費：1位茶錢$15 + 一壺花茶錢$35-48大家唔好俾「免一位茶錢」氹到。

東薈城開埋第二期之後， 無論食肆或者商店都有好多選擇， 但係中式酒樓， 可以食點心嗰種， 好似就係得呢一間， 所以無論假期或閒日， 呢間酒樓門口都會有人排隊。 八月花係美心集團旗下比較高價嘅中菜館， 裝修唔錯， 樓底高， 枱與枱之間闊落， 幾啱三五知己傾計聚舊。 今次叫咗兩碟炒粉麵和幾樣點心， 味道都算唔錯， 維持返佢一般嘅水準， 不過但他嘅賣相就差啲， 畀三個蛋撻不過用擺四個點心嘅碟， 蛋撻水準一般， 佢哋收得咁嘅價錢， 應該係擺位方面靚D。 我哋叫咗 頂級碧螺春和陳年普洱， 兩種茶都入口甘香， 完全冇苦澀味。 員工態度好， 而且上菜有效率， 整體上是滿意的。

菜色選擇多，今次揀左咕嚕肉，燒鵝，干燒伊麵，另外有兩碗羹。取外賣後十分鐘便回到家， 餸菜還熱，分量足夠，但湯羹剩微溫而且太水。燒鵝不錯，皮趣肉嫩，但汁太咸，咕嚕肉有一定水準，干燒伊麵干身不油膩。 折實240， 晚餐價錢可接受

又係返工前午餐餐聚，同事揀咗呢間，無訂位去到攞位，5個人都唔使等，酒樓分兩層，在酒樓內有樓梯上落，裝修好低調中式，有貴氣，餐牌點心其實唔算多，都有些是特色的，落好單要等，唔相信是即叫即整，因為點心都唔夠熱，或者是出菜後無人手出菜八月茉莉花茶（$45）玻璃壺計火爐，見到花茶色彩繽紛是賞心悅目的，不過飲落味道不算特別，價錢貴只加水唔會添茶葉，唔值飲前菜（$15）成餐最好味只係呢碟前菜，木耳爽、枝豆彈牙，加上鹹菜爽口又不過鹹，有皮花生香脆，啲汁酸酸鹹鹹，好味鵝肝蟹籽脆春卷（$45）賣相靚，首先食唔到鵝肝味，未沾芥末醬時食一口，只係普通春卷，炸得香脆，蟹籽微鹹脆口，沾芥末醬的話，就比芥末沙律醬搶晒味道，如果唔計鵝肝主題是好味的，但無鵝肝味嘅鵝肝春卷，我覺得唔對題！鮑汁炆鳳爪（$46）無影到相，無食到甫魚滑燒賣（$37）首先蒸過熟，黃色薄皮都爛了，蝦是爽口，魚肉又無乜魚味，又唔覺得滑口！一般娥姐素粉果（$37）皮可能太薄或蒸過熟，一夾起就爆肚，跌晒啲餡出嚟，餡料本身切到好碎，菇味好濃，如果唔係皮太爛的話是好味的豬肚燒賣（$37）無食咸水角（$26）差差差👎🏼完全無熱氣，明顯炸好擺了一段時間，連熱

只是週中其中一天去，想不到這個集團的酒樓，在東涌，竟然都有這麼多顧客在等位。🤯😯挺堂皇的，兩層，樓層高，不過之前的裝修一直都是這般。🤪沙嗲班腩煎米粉，還想讚賞魚件夠大，粉不多而肉厚、多肉，幸而沒對魚放鬆，因發現有件中間有大骨一條，如大快朵頤大口咬牙豈不牙齒崩痛旁邊有幾條生菜，另外煎米粉原來是側邊先炸到香脆，然後有點兒吸了沙嗲汁，然之後中間的米粉又會鬆開散開，因此有兩重口感咸水角反而味道出眾，即炸，外皮軟熟而不油膩，挺身，中間多餡，肉汁溢出，難得可貴，是近年吃過最美味欖豉排骨，欖角汁帶鹹、豉汁帶香，排骨鬆軟而肉質不會過林，亦是不錯如沒吃錯，排骨底下的應是柚皮，雖然較膩，但吸汁夠香，而且工程繁複，還算是難能可貴。雞紮就看來比較細小，無論是外邊的腐皮，定律是內裏的雞肉、冬菇等等都偏向細，好像縮了水。難怪收費比較貴，因為豬肚燒賣，聽起上來好像只有下面一舊豬肉，上面一塊豬肚，但原來這兒的豬肚燒賣，除了頂上的那一塊豬肚，下面的燒賣亦都有不少蝦肉。

點餐時服務侍應好似急住趕飛機，都容不得我看餐牌，因為我想點的菜有幾個都沒有，服務差，香酥鴨同之前吃的水准差太多，難吃！龍蝦伊面既沒買相味道又差，只龍蝦真是沒什麼肉，同之前吃的相差太遠⋯不會有下次啦

是日母親節👵🏻 11點同屋企老人家飲茶 好多人 拎左飛都要等1個鐘飲茶必叫 魚甫滑燒賣 每粒都有一隻蝦仁🍤 魚肉豬肉餡軟滑 食得出都唔係好多肥豬肉 燒賣口感濕潤 唔會蒸到乾爭爭韭黃蝦仁腸粉 每條腸粉有三隻蝦 腸粉皮唔算好厚 唯獨韮黃好少 所以唔夠韮黃味 XO醬炒蘿蔔糕 呢個做得好差 蘿蔔糕完全唔似有炒過 純粹將煎好蘿蔔糕切粒 上面放啲XO醬 蘿蔔糕完全冇XO醬味 好hea🥴椒鹽九肚魚 九肚魚好細條 無咩肉 唔肥美 食得出條魚吾新鮮 炸粉好厚好咸 炸得太耐好乾 估唔到美心集團酒樓 仲要係標榜精緻中菜 都甘差...

呢間野嘅裝修幾好，由於限聚令我哋八個人只好分兩張枱飲茶，一嚟到個部長係咁Sell你飲佢嗰啲貴價茶，大約$50一位茶錢，八個人咪要$400未計+1(淨茶錢)，我話唔使啦我哋食啲嘢就走㗎啦，之後佢逐個逐個問，唔知係咪有得分㗎呢？蹉跎左一段時間之後佢終於肯走，我哋開始畫點心紙，畫完之後舉手超過10分鐘都冇人理我哋，但隔離前面前幾枱有職員幫其他客人影相的，亦都有好幾個員工經過但係都視而不見，跟住有一個好似經理嘅物體走咗過嚟幫我哋落單，把我們兩張枱的單都掉轉了，只不過係兩張枱啫都搞成咁，之後大家都知會發生咩事啦，就係上菜嗰陣時大兜亂囉！豉汁蒸鳳爪四十幾蚊佢話賣晒，只有鮑汁鳳爪九十幾蚊，唔緊要咁咪要鮑汁鳳爪囉，結果冇味賣相極差！其他嗰啲嘢食可以接受啦，如果咁嘅價錢冇咁嘅質素點得啊

見到有優惠平日六折，星期五到日六八折點了半隻雞、三文魚炒蛋、牛腩及炒蓮藕，六八折之後$538，坐得舒服餸菜味道也不錯兩個人食到好飽，最後半隻雞還要打包走本身打算吃二百幾蚊一位的套餐，不過自己叫原來更加抵，起碼食得飽不過呢其他收費好多，除了$15一位水費，另外還要自己買茶，這個烏龍人蔘茶40幾蚊，還有錢在$15...... 當然不算是貴，不過有這麼多隱藏收費，一個人坐低起碼要比$70，如果沒有優惠相信不太抵

五月一日勞動節，去了皇室堡八月花飲茶。一入到八月花樓層已被環境吸引，酒樓高檔而不失清雅，而座位也很舒適。叫了幾樣點心，包括菜干陳腎粥，义燒酥，阿爺合桃酥，花膠瑤柱灌湯餃，荀尖蝦餃及雙腸糯米飯呢！總括來講，價錢高檔而點心不夠水準。另服務員聲音粗大，與環境極不配合。非常之嘈吵呢！

美心集團的八月花，點心出品一向精緻因為疫情關係，比較容易找位子，否則經常大排長龍馬來糕造型非常特別，太極形態，味道則一般，兩個顏色也是一樣味道百花釀魚肚，魚肚入味，蝦膠彈牙，令人回味炸兩欠缺香脆，有點失望生煎梅菜肉銀絲卷，可能放了一點時間才食用，飽質有點硬咖喱魷魚炆蘿蔔，非常入味，大家也喜歡酥皮龍蝦湯鮮竹卷，鮮竹卷香脆，伴入龍蝦湯，非常美味得意琥珀合桃爺爺，外型趣緻，但味道偏甜，口感也平庸八月花環境舒適，裝修簡潔，適合家庭聚會，朋友聊天

我今日去東涌八月花食晚飯，7:45pm 入座即刻叫左羊架同埋呷醋魚伴手指茄。 隔左20分鐘， 先話俾我知條魚賣晒。隨即改原條香茅蚊海斑， 左過咗15分鐘，先通知我亦賣晒。 再等多10分鐘我個羊架先至到。人多，啲餸煮得慢，嚟得遲，我唔介意，但係可唔可以早啲通知我，我嗌嘅餸已售罄。至於我等左45分鐘嘅羊架，完全唔好食，得個咸字。最後兩個人食完羊架就走。 去過無數次八月花，今次係令人最失望😞已經寫去顧客服務部投訴，希望以後能夠有所改善。

2020年新一年的第一天 食我最鍾意的點心東涌多一間中式餐廳了 今天一試🤗等位的人比較多 去到才知道 可以下載手機app等位  建議大家可以下載手機app排隊 等了半小時便有位置了比原址前身的餐廳 要贊大玻璃窗上 有遮光窗簾 不會像之前一樣 一邊食一邊焗桑拿 大大的陽光 從大玻璃哂進餐廳內 太溫暖了🌞🌞🌞豆苗幾好食又大碟 燒味雙拼湯粉麵的燒味不錯 下次去會再點酥脆鮮蝦腸粉 好脆有口感鮑汁炆鳳爪有點欠奉唔夠入味椰皇蒸棉花雞 有點油 棉花雞有椰皇味 一個新嘗試鵪鶉蛋燒賣唔係間間茶樓都有 唔錯環境都幽雅 下次會試别的點心

今年特別為媽媽70大壽準備了很多，哥哥的餐券令我選擇了「八月花」，地點很方便以外，也很欣賞餐廳的裝修特別的日子選了特別的菜式 - VIP menu C，十道菜加上甜品及蟠桃包包，豐富嘅佳餚再加上一流嘅貼心服務，真的讚不絕口！