店內面積比我想像中細， 因假天花關係，樓底比較低， 聲音回響好犀利，咁啱隔離有一台十幾人講野超大聲，加店內其他聲音，頓時恍惚在大排檔一樣，同枱人講嘢好困難先聽得清楚好嘈 睇緊餐牌時有位熱心女員工不停建議半席套餐， 又話套餐嘅菜可以改自己想食嘅菜， 改改下其實套餐一半嘅野都改晒， 但仍然係套餐嘅價錢比我哋單叫貴一倍有多， 熱心女員工又再一次熱烈建議，最後決定單叫 食物陸陸續續上枱， 仲上咗一碟我哋冇叫嘅食物， 咁啱屋企人夾咗， 熱心女員工過嚟了解事件， 夾咗嗰碟我哋要啦，個碟係六十幾蚊。 而我地想食個碟七十幾蚊，熱心女員工又建議我地要埋，即要付費。因未上菜，最後決定退回廚房。 隨即著熱心女員工印返張點菜單，發現pizza冇左，佢話寫落單的紙仔唔清晰明明寫得好清楚，唔知點解佢睇錯和落錯單，因小朋友想食pizza,最後加返pizza 食完，隔離枱嘈到食得唔舒服，賣單走人啦，點知張單又有問題pizza 和退回的食物在帳單上，又問我係米要void左碟退的食物我唔明冇食過點解要俾錢嘅？？？茶位錢上又糾纏，最後個2歲唔收茶位。好煩，女員工由開始到走都係傾數 冇咩事唔會再返黎食 建議各位check電腦印的落單紙和帳單 食物 ：個pizza 幾好， 菠蘿咕嚕肉啲咕嚕肉幾好食，其他都可以啦

馬會內的一間餐廳， 地方大，又坐得舒服，咁岩我用餐時人不多，只有幾枱客，舒服 方便客人觀賞球賽，又可即時落注 我點左個南乳豬扒全日早餐，個果醬好好食，沙律新鮮，豬扒好香脆 下次黎會試下咖啡 唯一一個小問題係個落單系統，送出的單消失了，要搵店員再落單

連續幾日聖誕紅日，同朋友去梅窩玩，我早到周圍睇下有咩好食，第一次試，有驚喜哦 下次會再返嚟試下，或者會堂食，因為可以打機， 今次朋友ot遲咗放工唯有外賣。 在梅窩碼頭和巴士站個邊， HSBC隔離，好容易見到 入到嚟發現有部機，員工叫佢Arcade table，下次黎想玩下 呢個海鮮煲好好食， 佢個汁好特別， 因有朋友唔食得辣， 我嗌咗個小小辣 漢堡包都好食，最驚喜係炸魚， 唔似一般餐廳咁厚嘅炸粉， 食落去好脆口 至於side dish， 我最鍾意食眉豆豬腳， 薯蓉唔會太heavy, 椰菜沙律畀我朋友清曬 買咗呢罐柚子飲品，不錯哦！ 贊。唔知超市有冇呢隻飲品買呢。。。 總括嚟講我和我朋友都好滿意， 環境舒服， 加埋店內的音樂，好正呀 😌 by the way，鋪頭用嘅外賣餐盒，甚至外賣袋原來都是可生物降解的， 手感同膠袋好唔同。 又有美食，又對環保出一分力

12點放中午飯, 見咁耐冇嚟呢間餐廳就試下啦, 店內得幾位客人, 仲未坐滿半間鋪頭
點知入座冇耐, 突然個男老闆面紅耳赤好大聲咁鬧個年輕女客人 [食個幾十蚊嘅飯多多要求, 唔好咁多要求... ] 又話[點樣交租呀?! 你幫我交租呀....... 凍就著褸.....................(下刪幾分鐘的字)]  
最勁係個女食客好冷靜咁回覆, 佢自己細細聲問靚女(職員)問題, 使唔使咁大反應呢, 仲叫老闆唔好咁大聲鬧啲客  對話間得知呢個食客店開張冇耐幫襯架啦,  老闆即時好大聲講因為間店啲野好食啫........ 個女食客神回應啲嘢係好食(!), 但係你咁大聲鬧客, 而佢諗住開心食餐飯, 咁樣佢好難食得開心, 仲回覆老闆唔好有要求呀嘛...... 最後有個女職員叫老闆唔好再出聲...老闆靜左一陣跟住自言自語
據前文下理和先到的朋友口中得知, 個食客唔想坐冷氣風扇位, 因為凍, 問可否坐後面, 就係咁小事  點知咁就俾老闆鬧, 相信如果唔係order時要俾錢, 佢應該會起身走人 (我諗我會係咁啦), 老闆喺舖頭咁大聲唔停口咁鬧個客始終唔係咁好嘅, 而個下我同個朋友都嚇左一跳, 都怕誤踏地雷 坐多陣留意到老闆會要求啲客坐邊個位, 而我呢啲唔係經常黎嘅客,就應該唔會知5號枱1號枱其實係邊張枱~

至於食物方面, 飯唔夠熱, 薑蔥油和豉油直接倒在淋在飯上, 好鹹, 我地點嘅雞雖然唔‘鞋’口,但未熟透, 部分雞肉有血紅色, 費事講啦，廢事老闆鬧我地，所以唔明點解嗰位食客話好食.... 坐坐下都發現幾涼,加上呢排天氣涼咗, 啲飯好快吹到凍, 一凍啲飯就好硬..... 餐廳只接受現金,老闆收完錢之後會斬雞,唔知個陣佢有冇帶手套, 冇再留意啦,食物質素再加上一件花生前菜, 應該都唔會再黎啦, 反正附近都有好多選擇 建議前去嘅食客唔好有咁多要求,反正想飽腹, 食得夠鹹,唔肚痾，都可以嘅

  

 

之前試咗幾間點心放題，都唔係真放題。 但呢間係真放題。 點心放題只限平日，即星期一至五， 我用餐時已經過咗午餐時間， 餐廳內冇太多客人， 去到已經有位。 店內闊落,企理是正 ,也坐得舒服。 至於食物方面，好正呀！有蓮子蛋白杏仁茶，好耐都冇食過啦， 好香杏仁味。點心也不錯， 蝦餃和燒賣都大大粒， 鮑魚蛋撻酥的飽魚都大隻，點心足料。 分別點咗三次，三次都到齊，唔使催， 啱啱好食得曬，唔做大嘥鬼。 有加一服務費，每人埋單大約二百。 佢哋的茶都好好飲。 下次咁啱經過都再食

呢間素菜餐廳我都幾鍾意食嘅， $53一個餐，又坐得舒服， 亦冇一般素菜餐廳最鍾意的芡汁，贊。 一坐低義工會畀一杯水和一碗粥， 呢碗粥好好味， 有啲薑味，有紅蘿蔔 ，眉豆等， 聽義工講佢哋會煲一大煲粥， 派完就冇㗎喇 我最鍾意食嘅咖哩素魚飯， 香香的咖哩，撈埋啲白飯好惹味 小食我多數會揀豆腐，好入味， 仲加埋一碗湯， 食完成set套餐，加碗粥，真係夠飽好滿足， 重點係食完成餐飯，唔會口渴 同事話佢食呢個素飯都好好食，蕃茄汁唔酸，贊，下次會再黎食

簡短記錄下幫襯咗兩次的事，唔想咁放負。 兩次都係平日都係食早餐， 店內唔多人。第一次入去見有吉枱就坐啦，枱上有張QR code的紙，掃code落單都耳熟能詳。 冇幾耐，店員將啲食物放喺隔離冇人坐的枱， 嗰下我有啲錯愕， 有諗過係員工用膳的餐， 而又咁啱點同一樣嘅食物，坐坐下覺得好怪，點解遲過我入黎的人都上菜，而我仲未有呢？ 而我隔離嗰張枱仍然都係冇人坐。 問下店員啦， 點知佢就問我係咪自己轉左枱， 咁我答佢一入嚟我已經坐呢張枱， QR code紙放喺枱面的。 唔知係咪店員搞錯啦， 但係好肯定佢哋冇留意食客坐喺邊張枱， 完全唔覺得張吉枱點解會有人點野食，食物一直放著。。。。。 算啦，小事一樁， 今日又去食早餐， 食物冇放錯枱啦今次， 但係韭菜豬肉餃是生的 等待時，一個剛入嚟嘅食客話有小強，要調位到另外一張枱 最後店員轉左熟嘅餃子畀我，但係影響印象分 決定至少半年內唔會再返去食， 也學會掃碼落單時睇下枱號岩唔岩

本來滿心歡喜去食個點心放題，點知食到成肚氣。首先，點左點心紙之後半個鐘都冇野來。之後左右臺都上左勁多野，我就等到頸都長都唔齊。之後再入單都唔齊。 食物方面， 芫茜流沙包係難食到一個點，請千萬唔好試，其他都 都冇咩芫茜味。其他點心都可以，一般般，最驚喜係放題不是真放題!!! 員工人數不足，在場的店員都勤快但場大又多客。 反正不建議前去！!

見到標題，聰明的你應該估到係咩原因， 你可能會講， 大部分餐廳都係咁㗎啦 ，重味精是好正常的吧! 味精，MSG這增味劑真的越來越普遍， 好遺憾，慢慢的成為常態，是另一種的 New normal 嗎？ 上菜很快，只是食完後就要飲大量的水，有人建議飲高糖分飲品可解味精，但係咁會攝取多左糖分 手機掃描 QR code 落單，方便快捷

第一次黎食，街坊推介這家酒樓， 特別推介任食點心 周五放假，我和朋友嚟試一試 任食點心早餐 可惜有點失望 疫情下平日的早上都好多人 睇嚟好多街坊都鍾意黎呢度飲茶食個包傾下計 任食嘅話店員只提供某幾張點心紙， 我哋寫咗幾樣，包括好多人推介的蝦餃和燒賣 嗌嘅嘢食就一下子全部嚟曬， 嚟咗蝦餃 的確不錯的 一直都在等燒賣，亦都有同店員講請佢哋跟跟， 我見嗰位店員行咗去問， 過咗半個鐘過去了，咩都冇黎過，再寫張點心紙，都冇燒賣黎。。。 同一位店員行過，我地望住佢， 佢好驚訝咁問係咪仲未上呀，之後佢 行咗去，返嚟嗰陣拎咗一籠熱辣辣嘅燒賣嚟 總括嚟講蝦餃，燒賣的確不錯， 熱食嘅湯飯都幾好食，好可惜， 畀咗任食嘅價錢 ，結果啲點心嚟左一轉，唔齊。再跟跟張單，都係冇黎到。 呢下唔符合商品說明條例， 任食點心紙 嘅嘢都唔係任食，任吹但都冇黎到。 服務態度，大部分都很好 ，但係明顯人手嚴重不足。 店內環境， 一家普通的小本經營酒家，都很地道的。我自己都支持本地經濟，講真唔想全港都俾大集團壟斷。 有機會都會再黎試，或明年再來，希望到時人手足， 唔會漏單啦。