兩草 (威德閣)

營業中

休息中

B級美食發現，飯類小食嘢飲全部都出乎意料地好食，大家要去會一會佢🤘🏻！・・・・・・・・・・・・・・・・・・・・🍚 香煎脆邊蛋肉餅飯 多蔥 HK$42・味道：以為出街食嘅肉餅會好調鹹，點知調味啱啱好唔會好重手，就係媽媽牌肉餅！燶邊太陽蛋世一，加埋豉油冇得輸啦，唔多講XD・口感：肉餅幾厚肉但偏細塊唔夠撈飯☹️，大塊啲就perfect嚕。🍲 小籠包胡椒湯 HK$40・味道：好重胡椒香，唔係倒胡椒粉嗰種，係本身用胡椒粒煲個湯嘅味，辣辣的好爽XD小籠包餡夠大亦咇晒汁，juicy！・口感：辣辣地咁好暖胃，價錢都算抵！🐔 香茅雞扒飯 多蔥 走油 HK$38・味道：雞扒又係，咇晒雞汁好香口，配埋燶邊雞皮係一絕！・口感：好厚肉，呢個份量就夠撈晒成碗飯喇～🥪 滑蛋叉燒三文治 烘底 HK$28・味道：個叉燒整碎咗上，但唔會好乾食到一絲絲柴口豬肉咁，一啖食到晒叉燒、滑蛋加埋蔥，超香口直接高潮XD！・口感：烘底外脆內熱一定冇死，好食方程式desu～🍗 招牌炸雞翼 HK$27・味道：呢個好L好食！！！menu寫明有蝦味，食落好香蝦油香，應該有加蝦油炸，好夾，好食喎！・口感：醃到入面嘅雞肉都有蝦油香，滴晒汁咁，呢個必

店面設計有懷舊中式茶樓feel，下午荼時段黎食，送野飲幾抵食~ 香煎脆邊蛋肉餅飯 (多蔥唔要油) $42肉餅飯size唔算大碗 (唔知係咪因為下午茶？定我大食? 🙈)，好似屋企平時用開既飯碗再大少少既size，幾有家既感覺 🤣，不過賣相吸引，多蔥配合燶邊蛋 👍🏻 味道方面，煎肉餅雖然唔算厚身，但好香有口感，特別惹味；配搭多蔥流心燶邊蛋仲有香甜豉油汁，真係好快就食哂成碗飯！結論🫰味道唔錯，可以encore🫰下午菜有野飲送 (14:30開始)~⚡️碗比較細，好難「畢」飯食/會食得有D 喱啡CP值：9/10 餐廳資料餐廳名稱：兩草餐廳地址：北角炮台山宏安道18號威德閣地下6號舖營業時間：11:30-21:00

咖央多士🥪上餐既速度好快已經心知不妙，似乎係一早整定，有人叫嘅時候就拎出嚟，所以唔熱唔脆🥲個味係好但有少少失望香煎脆邊蛋肉餅飯🍳配隻脆邊流心蛋，拮穿蛋黃再連肉餅撈埋有豉油汁嘅飯食落肚真係好香好正😋 如果個肉餅再大少少就好了😆

之前喺大坑嘅時候食過幾次，覺得幾好，香港少有低價馬拉風味，但係今次再去試新舖頭，超級重味精，食完之後超口乾。成個感覺冇咗以前小店風味，變咗快速上菜趕客。叫咗個肉餅飯，好乾，啲啲飯好油，完全唔係香味係油飯。另外調多咗個叉燒蛋飯，又係勁多油，叉燒好硬似係隔夜買。之後叫咗兩個小食，感覺正常，但係都唔平兩個人買單都要$$150 。最後食完真係好口乾，佢每樣嘢基本上都好重味精，希望小店有返啲心機做，保持返以往嘅水平

裝修行懷舊風，啡色摺枱、招牌同傳統雜貨店既紅燈罩打造舊香港情懷，昏昏暗暗既燈光令餐廳更有本土氣氛，當然唔少得枱同枱之間距離極近同搭枱呢個香港文化啦，去嗰日都見到有唔少遊客到訪。▫️香煎脆邊蛋肉餅飯($42)蛋生熟程度啱啱好，蛋汁撈埋豉油同飯一齊食真係冇得輸🥰肉餅都算大塊，但係煎得唔夠香，食落冇乜驚喜🤔但係都幾抵食，份量算多，我就食唔曬成個飯🍚▫️香茅雞排飯 ($38)雞扒咬落有肉汁，配埋香茅汁好惹味，重口味嘅我就鍾意呢個飯多啲😆▫️蛋炒豬腸粉 ($27)比較細份，腸粉用秘製醬油嚟煎，食落味道好淡唔係我想像中惹味嘅炒腸粉，個人就覺得一般😂▫️招牌炸雞翼 ($27)一份有4隻，炸得皮脆肉嫩，唔錯！

從店內的佈置充滿了懷舊氣息，讓人感覺好像回到了80、90年代的香港，好像時光倒流一樣。這間店雖然面積不大，座位唔多，環境尚可以，坐得舒服就講不上，但枱與枱之間仍算有距離，不會壓逼。賣嘅款式亦不多，如果您正計劃去找一家好吃的港式餐廳，我強烈推薦這裏。下午二點幾唔使等位，但仍坐滿了很多食客。看一看餐牌，食物價錢便宜，但選擇唔多，最後點了幾款食物，因為是餐廳的招牌菜，好快就有得食。香煎脆邊蛋肉餅飯煎蛋肉餅飯是兩草的招牌菜，這個飯賣相非常吸引，而且份量很多。滿滿的蔥下有一隻脆邊荷包蛋和一塊煎得恰當的新鮮豬肉餅。燶邊蛋很大隻，個邊非常香脆，仲保持到荷包蛋效果，加上隻蛋蛋黃漿好濃稠，撈飯完美，肉餅很厚實，煎得很香有口感又有點酥脆，但裡面仍然很嫩亦唔算太鹹，飯都煮得幾好，夠香夠乾身，但一定要淋上餐廳的特製醬油，與飯混合一起食用，層次豐富。咖央多士多士一開二，當然要好考功夫，似係一塊麵包再分開兩塊嚟焗，多士又薄又脆，搽滿了馬來咖央醬，鬆脆中滲著椰子甜香，是馬拉的經典味道（雖然不正宗，但仍然很好吃）。脆香魚餅魚餅係足料的鯪魚肉，肉質彈牙，煎得岩岩好，不會腥，煎香之後十分惹味。蛋炒豬腸粉像豉油煎腸粉，雖然

❮ 兩草 𝙏𝙬𝙤 𝙂𝙧𝙚𝙚𝙣𝙨 ❯📍北角炮台山宏安道18號威德閣地下6號舖⟣⎯⎯⎯⎯⎯⎯⎯⎯⎯⎯⎯⎯⎯⎯⎯⎯⎯⎯⎯⎯⎯⎯⎯⎯⟢ 以前兩草仲開喺大坑嘅時候有食過但佢前一兩年無做覺得好可惜一直囉囉攣想食返終於喺炮台山開返間 開心 (๑❛ꆚ❛๑)最鍾意就係佢嘅肉餅飯加埋隻流心蛋真係無得頂配埋個胡椒湯一齊食仲正而且佢價錢唔貴 好抵食係我會不斷回訪嘅餐廳▻ 肉餅脆邊蛋飯 $𝟒𝟐▻ 滑蛋叉燒飯 $𝟓𝟎▻ 咖央多士 $𝟐𝟒▻ 無糖可樂 $𝟏𝟐

Lunch hour嚟到依度食飯，座位較迫要搭枱，唔算坐得舒服👎🏻店員嘅動作好快手，一食完就立即收走餐具，有效率😅✴️香茅雞扒飯✴️有少少失望，因為塊雞扒都幾油吓，而且肉唔算多，好多都係肥膏位👎🏻白飯加咗秘製醬油，食落無咩特別🙈由於個碗太細，塊雞扒又擋住啲飯，食落有啲唔方便，最後要多一個碟分開放塊雞扒先得～✴️雞蛋煎腸粉✴️份量少少，所以當係小食就啱哂🙈腸粉用秘製醬油煎，但食落味道好淡，基本上食唔到有醬油味，好似食緊蒸腸粉咁🥴可以唔食都得，十分普通呢～✴️檸檬薏米水✴️成餐最好飲，薏米好好咬，飲完好舒服☺️

久違的兩草😋以前有幫襯喺大坑既兩草，食物唔錯係坐得迫少少，早排經過見佢開左間新店喺北角，終於有機會黎試試，問過店員佢地喺以前大坑嗰間分店黎既，呢間分店大少少，座位多少少，都係迫迫地坐，環境以懷舊佈置，用左傳統雞蛋雜貨/肉店既紅燈罩，昏昏暗暗既燈光咖央多士 $24好好味，但真係好薄好薄好脆，食完一陣風咁😂蛋炒豬腸粉 $27炒得唔錯，正常好食脆邊蛋肉餅飯 $42真係幾細碗，份量好細，都好食既胡椒湯 $30勁勁香濃胡椒味，冬天飲仲正，而家可以無限添加

之前在舊店已經想試，但真係不就腳，所以擱置想法。既然搬舖，又搬在附近，那一定要完願。晚上七點多，十成滿要排隊，兩草格局係快餐佈置，店員問會否介意搭台，我反問他本身就是搭台佈置，可以不搭台嗎？說時遲那時快，有食客未食便離開，所以有位。點了胡椒蝦湯米，燶邊蛋肉餅飯，炒蛋腸粉及油菜。燶邊蛋肉餅飯味道層次豐富，醬汁有別於其他食店。胡椒湯的胡椒味重且清，啱時令，可惜蝦就一般。炒蛋膓粉食到鑊氣，油菜冇特別！埋單$132，看似優惠，實質份量少，適合瘦身監控飲食朋友；甚或是貴精不貴多的食店；店名除了叫兩草或者可以改為兩碗…追求飽肚之人，起碼兩碗先滿足！

香港難得的見性價比高CP值強嘅特色店-兩草主打馬拉小吃，據說老闆堅持用返香港兩草嘅意思-即係$20蚊去感受地道小吃「碗少，份量多」係屬於佢地既靈感設計今次午市點選左豬油渣溫泉蛋飯&香茅雞扒飯如圖所視，細細碗但有心思豬油渣細細粒又脆+溫泉蛋既蛋黃汁+佢地秘製醬汁， 真係好好食！！ 唯一美中不足既就係豬油渣擺菜時係放碗邊， 食既時候真係比較容易跌落台面至於佢既香茅雞排飯，可以稱得上係用心炮製雞扒唔肥唔瘦 完全冇用鬆肉粉 可以稱得上係原汁原味 再加上佢哋自製嘅香茅汁 ，兩個字「絕配」雖然我去試嘅時候唔夠時間 但建議大家可以多點多幾個小食 感受吓香港情懷總括而言評分：9/10

之前開喺大坑既兩草一直都係人氣小店佢相宜價錢同懷舊的味道係一直受歡迎的原因喺大坑時食過一次 但地理位置唔算方便近期發現新舖喺炮台山開左 算係比之前方便 最適合附近住宅同上班一族幫襯🍽️小店形式 舖面大概9-10 張枱lunch時段去大概等左10分鐘入面裝修採用傳統大牌檔懷舊風木紋摺檯🪵街市紅色燈罩💡藍邊花紋碗🥡 幾有特色情懷🍚食物方面有飯有麵有湯同小食揀 每樣大概有3-4款我揀左佢地出名既燶邊蛋肉餅飯（$42）肉餅厚身有煎過 所有咬落實淨唔散 仲好香口燶邊蛋個燶邊好夠脆同香口 蛋黃半生熟仲有蛋汁可以撈飯 不過唔算重蛋香最喜歡佢個特製醬油 撈飯蘸蛋 甜甜地又香 好好送飯🤤+$10 可以加配胡椒湯（任添）胡椒湯好重胡椒味 但只有胡椒同咸味食唔出有其他材料第一次食的話可嘗試朋友點左豬油渣飯 豬油渣比想像中少同細粒 未去到完全乾身但出面已經唔多地方有呢款飯 掛住既都可以黎一嘗整體價錢份量恰當 味道家常小品值得再試

屋企附近新開既小店，見佢細細間試下幫襯。點知，試過返尋味。首先係價錢，每款價錢都好親民，40幾蚊一款。啱晒我呢個小資女嘢食方面，佢哋嘅招牌菜，肉餅燶邊蛋飯好好食😋呢個價錢完全係好抵食之後，我哋仲叫咗胡椒湯小籠包。佢個湯好入味。充滿胡椒味好香。同埋佢哋嘅招牌炸雞翼，開頭心諗炸雞翼有咩咁特別，但我形容唔到呢種味道又真係幾好食。雖然地方細細，但都有足夠嘅位置坐，同埋上菜都好快手。啲員工都好有禮貌。夜晚六點呢個時間都已經好多人食。我見到有好多人外賣，呢個價錢絕對抵食

懷舊香港地裝修 以前舊香港生果舖用嘅紅色燈罩 啡黑色條紋摺枱 餐具都非常舊香港感覺 食物似茶餐廳類別 一search 之下 原來旺角都有分店 而炮台山呢邊係新分店 見到lunch time都滿晒座要等位 一於外賣試試🫢由於係新開張 Cashier難免有啲手忙腳 👉🏻叫咗一個香煎脆邊蛋肉餅飯 聽到外賣盒要+$3 有一下猶疑 一個飯一個盒但要+$3 覺得有少少誇張🫣 外賣唔算等太耐 基本上10分鐘內已經有 返到公司急不及待開黎望下 一打開 香蔥味已經衝出黎 而且太陽蛋係個面到搖搖下 確實幾香幾吸引 篤穿隻蛋 等蛋汁流出 每次做呢個動作都覺得好治癒 一啖有蛋有肉餅有豉油汁嘅飯 係幾滿足 肉餅味道正常唔算太驚喜 而且有少少期望如果個肉餅可以再煎香少少會更惹味 下次會想試試佢地嘅咖央多士🤤