148
5
2
港鐵石門站 C 出口, 步行約2分鐘 繼續閱讀
電話號碼
65066502
開飯介紹
提供多款經典西餐菜式,如外脆內軟的烤西班牙黑毛豬、肉汁豐富的烤美國頂級肉眼扒和鮮嫩可口的烤羊架。餐廳每星期更換菜單,定期為顧客帶來新鮮體驗。 繼續閱讀
營業時間
今日營業
11:00 - 22:00
星期一至日
11:00 - 22:00
付款方式
Visa Master AlipayHK 支付寶 現金 銀聯
其他資料
網上訂座
賞訂座積分
加一服務費
獨家網上訂座
當面支付
有關獎賞計劃
食評 (161)
等級4 2020-02-25
2883 瀏覽
2020年2月12日 星期三呢日專登山長水遠去到石門諗住睇樓,順便周圍行吓,行完之後見肚餓,就直接喺附近睇吓有咩嘢食見到呢間餐廳個名幾得意,原來係食西餐嘅,就直接入咗去食裏面嘅座位雖然唔係好多,不過坐落去又幾舒服,仲有埋背景音樂餐牌方面主要係晚餐同二人餐,選擇都有幾多,價錢亦都唔算太貴,我同女朋友就要左一個二人餐首先有餐湯,應該係南瓜忌廉湯,因為南瓜嘅味道好濃郁,個湯都唔算好稀之後有沙律,沙律菜上面淋左醋,食落去酸酸地幾開胃,而且菜都幾新鮮之後有主菜燒魷魚圈配墨汁意粉,魷魚圈用咗一支百力支串住,賣相幾特別,食落去魷魚圈好彈牙,唔會太靭。至於意粉就好重墨魚味,食完成個口真係變晒黑色至於另一款主菜係肉眼扒,菜式嚟到嘅時候都嚇咗一跳,冇諗過會有咁大塊肉眼扒,切落去又唔會太過難,可能我哋叫咗五成熟,唔會煮到過咗龍,啱啱好甜品方面我哋叫左檸檬撻,食落去好Fresh,超級有檸檬味,用嚟消滯簡直係一流另外仲叫咗一個焦糖燉蛋,見到表面嘅焦糖燒得好香,而裏面嘅燉蛋好嫩滑,雞蛋味好重食完呢餐真係好飽,睇嚟又要唔知做幾耐運動先可以減到肥啦 繼續閱讀
(以上食評乃用戶個人意見 , 並不代表OpenRice之觀點。)
星期六去開沙田整啲嘢,加上啱啱有新鐵路🚞,所以就試下搭咗去石門,順便食個Brunch。原來石門站一出有唔少食肆,本身想食嗰間大排長龍,就再睇下有乜好食啦。見到有間叫兄弟工房嘅餐廳有提供Brunch Menu,環境又幾Chill咁,就試下啦😉。Brunch有8款揀,由$78-$118不等,奉送冰茶及餐湯,價格正常。款式都幾多種類,包括沙律、意粉、意大利飯、炸魚、全日早餐同牛扒等等。我相信總有一款會啱食😝。餐湯係南瓜忌廉湯🎃,幾Creamy又夠濃,唔錯。班尼迪蛋配菠菜煙三文魚($108),我最近都愛上咗食Egg Benedict🥚,呢到整得幾好,塊Muffin包包夠鬆軟,蛋係爆漿的,而且搭上荷蘭汁配煙三文魚,全部都係我鍾意食嘅🤤。明太子忌廉汁炸蝦意大利粉($88),意粉造型吸引,有三隻吉列炸蝦🍤。意粉口感ok,我主要欣賞嘅係佢個明太子忌廉汁,好好食好惹味😋,而且仲配有唔少菇同蘆筍。呢碟份量都多,食完會夠飽。餐飲方面,我要咗呢到嘅招牌凍橙茶Iced Orange Tea🍊。唔係講笑,呢杯真係超好飲!我無喺第個地方飲過呢隻口味,有淡淡嘅橙香,但無橙嘅酸澀,又無渣;總之就同個紅茶好夾。我直頭想喺屋企試下整嚟飲,哈哈😂。朋友就要咗杯熱咖啡(齋啡)☕️,佢話都幾香,上面啲奶精甜甜地,唔錯。我見到杯咖啡係用門口部咖啡杯整的。環境方面,餐廳雖然細細哋,但座位都安排得幾好。裝修幾簡約同整潔,仲有少少花點綴🌷。我最鍾意係門口嘅落地玻璃,令餐廳變得開揚同光猛。總括嚟講,呢餐Brunch確係唔錯,簡簡單單,唔係話好驚艷,但已經令我哋食得好開心、好舒服😌。餐廳仲有播住熟悉嘅廣東歌,正👍。 繼續閱讀
(以上食評乃用戶個人意見 , 並不代表OpenRice之觀點。)
等級1 2020-07-04
38 瀏覽
今晚去食,食物味道 ok,只係疫情下 waitness 竟然全晚無帶口罩,上菜時仲對住碟餸講嘢……咁唔負責任,無下次了……入去一坐低見到 waitness 無帶口罩,本身想即時起身走人,但因為有朋友生日同有老有嫩,所以無走人,一定唔會再幫襯…… 繼續閱讀
(以上食評乃用戶個人意見 , 並不代表OpenRice之觀點。)
依間鋪頭就位於石門既,咁石門而家多左咁多野食,如果有睇開我既食評都知道我係住附近,所以有時間我一定會試哂石門既食肆,咁今次我就同一大班朋友去食既,for兩個既dinner set呢,我地分別叫左3樣,想試哂佢,咁下面比大家睇下菜式名同埋價錢。咁大家唔係walkin架話都可以係openrice book檯既,佢有時會有d優惠比你,今次佢地就免費送左個蒜蓉包比我地,個包幾脆身,咸味都足夠。跟住就有餐湯啦,雖然入面就落足料既,但唔係好岩我口味,不過各人口味都唔同,可能你地會喜歡。下面依個係香煎虎蝦茄汁意大利飯,蝦係幾大件但味道比較淡,但飯係做得唔錯,夠哂味道,好似我咁鍾意食茄汁味既野可以食依個,唔錯的下面依個係prime 西冷扒10oz,因為我朋友唔係好食得太生,所以叫左7成熟,初頭我會以為太熟,食落口會鞋身少少,但都煮得好冧,肉汁都鎖得實係入面,係非常好添呀。下面依個係香炸德國咸豬手,先講依個薯蓉先,我係覺得非常好食,咸味均勻之餘配埋個汁係prefect,豬手比較硬身少少但配埋芥末醬,唔錯。最後依個係BBQ汁焗豬肋骨,薯條入面好足料,咬落去唔係好似出面咁好多粉而且熱到辣口個隻,而個豬助骨配BBQ醬,酸酸甜甜再加上嫩滑的豬肉,值得一試。野食係幾正路,當然個人覺得未去到好好食,但係keep到水準既,我都推薦大家去試下。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-05-19
189 瀏覽
今晚靜靜搵左石門D間餐廳同朋友相聚,地點很方便,落左馬鐵行三四分鐘就到!店內環境清幽,燈光柔和給人很舒服的感覺😊好適合三五知己好友去談天説地👍我地點了一份120oz牛扒約$260,七成熟,肉質鮮嫩多汁,沒有過火,而且配以薯格真美味🤩D份羊架約$230,我點了七成熟,配合特別配菜提升羊架鮮味另外加多$18有粟米極濃餐湯和特色飲品鮮橙冰茶!埋單都吾洗$500抵食,記得去之前經OpenRice book 位,點主菜有八五折👍👍👍 繼續閱讀
(以上食評乃用戶個人意見 , 並不代表OpenRice之觀點。)