佳美餐廳

營業中

休息中

今日去返多年前經常會去的餐廳食飯， 餐廳係喺地底，要行一條長長的樓梯，環境比較嘈， 侍應冇乜表情，目口目面。可能人長大咗啦！要求多左，感覺上啲食物搵唔返以前嗰種味道。餐牌都幾多選擇，有馬來西亞、西式、 越南和素食。麵包微溫微脆， 我要白湯，原來係紅豆湯，將紅豆磨碎咗，所以有紅豆衣。夏威夷菠蘿火腿雞扒配洋蔥汁可以選擇飯、意粉或薯菜，我揀咗紅米飯， 雞扒好大塊好厚，好可惜，雪藏味好重，我都食唔哂塊雞扒，紅米飯有啲濕，口感可以， 菠蘿甜甜地，火腿正常。檸檬水有苦味，唔夠熱。

本身對佳美餐廳都抱不高既期望，唸住就近食飽就算，但今次既食物實在食唔落😢叫左個煙三文魚卷拌香煎龍脷柳配粟米汁，個名好似好勁咁，但好普通。配菜薯菜炸得幾好，不過主菜塊魚柳都真係幾差，莫講話煎得一d都唔香，塊魚柳本身就好腥，落哂調味粟米汁都僻唔到陣味。從來未食過呢d冰鮮魚柳可以有陣咁既味，我相信佢地入既貨質素真係好低級。烤焗紐西蘭羊架，都expect食物本質唔會係高質素，但起碼係正常既味道😅本身唸住食佳美就好似食花園餐廳咁，而家發覺花園餐廳係好食好多囉🙄

中午時段 在中環要找 中等價錢 的扒餐並不容易 一般的羊扒 都會煮得 過份熟， 又或者為節省時間通常會油炸便 上菜 ，但是佳美便是不同，我吃過兩次樣把質素都是非常好肉汁豐盈嫩滑 份量足夠 配上意粉 足夠能量 下午拼搏!

雖然唔洗等位，一walk-in 就有檯，不過質素真係好麻麻先係服務員態度差明明有吉檯都要安排坐high table要求換檯又唔俾，話有人坐。。。最後我見唔到有人坐喎。。。叫落order 叫極都唔應機，落單又求其等餐仲耐。。。15分鐘有多先有碗湯？咩樹。。。個忌廉湯一d都唔creamy。。。水汪汪加粟米粒咁樣樣。。。最好食反而係個包，因為夠暖。。。ops 重中之重就係個主菜叫左牛扒薯菜。。。un 到呢。。。個葡國雞焗意粉。。鹹都無朋友。d雞林到一個點杯咖啡苦口，叫侍應拎多個奶，叫左2次先俾。。。d人講野勁大聲，嘈到一個墟咁氣氛完全唔適宜傾計110蚊落樓，食個咁既lunch 認真多謝曬

餐廳位於德輔道中某地鋪位落地牢，極之隱敝，而進店內亦會發現大多食客皆為附近打工仔，因為的確唔多人知佢存在係中環嘅一個角落。餐廳布置十分Vintage，有種以前花園餐廳的感覺，餐廳內牆上貼住該時最流行嘅電影之海報(賣唔賣座都有機會有)，相信老闆應該係幾鍾情電影。如果好鍾意睇戲嘅人黎呢度食餐飯相信會有驚喜。食物方面，質素真係好一般，食過雞扒，但係感覺好唔新鮮，直頭有D翻煮過嘅感覺。意粉亦有少少橡根咁嘅口感，認真麻麻。再加上，即使係下午茶時段佢都要收加一服務費，絕對唔抵，因為餐廳的服務都無乜，又唔會浸水又無特別推介。

嚟到中午又係飯食咩嘅時候 突然就嚟到呢個街口見到呢間餐廳 咁就落去試下啦同班朋友 佢又幾好喎西餐嘅選擇咁我本身都鍾意食扒嘅咁就叫咗個雜扒餐咁雜扒餐麵包括咗一塊雞扒同一塊豬扒嘅咁我配薯菜啦 咁其實呢度嗰個雜扒餐都唔錯因為佢塊豬扒啦煎得啱啱好唔會話中間好乾呀佢嗰個雞扒啦其實煎過少少嚟嘅有保留住雞扒變嘅汁喇。咁其實食嗰陣時有冇咁dry然之後佢個暑菜喳得好似平時happy hour係嗰啲酒吧嘅暑菜咁啦最後呢其實配沙律菜喺度啦 咁都唔錯嘅因為呢其實如果你夾小小菜咁樣食豬扒啦咁佢個口咁咪好啲囉即係唔會好似乾真真咁樣基本上最貴都係雜扒餐都係60蚊

講到中環揾食，一啲都唔容易，皆因不論平貴，到處都人多多。今日就約埋同事去吃傳統的港式西餐，行到街角已見其招牌廣告牌喇。我們有訂位，但到步後，還要企等10分鐘才能入座。眼見很多客人即席排隊輪候，午飯時間生意真是唔休做，所以一時前埋單會有八五折優惠。首先來個蘿宋湯和餐包。湯的味道濃郁微辣，餐包搽上牛油很好吃，味道是合格之上。我選的咸豬手茄汁意粉，非常大份。咸豬手不是脆皮，有些失望，我全部皮沒有吃。肉質夠冧，肉的份量很多，味道正常，意粉和配菜都OK，值70分。同事選的羊架。看似好好味。她說向來都喜歡吃羊架，最怕過熟或過生。這裏吃的羊架剛熟，又冧又好味，醬汁也配合得好好，用作配菜的沙律菜很新鮮，加上醋汁很開胃，薯角也很香口。整體有80分以上。另一位同事選的石斑扇貝薯仔沙律。她本抱有大期望，尤其是薯仔沙律，之前嚐過的是舊式薯仔切粒再撈沙律醬(加有煉奶)，是少有的懷舊情懷而且味道可口！但今日的薯仔沙律只是普通薯角(一開四大塊)加上大片生菜、椰菜，撈上醋汁而已。兩大塊煎魚份量足夠，可惜是沒有魚香的雪藏貨，兩隻帶子亦如是，稱不上好味 ! 僅僅合格而已。最後一碟上菜就是香煎牛扒，同事選配紅米飯夠哂健康。

聽過好快早餐時間，會去到早上 10:30 咋。所以要食早餐，就唔好太晏啲嚟👌😁。呢度牛朳肉質唔錯😋，仲可以加多樣餸添😁，而且仲要係出前一丁喎😱，連埋凍飲都係35蚊，中環區真係好少有👍，唔怪之得成日都滿座啦🤣。非繁忙時段嚟，就可以慢慢享受喇👌。

收工後要在公司附近趕緊吃個晚餐，待會還要去機場搭夜機去上海。沒有很多時間，在公司附近發現此餐廳，看見價錢還可以便快速下決定選這間餐廳。我跟同事內進後發現餐廳零個客人，不過當時只是六時多，未有人用餐也是合理的。由於可向公司報銷，所以我選了最貴的晚餐T字骨牛扒。套餐包含餐包，湯及餐飲。T字骨大大塊，可選配薯菜，意粉或飯。為了飽肚，我選了意粉。T字骨牛扒肉質不錯，但由於其不規則形狀，有點難以切開。意粉口感亦合格，有咬口份量亦適中。這間餐廳食物質素不錯，相信是因為開在地下人流較少，才以低一點的售價吸引客人。性價比不錯，有機會lunch可以再來光顧。

Happy Friday成班同事想食餐好嘅而價錢又相宜之選，Lunch set有10多款，我地次次都會揀食扒塊扒7成熟最正最juicy，可以配飯/意粉/薯菜，就算食量大嘅男仔食都非常足夠1點前埋單仲有得免加一，係中環一百蚊左右食到扒都算ok唯一不足係如果你點嘅餐同同枱嘅人唔同，出菜會比較慢，要催幾次先上

今日happy friday，同事們話想食好d，所以有人提議去近香港站嘅「佳美餐廳」。Set lunch有十幾個選擇，價錢由80幾100蚊到，包湯，餐包，主菜同埋飲品。餐湯可以揀青豆湯或者羅宋湯，我就揀左羅宋湯，味道ok，可惜餐包嘅賣相就真係唔多吸引啦。主菜方面我揀左「傳統焗葡汁雞長通粉」。雖然賣相唔錯，但長通粉就嚴重overcooked，入口極之過稔，汁粉難分之餘個汁嘅味道都非常奇怪，真係令人難以下嚥。好彩餐飲叫左熱咖啡，味道都算ok，為我呢餐極唔完美嘅午餐劃上句號，繼續下午嘅工作啦。講真，咁嘅價錢，食d quality 比快餐店仲差嘅野食，真係非常唔抵呀。

今日陪朋友去上環睇婚紗，睇完諗住去附近食蕃茄牛肉通粉。點知上 Openrice睇，星期日唔開，之後唸住對面個間食牛腩，點知都係唔開，証明出名啲真係唔憂做。於是一直向中環方向行，沿途都有啲商場同餐廳，但食個lunch閒閒地都要 $7x-$8x (仲未加一)行行下，朋友見到個餐廳，只需 $4x-$5x。中環竟然有如此貼地嘅價錢，於是去試下。餐廳如果唔細心留意，分分鐘會行過左，因為係要行一層樓梯落去。環境格局似夜晚做酒吧，lunch time客人算多。餐湯: 羅宋湯，味道ok，多料意大利芝士焗肉醬意粉餐 (餐湯+飲品) $48 肉醬同意粉分量都算多，芝士焗得啱啱好，仲可以拉到絲，只可惜芝士味道偏淡。黑椒豬扒炒出前一丁餐 (餐湯+飲品) $48黑椒豬扒好夠味，係份量少咗啲，公仔麵炒得剛剛好，都算乾身夠彈牙，係差少少鑊氣，可能始終係酒吧，鑊氣唔及得上茶餐廳。

又到吃飯時間，拿起open rice看看哪好吃。原來附近就有間餐廳可以吃意粉！這天叫了個西蘭花煙三文魚焗意粉（可選長通粉），來到賣相一般，更只有兩棵西蘭花及一塊煙三文魚，不過芝士焗得剛剛好，能一絲一絲拉出，配合起來很不錯！下午茶餐配飲品只需$55賣單，不失為中環區一個平價之選。

同朋友嚟食飯, 需知道喺無book位嘅情況下, 喺中環食lunch難過登天, 朋友提議嚟呢間我已經放棄咗好多年嘅佳美, 本身已經零期望。叫咗牛扒餐, 問佢黑椒汁可否改洋蔥汁, 佢話可以。上桌時係黑椒汁, 叫佢換。換咗返嚟, 我已經見到碟邊仲有黑椒汁嘅痕跡, 朋友話佢哋做唔到抹咗淋上牛扒面的汁嘅, 就即管反一反塊牛扒, 全部係黑椒汁, 當個客係傻嘅盲嘅定係無味覺嘅? 牛扒已經難食, 完全食唔到牛味, 又"鞋"又韌, 服務水平更加唔使講, 仲要soho價。呢啲喺其他區已經執咗N世嘅餐廳, 係喺呢個充斥住垃圾餐廳仍然其門如市嘅中環先會生存到。

又到午餐時間，可能今日比較早食的關係，周圍地方都很多人排隊，行行下就發現呢間唔太起眼既餐廳，決定入去試試。餐廳位於地庫，裹頭地方很大，很有西餐廳感覺，坐位亦舒服。看完餐牌決定點午餐。首先來到既係餐包，摸起來還是熱的，呢點唔錯，令牛油一放入去就融化，包本身無咩味道，口感亦唔算太軟。再來就到忌廉湯，比一般既濃郁而且甜味重點，佩合麵包一齊食令包無咁乾身，會更好。同行朋友叫既呢個炭燒大虎蝦牛肋骨佩意粉賣相認真麻麻，虎蝦肉很少還斷開一半，味道還可以但肉質唔夠爽口。牛肋骨下面是蔬菜，實際是很薄，肉質很柔軟，紅酒田螺汁味道真的不錯，唔太濃又有少少甜味。其實就係洋蔥雞扒飯，雞皮煎得有少少脆，肉質亦都鮮嫩，洋蔥汁味道也不錯，只是各方面都非常普通。總括來講所有食物其實ok，但對應返價格來計就相當唔化算，雖然某些時段有9折但只算係扣走加一服務費，食物質素普通但價格中上。