京滬庭

營業中

休息中

很久沒吃過這間上海小店，昨晚帶公公👴🏻婆婆🧓🏻一起去這間上海小店，雖然時間變遷，但是味道😋與情感不變，依然咁好味😋🍽必吃小店小菜：🥟上海小籠包即叫即蒸，皮薄煙韌，一咬落去即有湯汁嗌出，肉質嫩滑。🍜上海粗炒粗麵夠煙韌，麵中有蔬菜、肉絲、醬汁，粗麵吸盡所有味道，一定要配搭辣椒醬令其更惹味。🍲砂鍋雲吞雞煲這道湯菜味道鮮美，雲吞大大紹菜吸收了雞肉的精華，送飯一流。🫓銀絲卷／炸饅頭炸到卜卜脆，小朋友最喜歡加煉奶一齊吃，非常美味！

通過網上外賣平台訂餐母親節飯聚，等了超過一小時。餐廳極不負責任，只推卸只付責出餐，其他不関他們事！叫我自己揾網上外賣平台,唔得閒然後cut我線。永不光顧！

平時都鍾意食上海架今日又突然想食就外賣呢間呀雖然之前食過退步左但附近唔多選擇呀再比個機會呀點左~擔擔麵店子會分湯既麵份量都幾多麵質可以既本人覺得可以再淋DD湯底幾濃郁既唔會好稀身~香煎九菜餃呢個第一次試有驚喜呀皮尚算薄裡面個料幾多餃子幾飽滿下咬落去大量九菜又有肉汁真係唔差下次要ENCORE呀~炒菜花都係第一次試叫OK既唔係唔好味只係好似無其他餐廳咁重口味唔夠惹味咁呀

晏晝屋企人話想食上海客飯，上網搵到顯徑唔錯既上海菜，即刻同屋企人去試下先！😋食上海客飯，當然唔少得點鱔糊同埋回鍋肉啦😆再加埋個高力豆沙同小籠包🐉！諗起都流口水🤤🤤先上黎2碗例湯，個湯料好足料😋但味道有少少淡，不過亦表示冇落味精😳抵讚👍 銀芽鱔糊客飯套餐   $65跟著上菜嘅係熱辣辣嘅鱔糊，好耐冇食過一間咁高水準的鱔糊😋鱔糊去骨好乾淨，一啲碎骨哽口嘅感覺都冇，而且銀芽爽脆，個醬汁又調得啱啱好，撈埋一齊餸飯一流！高質👍 回鍋肉客飯套餐  $55隨之以來的回鍋肉完美體現上海菜嘅特點🥰濃汁厚味🤤香味濃郁🐷豬肉肥瘦相間！椰菜炒得油亮油亮🌟唔健康就係架啦😂不過真係好好味👍係兩碟正餸嘅助攻底下，成碗飯轉眼就唔見左🤣 小籠包 $40 5隻我最鐘意嘅小籠包就係之後到達，小籠包皮唔算太厚，但係夾起包嘅時候佢唔會穿👍將個小籠包完整放係匙羹上面，跟住從佢上面嘅洞用嘴吸入鮮味嘅湯汁😌簡直就係人間享受！入面嘅湯汁超多，吸完一啖仲有一啖🤤享用完湯汁，將鎮江薑醋倒落個洞到同小籠包一齊放入口，剛飲完汁嘅少許肥膩當堂消失左😳同時出現豬肉嘅鮮味，非常高質嘅小籠包！😆 高力豆沙$70 6粒高力豆沙係好難整嘅甜品，呢度即叫即做

是日食早飯大家都鍾意上海菜近近地揀左屋企附近呀點左~小籠包(5個)黎到好熱辣辣個皮講唔上好薄可接受啦裡面有湯汁整體都幾好~排骨炒粗炒得無好干身排骨份量正常啦~酸辣湯算係好少辣都幾多材料豆腐.....木耳....紅蘿白....肉絲....雞旦個味道幾好少少酸咁我自己再加左胡椒粉不錯~瑤柱扒津白好多獻汁呀味道就正正常常呀份量都幾多下

我唔知佢哋個廚係喺追求美味嘅道路上行咗條較為獨特嘅偏僻路線，定係根本毫不尊重自己職業，呢間嘢難食到一個點係我忍唔住要上嚟打篇文。霸王雞份量雖然正常，不過隻雞本身一大陣雪味，咩醬料都掩蓋唔到嗰種味道，諗住雪味係好多餐廳嘅通病，殊不知酒釀湯丸先係大boss，個湯唔知佢落咩去煮，呢道甜品大大話話喺唔同餐廳都食過不下數十次，但今次呢個味道簡直係顛覆我對「酒釀XX」嘅既有印象，又冇桂花香味、只有奇怪又唔吸引嘅酒味，試咗少少之後我筆湯圓嗰陣都要盡量避開啲湯，到粒湯圓，我冇期望佢哋自己包，但諗住即使叫貨返嚟都唔至於太差啦，一咬，我錯了，原來湯圓都係一個味蕾新衝擊嚟，個餡又燶又乾，一入口就成浸𤓓味，其實每樣嘢如果廚房自己有稍為試下都唔會捧得出去俾人食。各位切勿以身試伏。

本人上星期叫了外賣，老實講味道還可以接受，問題係食完後第二日全家都腸胃炎。之前都唔多信有啲食評所講嘅衛生問題，依家一家四口都中晒招又痾又嘔要睇醫生，為著其他人嘅健康著想，只好嚟呢度寫食評。家中其他食得比較多嘅就嚴重好多，睇完醫生到今日仍然唔舒服，我自己食咗半隻鍋貼都出現腸胃炎，可想而之情況有幾嚴重。真係懷疑點解呢間食肆咁多負評仍然可以生存咁多年，仲記得佢開張時都幫襯過，但食過嗰次之後覺得佢唔掂再冇幫襯，點知今次阿仔唔清楚幫襯咗佢。原本真係想向衛生署投訴佢，但係身體好唔舒服先放過佢。真心希望呢間食店好好反省改善一下衛生，如果繼續係咁遲早出事。

夜晚好懶唔想落街就叫個外賣番黎食記得以前偶爾都會食下呢間上海好耐無食了再食下先點左~擔擔麵有湯同麵分開裝花生同蔥都分開方便唔食既人個湯底都讚既濃濃地麵既質感同份量都正常~咸肉豆腐湯呢個係得一個SIZE(例牌)有D湯可以揀一人份量但呢個黎到唔似係例牌SIZE好似得兩個一人份量多DD比想像中少除左豆腐同咸肉外仲有少量娃娃菜既菜吸晒湯味好吸引豆腐同肉既份量都OK味道係幾好既略嫌少左少少~鍋貼呢個叫做正常啦望落個SIZE都唔細醋係另外裝既個皮質感少少厚(不過鍋貼應該係咁?)肉既份量都多呢個可以ENCORE

上年搬入顯徑食過幾次，食物還可以，就算外賣拎到返屋企都夠熱。今日再用網上平台外賣自取，食物質素差到無得再差。孜然牛肉 - 每塊牛肉平均地佈滿筋鱔糊客飯 - 打開盒得四分一，鱔份量少都明白，連芽菜都少得可憐乾扁四季豆 - 我相信四季豆係烚完再炒，食落淋哂之餘，仲要好多渣，肉碎都係少得可憐椒鹽豬扒客飯 - 冇期望之下算叫正常，不過我好少見過係濕既，唔講都唔知有椒鹽整體黎講，你間野開響屋邨商場做街坊生意都做到咁，員工態度又差，野食又難食，我就冇下次喇

經網上外賣平台 叫左個水煮桂花魚一嚟到勁腥，唔係用魚片，求其斬開左條好細嘅魚，好多骨，重點係食食吓夾到隻曱甴！！！果下真係好想嘔呢間野好污糟，大家千祈唔好食

屋邨上海餐廳，價格合理！精美套餐（11:00-5:00）仲配豆漿/酸梅湯或中湯宮保雞丁（$55）份量都足夠，而且仲有大量花生.味道濃郁，又唔會太辣.送飯配酒都一流！不過雞肉略為切得似雞柳，如切得細粒啲更似雞丁.撈飯更為方便.另外配菜尖椒相當辣！蔥爆牛肉（$50）牛肉份量都足夠，濃郁嘅醬油味中帶少少甜味！京蔥切到好薄，食落口感唔會滑潺潺！因為我好怕食到滑潺潺嘅口感.但依個做法就唔會.牛肉都算嫩滑.值得再試！

一碟需要充滿想像力嘅回鍋肉炒麵。一碟只有兩片比處女膜薄的回鍋肉。兩位遊手好閒繑埋雙手吹水的阿姐。惡劣處事態度配串過馬頭咕哩口氣。當面對質點算絕無僅有的兩片豬肉。換來阿姐一言不發埋位繼續傾閒計。良心食肆 雜菇雜菜炒淨麵送回鍋肉？處理方式：聽日再黎會比多幾塊☺️翻去訓啦 咁既態度仲想有下次？專恰弱勢學生 求其敷衍了事成餐飯望足佢咁耐就傾足咁耐到埋單先黎同你講句反映左 反映左大曬？$46蚊午市包杯豆漿食兩片豬肉炒麵幫吾幫襯自己諗

今次來顯徑屋邨, 很多都是茶餐廳, 想選擇另類一點, 所以就試了這間上海菜.打開菜單, 選擇很多, 炒飯炒麵, 湯麵, 上海特色小食都有什菌扒豆腐味道不錯, 但是味道沒特別, 醬汁好像只是豉油, 不過豆腐算香濃.整體而言, 是這區少有上海特色餐廳, 雖然是做街坊生意, 但是價錢不算便宜.

呢度得散叫，如果做街坊生意friendly啲，建議整下啲Set dinner呀。煎窩貼裏面有少少肉汁，不過外面煎得有啲油膩。銀絲卷合格，裡面蒸得唔夠軟熟，不過好唔好食都最緊要有鍊奶，哈哈🤣上海粗炒一碟size大概有四小碗，味道偏咸。

今日過去沙田同親戚拜年，晚飯時候來到呢間顯徑商場嘅上海菜館試下，好彩我哋早一點到，如果唔係都要等位……這裏街坊小菜選擇很多，先嚟煎鍋貼，湯汁好多，而且肉味新鮮。乾扁四季豆， 味道剛剛好， 有蝦米等調味，四季豆煮得很翠綠。重慶辣子雞煮得非常之好，雞肉炸得乾身夠味， 份量都相當之大！四川麻婆豆腐，豆腐十分之嫩滑，而且麻辣醬汁很入味，送飯一流！上海豬扒粗炒， 豬扒十分之柔軟，但係上海粗炒就略嫌乾身，但整體味道都唔錯！呢度價錢都幾實惠，只係過年時間需要加一，但都算抵食！