74
2
11
港鐵大圍站 A 出口, 步行約4分鐘
繼續閱讀
電話號碼
26138628
付款方式
以上資料只供參考, 請與餐廳確認詳情
今日放工過咗嚟食下午茶，下午茶餐好抵食，食物有質素，性價比唔錯👍🏻叫咗個三餸車仔麵下午茶餐，湯底濃郁，唔算重味精，有啲料都有幾多，牛肚新鮮軟淋，口感唔錯。好耐冇食雞翼尖，覺得好好味。仲有呢度啲丸係自家打出嚟嘅，所以成份比較天然👍🏻👍🏻何葉龍仔龍躉飯呢個真係超好味，雖然叫咗一人餐，但係分量大到有三碗飯。焗飯蒸得好香，飯質一溜👍🏻仲好足料，有杞子、云耳、蟲草花鋪在飯面上，龍躉肉新鮮，肉質滑樓。必點之選👍🏻
繼續閱讀
今日放工後，我和同事喺公司附近的茶餐廳吃飯。呢間茶餐廳環境乾淨整潔，座位舒適，冷氣都好涼爽。我地18:00前到達，時間尚早，仲可以叫下午茶。下午茶非常抵食！車仔麵 $52可以任選三款餸，仲奉送餐飲。我地揀咗蟹籽丸、豬軟骨和牛腩，配油麵同清湯。蟹籽丸、豬軟骨和牛腩都煮得剛剛好，蟹籽丸口感彈牙，豬軟骨和牛腩軟腍。生菜$25：車仔麵嘅餸全部都係肉，我地叫咗個生菜平衡一下飲食。生菜新鮮翠綠，咬落去好清脆。上菜時好似一個球狀，完美咁保持咗生菜的形狀，我地可以一層一層咁食！籠仔蒸蝦球飯$78：賣相非常吸引！飯係炒飯底，用荷葉包住，好入味。裡面有好多蟲草花、黑木耳、薑片同蒜蓉等配料。蝦球都大嚿，咬落去爽口彈牙。港式西多士配紅豆冰$28：呢個下午茶套餐好抵食，西多士奉送紅豆冰！食完主菜後叫埋呢個套餐作甜品，非常完美！西多士外層炸金黃酥脆，面仲有唔少花生醬！紅豆冰大大杯，好多紅豆！叫咗咁多野食，埋單只係$193，真係好抵食！
繼續閱讀
發現咗呢間性價比幾高嘅餐廳，佢唔止食車仔麵，仲有其他茶餐廳菜式，環境闊落坐得幾舒適，文末附餐牌參考～自選車仔麵幾有誠意，揀咗三個餸（$63）要腩汁+辣汁，湯底有花椒等香料，所以幾香同惹味！配餸亦大大件，花菇好厚肉，全部都炆得好入味！另外最特別係籠仔荷葉飯，唔係度度有得食，分別有一人份或兩人份，餸料有得揀雞、肥牛、蝦、龍躉，而且係炒飯底！雖然揀咗一人份量嘅籠仔龍躉荷葉飯（$98）但份量都幾多！兩個人食都得！另外再叫多個小食係瑞士汁雞中翼（$39）啲雞翼勁大隻😂又係勁入味，抵食！📝部份餐牌參考：⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 8/10服務： 8/10環境： 8/10CP值： 8/10⋯⋯⋯⋯⋯⋯⋯⋯⋯⋯⋯⋯⋯⋯⋯⋯⊃✎⁾⁾喜歡呢個Post可給予”心心”以作鼓勵( ´͈ ᗨ `͈ )◞♡⃛⋯⋯⋯⋯⋯⋯⋯⋯⋯⋯⋯⋯⋯⋯⋯⋯
繼續閱讀
今日入大圍shopping，朋友話想食車仔麵，揀咗呢間招牌寫住馳名車仔麵，就入去試下入到去燈光明亮，座位舒適，服務員待客友善。坐底見到餐牌唔止有車仔麵、仲有籠仔蒸飯、炸蠔餅，炒粉麵飯，真係好多選擇。✨籠仔蒸龍躉飯 (1人) 跟餐送熱飲 $98即叫即蒸，上枱打開蒸籠，聞到香噴噴嘅荷葉香味。炒飯底，粒粒分明，魚肉鮮甜，裏面仲有蟲草花和雲耳，勁多蒜蓉混合一齊食，非常惹味。✨熱咖啡咖啡又香又濃，比想像中好飲。✨三餸車仔麵 跟餐送熱飲 $52湯底叫咗牛腩汁，非常濃郁。金錢肚爽口。豬軟骨炆得夠腍又入味。蘿蔔清甜，沒有揸。油麵爽滑，份量好多。✨熱杏霜杏仁霜味道濃郁，好飲。✨炸蠔餅 (小) $59即叫即炸，外皮炸到金黃色，內裏有好多蠔肉，入口酥脆，沾少少魚露，味道更好。#二兄車麵館#大圍
繼續閱讀
之前很想再到二兄吃籠仔飯和車仔麵。今天到大圍探朋友，我們又到二兄吃晚餐。之前已來過，念念不忘它的籠仔飯，所以今次當然要再點啦。籠仔荷葉蒸蝦球飯仍然保持水準。炒飯炒得金黃香口，飯面鋪滿蟲草花、蒜片和蔥薑蒜等材料，籠仔的底部鋪上荷葉，散發出淡淡清香。蝦球爽口彈牙，非常大隻。車仔麵內有午餐肉、牛柏葉、豆卜配秘製麻辣牛腩汁。湯底很濃郁，非常入味，配着微微的辣，油麵很爽口，整碗車仔麵十分惹味出色。炸蠔餅份量十足！炸得非常鬆脆，隻隻蠔都很有𡁻頭，卜卜的脆漿黏着蛋液，再配上香香的芫荽，蘸着魚露，讓人吃得很痛快。總括而言，今次再光顧這間餐廳，能夠尋回籠仔飯那種味道，絕對要再光顧。
繼續閱讀