45
1
2
港鐵深水埗站 B2 出口, 步行約3分鐘 繼續閱讀
電話號碼
23428688
營業時間
今日營業
12:00 - 01:00
星期一至日
12:00 - 01:00
付款方式
Visa Master AlipayHK 支付寶 現金 微信支付
其他資料
Wi-Fi
酒精飲品
自帶酒水 詳細介紹
切餅費 詳細介紹
泊車 詳細介紹
外賣服務
加一服務費
當面支付
食評 (54)
之前經過元州街已經見過呢間舖頭,依日又想食辣嘢😜,所以就決定同同事去試下。餐廳喺一樓,如果唔介意嘅行樓梯會好啲,佢個牌叫人轉右去坐電梯,反而仲無咁方便🙈。餐廳原來幾大,冷氣充足,感覺環境乾淨企理,可能有大玻璃窗嘅關係啦😊。餐廳晚市做麻辣串串火鍋,所以有幾個雪櫃放咗自助配料,菜名仲有埋英文添😀。另外,仲有個架放咗唔同嘅麵食供打邊爐🍲,包括紅薯粉、紫薯粉、土豆粉同荷葉粉等,全部都幾特別,想試。不過呢日嚟到係試佢個午餐,其實係得一味,就係「貴州苗族牛肉粉🐮」。午餐過程有啲搞笑少插曲,就係店員話食物太暢銷,師傅去咗買米粉,叫我哋飲住嘢等等🤣。好彩唔洗等好耐就有得食,牛肉粉有分兩款,我哋每款叫咗一碗試下🍜。牛肉粉($58),碗粉賣相唔錯喎,牛肉係用🐂牛腩件,肉質幾嫩,肥瘦適中,幾好味。而我最欣賞嘅係個牛骨湯底,因為係想像中嘅微辣🌶,有少少麻同酸,亦夠鹹😋。店員介紹話其實湯底本身係唔辣,主要係靠啲酸菜粒有少少辣嚟吊味。至於粉方面,店員話係米粉,但同我哋一般認知嘅米粉有所不同,因為係比較粗,個樣似米線。不過食落口感又似米粉咁偏淋,質感都幾好,而且好掛湯🤤。但食到尾段,米粉略嫌碎咗少少。家的感覺($78),呢個係進化版嘅牛肉粉,配料多咗鹵蛋同鹵豆腐,而且粉嘅份量仲多啲添。🥚鹵蛋味道唔錯,幾入味;鹵豆腐就爭少少,但都OK!當然進化版嘅牛肉粉就梗係豐富啲啦,但貴$20,不過料都多嘅。其實我建議可以好似我哋咁一樣叫一碗,再Share啲餸食都OK🙊。由於餐廳新推出午市套餐,而家送飲品,可以自己喺飲品櫃揀🥤。總括嚟講,呢碗微微辣家的感覺牛肉粉🏠🐮🍜幾正,啱哂淨係食得少少辣嘅我。餐廳嘅女店員服務好好,好親切,令人舒服。如果定價平少少會更加吸引,有機會嘅都想嚟試下晚市嘅串串火鍋。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-02-22
664 瀏覽
放左幾日假和同事趕工OT完,落左深水埗去依間食火鍋~來到剛過9點以優惠價$168/位 享用~店內食客唔多唔駛等位,大枱卡位任坐,我地揀左四人位擺放食物鬆動好多。湯底揀左鴛鴦湯唔駛額外付費,一邊係豬骨火腿湯底味道濃郁,另一邊係重慶麻辣湯底雖然小辣但好香好惹味。時令海鮮拼盤每枱都送一份海鮮拼盤,有蜆、魚片和海蝦。火鍋配料配料全部放置雪櫃內,非常衛生,以自助形式拎取,配料有六十多款,主要分左肉類、丸類、蔬菜類、滷水醃製類,大部份以竹籤串起食起來方便。飲品:檸檬茶、蜂蜜綠茶、柑桔檸檬、蘋果綠茶、蒸餾水和各類汽水醬料:花椒粉、孜然粉、芝麻醬、豉油、蠔油、麻油、沙茶醬、蒜蓉、芫茜、蔥、小紅椒配料:豬紅、牛肚、豬肚、生腸、雞翼、雞翼尖、牛柏葉配料:萵筍、南瓜、蓮藕、凍豆腐、馬鈴薯、金針菇、豆芽、淮山配料:蔬果:時令水果、冬菇、栗米、木耳、苦瓜、冬瓜、青瓜、腐皮、白蘿蔔、秋葵、豆卜、芋頭、海帶、時令蔬菜配料:午餐牛肉、紅腸、芝士腸、廚師腸、炸魚皮、海膽丸、貢丸、魚肉片、牛丸、魚蛋、花枝丸、鴨腎、滷水豬脷、獅子狗卷、蟹籽丸、蟹柳、龍蝦丸、牛筋、嫩雞肉、雞軟骨、魷魚、麻辣牛肉、芫茜牛肉配料:滷鳳爪、滷 豬耳、滷豆腐、滷雞翼尖、滷豬大腸、滷豬潤、豚肉片、雪花牛肉、鵪鶉蛋粉麵:烏冬、紅薯粉、出前一丁丸類質素大致同出面食差唔多。肉類以芫茜牛肉有特式,好香芫茜味。麻辣牛肉入晒味,食落相當刺激。滷豬大腸軟淋淋滷得透徹添完再添。雪花肥牛薄切易熟和豚肉片爽口,回本當然必食。最後,麻辣湯配紅薯粉和萵筍係最正,烚耐點都唔怕富口感食完好滿足。水果沙糖桔食下甜野解下辣確係唔錯。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-02-05
1291 瀏覽
因為地理關係一直比較少踏足深水埗區,今日難得有地膽friend帶我周圍食,就算幾唔就腳都好都梗係一定要黎.朋友話附近開左間叫麻辣火鍋店$188食足2個鐘又真係幾吸引.餐廳位於中心遠少少既位置既樓上鋪,中間拎食物既地方好整潔,全部食材都放入雪櫃冷藏好衞生整潔.食物都幾多選擇,單係蔬菜類都佔滿左成個大雪櫃.其次經典丸類當然有齊,估唔到既係連內臟類都有!湯底只有2款所以順理成章地點鴛鴦鍋.主打無添加劑湯底有正宗重慶麻辣湯同香濃豬骨火腿湯.正宗重慶麻辣湯個底真係好香而且比我既感覺唔會好化學,底充滿乾辣椒,胡椒,薑等等,先麻後辣得黎辣味後勁凌厲越滾越出味.辣到爆煲既時後休息一下轉一轉去豬骨湯到過一過冷河,豬骨湯唔似平時食呈米白色,湯底清澈淡黃.平來仲怕無咩味,飲一啖湯後發現底韻清香帶淡淡豬肉,火腿及鮮雞鹹香味,再加上內裏帶少少藥材當歸味令湯底更香.餐廳為每位食客先送上盤海鮮拼盤,有蜆,蝦同魚片.蝦大大隻足手掌咁長,蝦肉爽彈.蜆肉食落無沙鮮甜而魚片每塊都好晶瑩通透十分新鮮.每款食材都用竹籤串起,當中最特別既有麻辣牛肉同芫荽牛肉!麻辣牛肉用麻辣醬醃好惹味,再加埋入麻辣湯到雙重麻辣夠晒刺激.牛肉包住芫荽好似金菇牛肉卷咁,食落芫荽味好香而且用麻辣湯底滾基本上已經好夠味,連額外調味料都唔需要.咁多款自選食品入面最欣賞係牛筋!入口爽彈得黎中間帶點黐韌,特別係用麻辣湯底滾個味道特別夾.雖然原片肉類只有牛肉同豬肉,但食落都好新鮮,質感唔會霉,入口都有咬勁得黎又唔會口咬唔開或簿到滾起後完全夾唔返完整一片.素食同蔬菜類選擇真係好多,單係蔬菜都有10幾款揀,唔會一味做成食肉獸.我最鍾意既萵筍都有,入口爽脆以鮮甜.最後個湯底加左咁多料一定係最濃郁.呢個時候當然要加麵食!平時必定揀公仔麵既我今次見到呢到有薯粉就即刻放棄左公仔麵轉投薯粉.薯粉幼細,放入鍋到滾一陣好快就熟而且入口Q彈質感又夠滑,用黎做一餐既終結十分完美. 繼續閱讀
(以上食評乃用戶個人意見 , 並不代表OpenRice之觀點。)
等級3 2020-07-05
26 瀏覽
今次又來到串串貢食嘢🤤不過今次係食佢嘅一串串嘅麻辣火鍋佢嘅種類有好多有肉類丸類菜類等等所以都幾多野食揀😋而且佢每一串只有一粒🤣所以唔使驚會食得太多🙈自己可以揀自己需要嘅份量黎拎今次揀咗鴛鴦鍋🍲一邊係芫荽皮蛋清湯一邊係麻辣鍋所以啱晒鍾意食辣同唔鍾意食辣嘅朋友仔🥳佢啲食材都好新鮮🤩汽水都係任飲嘅🥤所以都好推介大家黎食架👍🏻👍🏻👍🏻 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-16
50 瀏覽
出左深水埗買野,天氣真係好熱,買完即刻搵個位避暑,行左陣商場,涼係好涼嘅,但人十分多,決定搵間餐廳食下野。行過串串貢,有位阿姐拉客話佢地而加做埋午市,除左串串火鍋,仲有牛肉粉食,見佢咁有誠意,就上去試下啦。原來晏晝都可以食火鍋,串串有三個雪櫃,都幾多款喎,下次可以黎試下朋友點了一碗牛肉粉,就如其名係一碗牛肉粉囉,哈哈,同自己點個碗差不多就沒試了。貪心啲點了一碗家的感覺,一次過有哂牛肉,豆腐同滷蛋,滿滿的餸呢。湯底雖然有少少紅油蒲面,但不辣的,鹹鹹鮮鮮又幾好味。牛肉片牛味十足,有咬口。滷蛋入味,好有飽肚的實在感。豆腐有點像蜂巢豆腐,吸飽湯汁一流。最正係多芫荽啊,哈哈,芫荽fans米線短短的,方便用湯匙混著湯吃?的確喝著吃幾好味加了飲品冰凍的菊花茶,如果不想加錢,後面有熱水壺自助的。幾鍾意佢個湯底,好熟悉的味道,但又想唔出在那裏食過,唔唔…… 繼續閱讀
(以上食評乃用戶個人意見 , 並不代表OpenRice之觀點。)