一記小廚 (已結業)

因見到好似係主廚出嚟，埋單後給予主廚小小意見。希望他們能改善。。。服務態度：正常。。。但覺得被騙（看總結）環境方面：約10張枱，地方較小，環境尚算整潔，座位之間小小迫（如果人多）食物質素：籠子蒸雞（如圖）賣相差，雞亂放，沒有什麼佩料（如薑）雞太肥，勁厚皮，這雞應該不做運動🤣，成個飯都無咩雞味，可以話無咩味。。。性價比：低總結：不會再光顧，太失望，其實上一次食蒸魚已中伏，因上述店員力堆籠你飯，我見店主打籠仔飯，不訪俾多一次機會佢啦。。。誰不知，他們完全將我KO。。。好味指數

諗住食個平平地既Lunch, 經過永和街見到呢間餐廳, 見到有人排隊決定試下佢叫左個牛扒麵, 諗住都係普普通通啦, 點知食落都ok, 牛扒唔會太韌, 炒蛋都幾嫩滑, 杯奶茶就茶餐廳奶茶啦, 不過呢個價錢呢個質素都ok既見到佢有特色籠仔蒸飯, 都好多人叫, 望落都唔錯, 不過唔係太肚餓所以冇叫, 下次有機會都會去試下！

公司集體訂午餐，其中一間是這個選擇外賣的香煎三寶飯味道上佳，魚餅、腐皮卷、魚腐配塔精妙，不太油，送飯一流，相比起蒸飯，算是健怡一點。若是公司大量訂餐，早一天預訂也可應付。

路過餐廳見新開 亦多人等候 便買外賣試試本人很喜歡食肉餅 出面餐廳多數肉餅很多粉或肥肉。即問下職員，她態度很好說𣎴多，就要個籠仔咸蛋肉餅吧。外賣除9 折還有湯，很好。中環吃飯$51 也不貴吧。打開外賣還熱騰騰的那個例湯很好飲有花生合桃在內。顏色似粉葛湯。可惜那個肉餅很豬蘇味及多筋但看出沒有太多肥肉及新鮮豬肉。希望將來可改善。咸蛋很靚。飯也很綿 不乾。因味道問題 我最後只能食了半塊肉餅。整體滿意但肉餅此飯中靈魂有點失望。

閒閒地想食個下午茶，亂咁行入一條小巷，亂咁食咗依間餐廳，驚喜又說不上，不過都算穩打穩紮，係一間有香港特色嘅小店。滑蛋叉燒飯，香港打工仔應該冇邊個未食過。呢度賣得唔貴，50幾蚊中環價錢來講正常啦，叉燒可以多幾塊囉，但係佢碟野嘅份量係夠飽嘅，啲滑蛋唔算係最滑最香嗰隻，佢啲叉燒就幾好食，小小半肥瘦咁，我個人喜好係要肥多少少就最正喇。炸雞髀襯薯條其實冇可能難食嘅，佢隻雞髀嘅味道都醃得幾好，都做到外脆內軟嘅，啲肉仲好juicy添，30幾蚊夫復何求？佢啲雞皮冇乜粉，我自我感覺良好覺得食咗都唔會覺得好飽滯。我欣賞佢啲薯條夠 raw，唔會話加好多鹽加好多調味粉咁。雞髀同埋薯條都係即叫即炸非常新鮮熱辣辣。總括來講，都幾抵食嘅。

我承認自己鍾意食蒸飯，但係今次真係入咗鋪頭，俾個飯個外表呃左。事源係我見到有人食緊個蒸飯，咁個飯加塊荷葉包住，我心諗珍珠雞咁嘅蒸飯，咁啲飯應該有陣茶葉或者葉嘅味道啦，應該幾fresh，仲買成$50一個，應該係貨真價實嘅。點知等又等得耐，唔緊要我等因為新鮮整出嚟嘅嘢食係好味啲嘅！我為咗嗰陣荷葉苦苦咁等，出到嚟比啲咁嘅嘢我，根本就係蒸完啲飯再倒落塊葉度，完全冇特別，亦唔值呢個價錢，唔會再有下一次浪費金錢！

食物質素幾好 蒸飯好食 （但不定期出現既窩蛋肉餅/牛肉蒸飯？ 除外 呢個堅伏，隻蛋上檯前先打落去 d飯完全唔夠熱 攪埋一齊連個飯都凍埋超難受）……………………………………………………………………環境一般 ，圓檯用摺腳設計奇怪，人多時部分人隻腳攝唔到落檯底。另外部分員工服務麻麻 落錯單比例都幾高..............................………….

快速同朋友食個lunch,我們都俾蕃茄通吸引左，蕃茄通有大大粒薯仔，又可飲埋個湯底，如果個湯底再濃郁d會好d,牛肉份量也不少。一個餐，有普通奶茶咖啡檸檬茶水，配蛋及面包，面包可轉牛角酥，幾特別。

相信大家都知道一日之始始於晨😂所以我一直都超重視早餐，一個食飽飽 好味ge早餐可以俾人充足力量咁一記ge番茄濃湯牛肉辛拉麵絕對係我ge早餐首選啦arm曬女仔口味ge蕃茄湯 酸酸甜甜超開胃 而且番茄抗氧化有美顏功效😁😁😁朝早一個食完一個正正早餐再投身工作 正啊喂！

最近上兩個星期六，經過上環永和街，見到 <日新鮮豆漿> 對面有間新餐廳 <一記小廚>，可惜！當日趕住入荃灣，一個月前已約好髮型師下午 3:00 電髮！找機會幫襯吧！營業時間：早上11:00~晚上8:30由於餐廳新開的關係，暫時未有早餐供應，要過咗新年後才會有！供應：午餐及下午茶店子主打供應粉麵及特色籠仔蒸飯！粉麵：午餐 (單併 $35/ 雙併 $40/ 三併 $45) 或下午茶 $27 (直至下午 6:00)籠仔蒸飯 $50：即叫即蒸，需要時間 10~15 分鐘！燴飯 $40~$50下午茶：多士 $19/ 三文治 $25~$27設有堂食及外賣桌上已備有餐具及調味料！午餐：特色籠仔蒸飯：榨菜肉餅蒸飯 $50 配飲品或湯決定落單前，我問老闆娘肉餅係咪自己搓？！她答：係呀！一於選擇肉餅蒸飯吧！肉餅亦有3款配料：榨菜/ 梅菜/ 鹹魚帶有荷葉香的白飯，充滿飯香又軟硬適中， 拌勻爽脆惹味微辣的榨菜，足已令我食得簡單而滋味，也無需要加上豉油；肉餅富彈性、不死實又有鮮味，比坊間少了脂肪，混合粉，口感不錯！整體來說，比坊間的原盅蒸飯少油！相對食得健康！沙葛赤小豆豬骨湯 (