一喜‧涮涮鍋

營業中

休息中

放工想打邊爐，於是去咗康怡廣場嘅呢間日式火鍋店試試佢！佢有唔同價錢嘅套餐，可以有唔同級數嘅牛肉同豬肉選擇，我就揀咗$258呢個B 級嘅套餐。湯底我揀咗椰子雞白湯，湯頭有淡淡椰子香味，亦有雞肉嘅甜味，質地又滑，飲落去非常舒服、好清甜牛肩肉嘅肉味好濃，食落去可以同時食到肉同湯嘅甜味，真係幾唔錯，又夠晒大塊！出面仲有唔同嘅菜、丸類、配料、小食同飲品可以拎，夠晒豐富！唔使驚唔夠飽，仲有烏冬、公仔麵、同珍珠飯揀，任落紫菜同飯素，超正👍🏻蔬菜同小菜櫃：蔬菜都幾新鮮，有西洋菜、生菜、白菜小菜：日式墨魚同豆腐、中式麻辣魚皮、韓式泡菜，樣樣都唔錯！甜品櫃：有埋甜品真係好似食緊buffet咁飲品都有勁多款揀，想清清地解膩可以揀茶，韓國同台灣果汁都好多種真係有選擇困難症。最後食返杯雪糕收尾，係香港製造，朱古力味好食總結：肉類質素唔錯，配菜同飲品嘅選擇都幾多，價錢合理，員工服務態度都好好，絕對係回頭之選！

好耐冇打過邊爐，趁天氣仲係涼涼哋，即刻同朋友嚟康怡廣場呢間新開嘅「一喜‧涮涮鍋」食返個午市放題。餐廳主打一人一爐火鍋，而我哋今次就揀咗個 90 分鐘「美國牛肩肉放題」 ($158)，套餐包美國牛肩肉、美國豚肉、特選雞腿肉同大量火鍋配料，全部都可以任食。湯底點咗骨膠原美顏玫瑰花膠雞白湯 (+$10@)，湯身呈乳白色，中間放了一大朵玫瑰花冰，再以玫瑰花冧作點綴，賣相極美觀。舀起見到湯底入面有唔少花膠，滿滿骨膠原，滋補又養顏。牛肩肉肉質細緻、牛味濃郁，入口爽滑有嚼勁。豚肉肥瘦適中、雞腿肉肉多極厚，咬落啖啖肉，嫩滑又 juicy 。另外餐廳設有自助放題區，有冷盤小食、新鮮野菜、丸類、甜品、雪糕同明治雪條等供應。前菜小食有味付螺肉、中華沙律、玉子豆腐等，另外仲有紫菜絲同飯素，客人可以自己 DIY 炮製紫菜飯。飲品方面，種類亦非常之多，由果汁、茶飲、汽水，以至咖啡等，應有盡有，相當抵食。

好耐無打過邊爐，今晚就約左朋友黎個一人一鍋打邊爐先。呢間店係新開，時間尚早未算太full。放題套餐有6款，而湯底都有成9款選擇，我哋就揀左特選美國牛肩肉眼放題。骨膠顏美顏玫瑰花雞白湯：估唔到湯底都有得打卡，雞白湯用左玫瑰花造型。雞白湯奶白色，味道唔太濃，又唔覺得好多油，我就幾鐘意。完熟蕃茄湯：蕃茄湯底酸酸甜甜，朋友至愛。火鍋配類擺放乾淨企理，類種多。小食如螺肉同中華海蜇、蔬菜同甜品都在雪櫃分開擺放，飲品都係外面自取。炸物：小食有炸帶子、炸帶子、炸魷魚鬚、炸蕃角同章魚小丸子，全部剛剛炸起，熱辣辣。肉類：用qr code落單，即叫即切。兩款牛係特選美國CAB牛肩胛同特選美國Choice 牛肩胛，豬就係精選美國豬五花。每款油花分佈平均，口感OK，最緊要係無限encore。海鮮類：呢個都係用qr code落單，有青口同墨魚仔，兩款都幾大隻，帶鮮味，墨魚仔咬落爽口。 其他配料：自取有丸類、菇同菜心，樣樣食D都幾飽，幾豐富。甜品：雪糕係香港製造，雪條係明治雪條。另有仲有芝士蛋糕同泡芙等，雪櫃仲有幾款，味道不過不失。

趁著過年前打埋最後一次邊爐，今晚揀左港島線太古站旁康怡廣場新開業嘅「一喜·涮涮鍋」，都市傳說名字加「·」就會變高級⋯晚市正價時段嘅5款放題選擇由$218至$528不等（星期五至日及公眾假期+$10）自助取餐區包括各式丸類、魚腐、蔬菜、出前一丁、烏冬，仲有白飯任裝⋯骨膠顏美顏玫瑰花雞白湯：雞白湯呈奶白色，帶鮮咸香，唔會過份濃郁，而且唔會太膩，尤其食牛肉唔想用太濃湯底遮蓋牛肉鮮味。特選美國CAB牛肩胛肉：牛肉切得相對大片，食落好有肉感，脂肪比例較多，故油香豐富，同時，肉質滑嫩，牛味亦夠濃郁，屬呢個價位不停追加之選。精選美國牛五花：牛五花脂肪比例更多，油香的確更高，但肉味一般，不及CAB牛肩胛肉。特選美國CHOICE牛肩肉：呢款牛肉脂肪比例較低，肉味適中，但肉質唔夠滑，食落都係無CAB牛肩胛肉咁有balanced嘅感覺。美國豚五花肉：豚肉五花，肥瘦相間，豚味及油香並重。炸物小食包括章魚小丸子、炸帶子、炸魷魚鬚等等不足十款選擇。什丸有龍蝦丸、芝士丸、貢丸、魚旦、魚腐，各式蔬菜瓜類芋頭土豆等等都有。甜品方面有數款芝士蛋糕、泡芺、雪糕及雪條，唔係特別premium嘅款式，所以我都只係試少少味，主攻

呢個星期天氣又濕又凍，最好就係打邊爐啦！今次嚟到屋企樓下，小妹見有屯門的一喜燒肉、沙田的一喜拉麵⋯仲有衝出九龍新界嚟到港島區的一喜·涮涮鍋！此乃是日式火鍋放題店，早幾日行過見好多人幫襯😁今次同屋企人嚟撐下枱腳先，既然係首次幫襯就叫個個平平地的套餐啦🤭放題共有6個套餐，小妹揀咗最平有牛牛的B餐，B餐有特選美國CHOICE牛肩肉、特選美國CAB牛肩胛肉、精選美國牛五花同墨魚仔，另外包埋A餐的美國豬、美國雞&青口！限時90分鐘，任食多款火鍋配料、飲品、甜品～而湯底更有9款選擇，小妹揀左《骨膠原美顏玫瑰花膠雞白湯》，今鋪仲唔越食越靚😍😍湯底一擺上枱，小妹就話「嘩😳好靚吖！有朵大大玫瑰花🌹🩷🩷🩷」雞白湯底清甜、有多件花膠同散發玫瑰花香；肉食方面份量比坊間算多，我地一致認為最靚係CAB牛肩肉（有牛香味）、美國雞肉肉質都很好👍🏻，而豬五花配泡菜一流🤤🤤！除咗平時的火鍋配料外，仲有2-3款炸物供應，全部即點即炸熱辣辣❤️雪糕有Made in Hong Kong的Coco Berry，佢地的蜜瓜🍈口味，係小妹最愛😍蜜瓜味雪糕世一💚小妹拎配料時發現，有好幾枱長者客人😳原來呢度有長者優惠吖「凡出示樂悠咭/長者

今天我和朋友來到了位於太古康怡廣場的ー喜・涮涮鍋吃火鍋放題。我們選擇了澳洲安格斯牛板腱涮涮鍋放題，用餐時間90分鐘。餐廳的火鍋每人一鍋，可以自由選擇湯底。我們都選擇了椰子雞白湯,湯頭鮮美濃郁，椰香味恰到好處，雞肉份量充足。這裡點餐非常方便,只需通過餐廳提供的QR code下單。我們的放題套餐提供了澳洲安格斯牛板腱、特選美國CHOICE牛肩肉、極品美國CAB牛肩胛肉等肉類，肉質新鮮、軟嫩。除了肉類，他們還提供了各種新鮮的蔬菜、海鮮等。除了主餐，餐廳還提供了各種小食、飲料和甜品外面自取，款式繁多。值得再黎。這裡環境整潔乾淨，空間寬倘，用餐時坐得舒適。職員有禮，服務周到，會主動收走空碟。

打邊爐絕對是無分時節！一喜• 是我常去的火鍋放題食店之一，這裏環境乾淨企理，坐位寬敞舒適，湯底有10款不同選擇，不時會有一些限定的特別款式，今次我們選擇的是椰子雞湯，鍋底10分清甜滋潤，推介！餐廳提供不同等級及部位的牛肉可供任食，當中包括必食的安格斯牛，牛肩胛、豚肉 片，雞肉等各種優質肉類，每樣都很新鮮。火鍋配料加上各種甜品約有多達50款，汽水咖啡也是任飲～整個套餐抵食而且食材很有誠意，不會因為價錢優惠而影響質素，絕對是超值之選。

今日同朋友去太古食火鍋放題，一人一鍋，星期一至五晚，任食90分鐘連加一服務費都係$305，相當抵食。晚市火鍋放題有6款選擇，我哋揀既澳洲安格斯牛板腱套餐，可無限追加澳洲安格斯牛板腱、特選美國CHOICE牛肩肉、美國CAB牛肩胛肉、日本豚肉、廣島蠔、帆立貝、墨魚仔、海蝦，另外仲可以任食自助吧既火鍋配料包括各式丸類、蔬菜類、炸物、飲品及甜品。湯底方面有多達9款選擇，我哋揀左新推出既椰子雞白湯，配料有椰肉、雞件、紅棗、杞子，湯底滿滿椰香味，雞肉在火鍋烹煮中，仍能保持鮮嫩口感。我特別鍾意澳洲安格斯牛板腱，切成薄片，肉質細膩，如大理石紋般既油花，只需輕輕涮過熱湯一次，牛肉就會變得軟嫩，入口即化，令人回味無窮。整體嚟講，火鍋店環境寬敞，座位舒服，食物種類多，而且新鮮高質，值得再回訪。

太古不嬲多好嘢食，今日試下康怡廣場開左冇耐既牛肉放題：一喜涮涮鍋唔同價位都有唔既選擇我就揀左澳洲安格斯牛板腱（晚市時段 ＄305/—位 90分鐘）今次叫左好多款牛肉湯底方面，係一人一窩，我就叫左椰子雞湯😋好多配料，有大量雞肉牛肉方面，呢個餐可以無限追加：澳洲安格斯牛板腱特選美國CHOICE牛肩肉極品美國CAB牛肩胛肉三款都極肥美油脂好豐富無諗過放題餐廳會有咁高質素既牛肉😛我仲另外叫左帆立貝、墨魚仔份量係一客一件，好適合任食，唔會黎得太多而且全部都好新鮮❤️自助吧仲有好多丸類同菜不得不讚係啲菜好少係平時放題見到好有誠意😋另外飲品區都好多選擇 啤酒都好多款甜品區都有驚喜有好多港式口味的雪糕其中奶茶味都出色好啱食完大量牛肉之後俾另一層滿足自己😆值得Encore 的牛肉邊爐放題❤️

一喜•涮涮鍋⭐️澳洲安格斯牛板腱火鍋放題作為一個打邊爐愛好者，日日都想打邊爐。尋日收咗工之後約咗朋友，去咗太古嗰邊食火鍋放題。想食牛味濃啲又有咬口嘅牛肉，揀咗澳洲安格斯牛板腱放題。湯底就揀咗雞白湯，味道唔會太濃，食日式邊爐鍾意配埋清d 嘅湯底。呢一個放題set有三款牛肉可以揀，我覺得幾款嘅quality都唔錯，而且佢仲連埋海鮮，性價比都幾高。出面自助區嘅蔬菜丶丸類丶飲品同甜品選擇都唔少，仲要有啤酒任飲，如果有鍾意飲酒嘅朋友食呢間真係幾抵食。

太古康怡廣場有間日式火鍋放題，好耐無食過，今日餓餓地入去試下先。裝修好簡約乾淨，店員都好好服務。蔬菜，前菜同甜品都係雪櫃獨立裝好，好衞生乾淨。任食90分鐘 （每位計埋加一大約$300）唔同時段價錢會有唔同優惠😋椰子雞白湯底 （另加$10）有雞肉同椰子片，好香椰子味，都好特別特別介紹：😋澳洲安格斯牛板腱😋特選美國choice牛肩肉😋極品美國CAB牛肩胛肉😋日本豚肉😋日本廣蠔😋墨魚仔😋海蝦平時任食日式火鍋既牛都唔係太高質，但哩度既牛同豬質素都好高，超新鮮有肉味。店員話即叫即切，所以好新鮮。仲有日本廣蠔，墨魚仔，海蝦任點。食物吧可以有好多丸類，蔬果及其他熟食食材供應，款式都比較特別，好岩我哩d愛蔬菜既人士。感覺哩個火鍋都比較健康。另外仲有多款飲品及甜品供應，真係好爽，任飲。啤酒就另加$58 任飲。只係食肉都夠抵食，如果約唔到人一齊打邊爐，哩度都係一個唔錯既選擇。⭐️⭐️⭐️⭐️（5星為滿）一喜‧涮涮鍋 (太古)太古康山道1-2號康怡廣場北座3樓T2號舖飲飲食食 #食好西 #周圍玩 #周圍食 #介紹返 #餐廳推介 #美食 #香港美食 #香港打卡餐廳 #打卡 #日式餐廳 #香港特色餐廳推介 #吃貨 #

今次去咗太古康怡嘅一間打邊爐放題，我哋揀選左係特選美國牛肩肉眼火鍋放題🙋🏻‍♀️❤️入到去好多人，晚市時段真係好熱鬧😆我地一入去就聞到啲肉嘅香味，仲有唔同種類嘅肉俾我地揀～美國牛肩肉、美國牛五花同埋美國豚肉等等，啲肉都好新鮮，大大塊非常肥美😆😍特別係美國牛肩肉眼，肉質嫩滑，入口即化，真係好正啊！😝而且佢地嘅湯底都好濃郁，我哋揀咗椰子雞白湯，鮮甜好飲😝特別係打邊爐會食好多肉類同埋海鮮🦞有時會有少少油膩～呢個湯底清新又唔肥膩😋😋另外，出邊都有一啲小食吧，有餃子天婦羅🍤選擇都唔少😙蔬菜吧乾淨企理，亦都有多款蔬菜同埋魚蛋類嘅可以選擇！整體來講，我覺得呢一間打邊爐放題都值得一試，佢哋可以挑選嘅價錢同埋套餐好多選擇，豐儉由人，想抵又食到好多嘢不妨可以嚟睇吓🙋🏻‍♀️

今日約朋友去康怡廣場北座三樓一喜.涮涮鍋吃火鍋放題。我們揀左特選美國牛肩胛肉放題，$248一位再加一。肉類方面可以任食特選美國CHOICE牛肩肉，特選美國CAB牛肩胛肉，精選美國牛五花，美國豚肉，美國䐁五花肉和特選美國雞腿肉。肉類質素不錯，我們encore了美味的牛肩胛肉和牛肩肉多次，值回票價。湯底有9款，我們選了要加$10的椰子雞白湯，這湯底清甜滋潤，真材實料。自助的蔬菜和火鍋料選擇多，我尤其欣賞新鮮的蔬菜，今晚吃了超過十種蔬菜，菇類和根莖類，好滿足。朋友就吃了多種丸子和炸物。甜品飲品都多選擇，我特別欣賞豆腐和奶茶味雪糕，朋友就推介海鹽味雪糕。店員有禮效率佳，自助落單後火鍋料好快送上，90分鐘有足夠時間吃夠。我們都覺得滿意。下次帶爸媽來試下，凡出示長者咭/樂悠咭可享長者優惠價。

每次打邊爐都會諗起呢間，幫襯咗呢度都不下數廿次，但今次真心頂唔住，難怪我一家都話以後都唔洗再幫襯！嘢食越嚟越唔好食之外，服務態度越嚟越差，尤其門口叫飛落埋單果位，冇耐性之餘仲要冇禮貌。嘢食選擇其實唔多，只不過咁啱果啲嘢食大家都啱食，先會選擇呢度。宜家做到嘢食差，服務差，選擇唔多，價錢又唔平，相信都唔需要再幫襯呢間，同區都大把選擇！！真係終於明白到點解啲人會北上消費。消費仲要谷住條氣，洗乜幫襯你呢！

上兩次去這間涮涮鍋，每個侍應態度都十分好，耐心講解之餘，回應都迅速又有禮貌，昨天再去的時候，感覺門口的男侍應說話語氣有點不耐煩，例如他叫我先生出示長者咭，我先生拿出來想給他看，他卻一言不發，問每個問題時都以催促的語氣詢問我們。之後他帶我們入坐，坐位的位置旁邊卻放了一架放廚餘的回收車仔，我們要求換位置，那個侍應便叫我們坐裏面那張枱，說回收車子不可以放其他地方（但上次我們同様坐這張枱，侍應姐姐二話不說便把回收車推走），那我們正想轉裏面那張枱時（因為當時有一個女士在裏面那張枱整理包包，貌似剛剛到的食客）於是我們再確認是否可以轉這張枱時，那個侍應說；「叫得你坐就可以坐㗎啦！」說話大聲程度令其他客人都望過嚟，於是我便大聲說：「嗰度有個人我點知佢係咪已經坐咗個位，你嘅態度令我覺得你好冇禮貌。」之後佢又話自己笑住同我地講嘢啦，佢覺得自己好有禮貌，於是我地立即說唔食走人。其實上兩次印象都很好，食物質素都唔差，不過以後有呢個侍應的話我一定唔會再幫襯😡