影片
營業時間
今日營業
16:30 - 02:30
星期一至日
16:30 - 02:30
以上資料只供參考, 請與餐廳確認詳情
平時我都好鍾意約埋一大班朋友去食雞煲，而其實呢一間嘢我想試好耐，奈何佢唔係放題而係單點點樣去計數，所以我同我嘅朋友夾夾埋埋食埋都幾貴。但係如果唔論價錢，佢個食物質素係非常之好。一鍋雞煲，我同我朋友就嗌咗小辣，食落口非常之惹味而雞味突出，辣同麻都有。食完雞煲就打邊爐，而佢嘅手切牛頸脊雖然有啲貴但係真係非常之好食，牛味香濃，嫩滑。野飲方面我就嗌咗一杯好大杯嘅檸檬茶非常之底飲。但係衛生程度就欠佳，有改善嘅空間。
繼續閱讀
👨🏻🍳一品雞煲火鍋 (土瓜灣)📍土瓜灣馬頭角道28號地庫 「呢間旗艦店既一品雞，好似同其他分店吾同🤔」 食過荃灣、旺角分店，隔吾中就想食😋🍽️秘製雞煲好惹味，有時有D膿底，焦香，仲有🍹大大杯野飲😆 今次經開土瓜灣，試下旗艦店，環境大，座位寬敞👍🏻需加一 🍽️秘製雞煲一隻 $318員工隔吾中過黎炒炒，去到咁上下，可能見痴底，就加左湯🤔印象中以前無加湯🤔感覺無咁香口。頭頭食都okay，之後越食越咸🥲加湯都無用🥲 🍽️炸魚皮 $29湯太咸🥲影響左魚皮魚皮本身無問題，脆口👍🏻 👍🏻🍹野生葡萄籽 $49好濃郁😆好爽好似加左？小小soda🤤 呢間分店既雞煲好似麻麻😣 #一品雞煲
繼續閱讀
9月23日揾食肥華，原本一條心帶靚媽及細仔仔，到土瓜灣皓景小菜飲魚頭湯食焗魚腸，但到埗後才知此店，進行緊裝修土程，肥華三人，衹好轉移陣地到此店食，一品雞煲，初到此店印像不佳，舖位身處地庫，顧客要行多級楼梯才可到達舖面，又沒有升降機設施，對於老人家及肥華呢類有腳患人仕，實在不便，幸好此店食物有一定水準，招牌雞煲，味道和肥華要求嘅辣度，固然冇令肥華三人失望，而其他食物，紫薑配糖心皮蛋， 椒鹽鮮魷 ，三文魚刺身亦係尚佳水準之作，加上此店侍應員工，服務顧客態度良好，若嫌行多級楼梯，才能到達此店，想食雞煲此店可以一試👍👍👍
繼續閱讀
其實一品雞煲食過好多次，今次終於扚起心肝寫返篇食評，論香港我食過咁多間雞煲，佢會係我Top3之內嘅選擇😁真心推薦無乜Foodie會介紹，因為佢地跟本唔需要出錢免費請人食飯，能夠係依幾年間仍然穩守住，就知唔係靠名氣，係靠實力近年香港做食肆嘅風氣，都好著重餐廳嘅外觀同裝修⋯靚係好事，多一重享受，但我發覺好多餐廳都唔再重視食物嘅品質同味道，一味追求靚，真係令人有啲失望依個就係點解咁多餐廳開幾年就汁嘅原因⋯如果只求外表，無內在⋯ 啲人只會黎打一次卡，唔會有回頭好似講得太遠⋯講返個雞煲先😂雞新鮮，個汁味道香辣惹味，帶有一點麻⋯用黎配白飯食真係一流每次我地黎都會叫：一隻雞份量嘅雞煲+三文魚腩刺身+酸薑皮蛋+大檸茶依個係不變嘅基本組合😆唔好以為係依到食嘅刺身會好差，你估唔到佢咁新鮮，仲好肥美👍而酸薑皮蛋係流心皮蛋⋯ 入口即化😁薑片切到好薄，無渣👍大檸茶簡直係音樂，正常size嘅檸檬茶根本就唔夠，大檸茶嘅size啱啱好😜 佢唔止個杯大，入邊最少有八-十片檸檬🍋 茶底香而不苦澀👍一品仲有幾間分店，但係一般我哋都會選擇土瓜灣呢一間，原因就係好少機率需要排隊，因為佢座位好多😁
繼續閱讀
今日諗唔到食咩，見到一品雞煲嘅廣告牌，就諗起麻辣雞煲陣味🫣於是就黎食，呢間鋪頭食過好多次，都係咁好味🤤我地今次叫左1️⃣雞煲（半隻）小辣💰208雞煲叫左小辣，雞件嫩滑，裹滿濃厚醬汁，一品雞煲個秘制醬汁好正，小辣啱啱好，麻辣味足，令人想一食再食🫣🫣🫣2️⃣安格斯手切肥牛（大）💰248呢碟牛次次都會叫，牛肉味好濃，雪花好均勻，入口充滿牛肉味，又夠香3️⃣美國雪花肥牛（大）💰150雪花肥牛牛肉味無安格斯咁重，但都好食，同埋每片都切到好大片，食落好滿足😌4️⃣雙拼滑（蝦🦐滑、墨魚滑）💰115蝦滑墨魚滑，爽口彈牙，食得出有蝦肉同埋墨魚粒，又係必叫🤣5️⃣野生葡萄籽（2杯）💰98次次黎食都係叫呢杯，係好似提子味碳酸飲品，咁大杯好飢渴，食重口味嘢最啱❤️❤️6️⃣一品雞汁💰10打邊爐🍲嘅時候可以加呢個汁，夠香濃，唔會比清湯整淡左個味🤤🤤消費價錢：2人💰919，人均💰459.5結論：（10分為滿分）味道：8/10性價比：6/10回頭指數：8/10餐廳名稱：一品雞煲火鍋餐廳地址：土瓜灣馬頭角道28號地庫
繼續閱讀