影片
營業時間
今日營業
07:30 - 22:00
星期一至日
07:30 - 22:00
公眾假期
07:30 - 22:00
以上資料只供參考, 請與餐廳確認詳情
食家推介
20：15分左右落單, 過5分鐘補多個單點, 又要學人用系統要客Scan QR code, 搞咗啲單點出嚟又唔畀人系統落單, 人手單丁落單又漏單, 追佢又唔嚟, 同你講取消突然之間送上枱, 三個餐兩個食曬, 都食曬啦仲嚟做乜？蘑菇湯超鹹、雜扒削到不得了、肉醬意粉衰過大家樂, 得返個薯蓉比較有誠意. 第一次嚟, 認真後悔！第一次寫食評就要投訴, 自問都唔係喜歡投訴嘅人, 但係收得咁嘅價錢, 出咁嘅貨式同服務, 真係要留畀其他人參考下.
繼續閱讀
平日返工前呢間早餐都好多人食，但係又未至於要排隊等位，如果想坐得舒服啲，乾淨企理啲嘅話就可以揀呢一間啦，至於食物方面份量比較偏少，但係味道OK。🌟翠玉瓜粟米芝士奄🍳列配餐包🍞呢個組合嘅奄列喺出面嘅餐廳比較少見，因為多數都係火腿或者腸仔奄列。翠玉瓜，粟米同埋芝士意外地幾match咬落幾有口感，又有埋芝士唔會太淡味。另外餐包熱熱地搽埋牛油幾好味😋。😋推薦指數：8/10
繼續閱讀
同個朋友響黃埔附近做完嘢，諗住搵個坐得舒服啲嘅地方食過遲來的午餐，點知去到嗰間餐廳原來下午休息，所以就行咗去附近搵吓其他嘢食，結果就去咗一品螞蟻，入到去都唔算太多人，所以即刻有位。因為已經係下午茶時間，所以我哋都叫咗下午茶餐，一個係芝士鮮茄牛肉醬煮長通粉伴鮮黃金蛋，另外就係珍寶餐。長通粉出到嚟，賣相唔錯，分量唔錯，味道都唔錯，性價比唔錯。雖然明白係成本問題，但係珍寶餐裏面嗰塊所謂嘅牛扒係幾失望嘅，因為基本上只係一塊大小小嘅牛肉片，同埋仲要有啲乾。西多士上面嘅煉奶都係比較少，所以西多士食落有啲淡。整體嚟講有好有唔好，打和。
繼續閱讀
🐓🥥🍜 黑椒雞扒拼枝竹鮮冬菇配椰香海鮮湯和髪絲麵 (午餐HK$55/下午茶HK$49)．湯底有椰香和海鮮的鮮甜味❤️．雞扒厚身，已切條，用筷子夾起就係食得，味道不錯，只係不要期望煎脆的口感，因為真係沒有😬．枝竹有3大片，長長的，絲滑滿豆味😋．鮮冬菇，脹卜卜，口感多汁，唯一係每粒大細不一．髪絲麵，就係比較似幼身嘅拉麵，軟身但有咬口，掛湯的🍋☕️ 熱檸茶 (跟餐 +$0)🍋🍯 熱檸蜜 (跟餐 +$3)餐廳門口就有點似西式小木屋，𥚃面多座位，不過枱與枱之間有啲逼，也有機會人多要搭枱。📌提提你：有加－服務費喔！
繼續閱讀
如果想係黃埔搵一間好坐, 價錢ok, 食物ok既舖頭, one ant都算係不二之選見到收銀同老闆都同不少熟客打招呼, 甚至會講得出客人通常食咩餐, 安排最適合既位置 (例如輪椅位, 闊落d既, 冇咁凍既), 相信佢哋都係真心做街坊生意! 1. 午餐：雞脾吉列豬扒配意粉, 熱奶茶雞脾好juicy, 吉列豬扒即炸, 炸粉夠薄, 豬扒唔係好厚但勝在肥瘦適中, 夠熱又鎖汁! 2. 午餐：豬頸肉髮絲麵, 椰香海鮮辣湯, 凍檸茶正常發揮啦, 豬頸肉幾好口感, 最重要唔會過肥!
繼續閱讀