麺屋·隠 (已結業)

【#麺屋隠】無意中遇上依間 #米豬連。叫咗碗拉面，盡少少力懲罰下佢。✅點餐紙：非常貼心，無論面條、湯底、配料，都有得揀濃淡、軟硬、多少。✅湯底：好味到爆。本人係蒜蓉愛好者，依個黑蒜真係正爆！揀咗正常濃度，啱啱好👍🏻✅面條：揀咗正常，稍嫌有點硬，下次可試軟。✅叉燒：有三塊，有點薄，但非常軟綿綿😻。✅配料：荀搭配黑蒜非常夾，不過其中一塊荀有渣。✅環境：貼心。🤩枱面有紙巾🤩有免費樽裝水❎等位：全場座位應該得20個左右。我一條友等位竟然都等咗半個鐘😪😪#foodie #hkfoodie #元朗 #元朗食店 #食好西 #黃店

元朗舊佳記甜品附近，大坑渠直入去明愛陳震夏紀念中學嘅一小段路中間，有一間日本拉麵小店，店名叫做「隱」。雖然間拉麵店舖位面積不算很大，但是仲保留住一D傳統日本拉麵店嘅風格同面貌。我幾乎已經將屯門元朗天水圍嘅拉麵店都食完啦，而今次路過發現到呢間「隱」拉麵當然都唔會放過啦。當日雖然已經算早食晚飯(6:00) ，但估唔到店入面已經坐滿晒客人，所以都要等一陣間先有位，原來呢間「隱」拉麵都唔算太過隱秘。小食章魚小丸子外皮好脆，配埋味道濃郁嘅醬同脆脆嘅木魚碎，超正！入面係有八爪魚架男朋友就點左赤隱，佢話食落好辣，因為加左d辣肉碎，但係就辣得好滋味。叉燒切片切得比一般稍厚，而且肥瘦分明我點左黑隱，即係黑蒜油拉麵，黑蒜味好重，啖啖拉麵都有濃濃嘅蒜味，層次豐富，香味濃郁，肉就有少少「鞋」，不過完全唔阻礙我享受拉麵嘅味道，飲一啖湯，嘴中縈繞著蒜香和豚骨湯底鮮味。

見到啲飲食post介紹呢間小店，好似唔錯，happy Friday 放工就去試下。同老公二人大約八點左右到等咗大約十分鐘就有位。小店既裝修都唔錯，有日本小店風味。不過空間比較細，位較窄，坐滿人都好迫下。我地坐係入門口第一張枱，個位同收銀counter 既距離好窄，中等身型既人都要側身行過，我老公坐左邊，一路食一路要閃避行過既人，食得有點不自在。至於食物方面，拉麵有四款選擇。白隱、黑隱、赤隱&限定隱。我地㨂左黑隱（麵身正常、湯正常走荀）同埋限定隱（麵身硬、濃湯走荀），另外叫咗燒八爪魚丸。Order後等左十分鐘左右先出燒八爪魚丸。八爪魚丸外脆內軟，味道同大阪燒章魚丸差不多 只係口感唔同，餡料未見豐富。妙速食完個燒八爪魚丸，再等咗大約10至15分鐘，主菜出場喇～～限定隱：（鏗魚豚骨湯）濃湯夠香夠濃且唔會好油膩既感覺。我個人覺得個豚骨湯味比鏗魚味出，麵身堅度符合要求，有彈性，溏心蛋就無乜蛋香，口感OK ，流心軟滑。整體來講都唔錯。黑隱：（黑蒜油豚骨湯）唔知係咪上菜時湯底未攪勻，第一啖飲落去有仲湯同黑蒜油味分離既感覺。自己攪拌後再飲就覺得好一點。我地叫既係正常湯，相對其他拉麵店既正常湯好似清一點