九鬼居酒屋 (耀華街)

營業中

休息中

如果每個人心裡面都有一隻鬼，我相信我至少有兩隻，一隻餓鬼一隻酒鬼。好簡單，我解釋一下，我每次食飯，我一定係狼吞虎嚥，拿呢d咪餓鬼投胎囉。又舉例一下，去得居酒屋，你唔飲返枝清酒又枉為人，唔通就係酒鬼作祟？👇📌串 燒 -▪️ 雞 皮 - $28 ▪️ 雞 翼 - $48▫️ 黎呢到第一件事一定嗌串燒，第一個必食「雞皮」，唔係每一間居酒屋都做得高質，但呢到燒既雞皮極之脆口，食到少少鹽調味，但味道已經夠哂；而「雞翼」無多餘油脂，燒得夠乾身，肉質又夠嫩滑，食得出師傅功架所在。▪️ 山 芋 - $28▪️ 大 蔥 雞 - $48▫️ 第二樣幾有特色既「山芋」入口味道濃厚，外層帶焦香，質感食落幾腍身，我幾鍾意；「大蔥雞」用左新鮮雞腿肉，所以口感相當嫩滑，加埋大蔥非常香口又有驚喜，抵讚！▪️ 甲 羅 燒 - $88 ▪️ 魔 鬼 魚 翅 - $88▫️ 哇呢個「甲羅燒」一定要推介，蟹蓋上面放滿蟹膏、蟹肉加埋鵪鶉蛋再撈埋一齊，食落甘香鮮甜，配搭紫菜同埋日本飯，口感相當豐富；另一必食佐酒小食「魔鬼魚翅」燒到外層淡淡焦香，口感煙韌，一啖一件認真過足口癮。📌2小時限時內·無限添飲 - ▪️ 清 酒 之 旅 - $288/位▫️ 有

自從有返晚市堂食之後，不停咁約朋友見吓面，今日就約咗個港島朋友去銅鑼灣meet一meet。大家都話唔算好肚餓，所以就揀咗九鬼居酒屋食啲嘢兼飲番杯。餐廳入面嘅佈置配合店名，周圍都見到日本鬼。首先嘅前菜就揀咗刺身沙律，沙律菜之上有滿滿嘅角切刺身，最後仲加上藏紅花。唔同嘅刺身包括有三文魚、吞拿魚、劍魚腩等，粒粒飽滿。芝士三文魚卷擺盤已經夠精緻。入面捲有三文魚同厚厚嘅芝士，再配搭青瓜絲，感覺清新唔油膩。嚟呢度當然要叫返一啲佐酒小食，炸池魚仔係我近年嘅至愛，而且份量都好多，感覺就好似五餅二魚咁，食極都仲有。另外當然唔少得唐揚雞軟骨，咬落爽脆，甚有口感，配有日式芥辣沙律醬，非常醒神開胃。之後就揀選咗幾款串燒，其中厚切牛舌味道甚有驚喜，形狀四四方方，口感更爽口彈牙，令人想一試再試。雞翼外皮燒得非常脆口，而入面嘅肉質仍然保持鮮嫩，用嚟送酒一流。翠玉瓜簡單燒熟之後輕輕灑上薄鹽，味道亦唔錯。同朋友飲番杯，享受一個歡樂嘅晚上。