楚撚記大排檔

營業中

休息中

嚟呢度貪佢開到2am，又有撚手小菜食。講真出街一大班人最開心就係食港式小菜，風味一流。總評一下：😀食物質素： 6.8/10 有啲略微未夠火候，欠缺懷舊那份火氣十足味道。😊環境衛生： 6.5/10正常懷舊菜裝修，所以唔算好光鮮亮麗，地下有少少笠。😊服務態度： 7/10員工熱心，上菜快。可惜用餐時間限住，冇得好好咁樣休閒食一餐懷舊小菜。😀性價比：7/10 正常小炒價錢，唔會太貴亦唔會太平。😀餐後滿足感：6.8/10 可惜有幾味菜唔夠鑊氣。整體嚟講呢度都唔錯。——————————————————————喺我心中，楚撚記飲食體驗總分6.8/10 ，他日可以再試其他菜式。

好多次想嚟但每次都冇位。今次家姐一家親放完暑假前提早為我慶祝生日，嚟左我一直想去但重未有機會去到嘅楚撚記，原來都係佢哋想食又未食到，今次可以一齊食，好開心！限時90分鐘，我哋用QR code下單時間係17:36, 到17:38加多左啤酒，但到18:06都未有野食連啤酒都冇。追問之下發現原來電腦失靈，落過嘅單係佢哋部電腦冇出過單所以冇整到俾我哋，而且我問完之後發覺隔離幾張枱都係有咁嘅情況，店員都好有禮貌地幫我哋即刻用手寫加返單去廚房一陣之後就好快有嘢食啦。首先有炸大肥，好脆，塊菠蘿重要有燒過，好讚！再嚟有椒鹽田雞，好香口。食過唔同地方嘅豬油撈飯，呢度嘅係最好食🤤。重加多左碗白飯。黑椒汁牛仔骨，呢個係咁多個最普通嘅一個，但其實都係好味。拔絲咕嚕肉，做得好靚，另外仲有兩粒啄啄糖，不過咕嚕肉唔夠脆。椒鹽豆腐，香口送酒冇得頂。南乳齋煲～平時食嘅南乳齋煲通常個汁好稀，但呢度南乳汁夠味。煎封馬友～哇！呢個正，就咁食唔點汁都好食，脆脆嘅！避風塘鮮魷～新鮮不過我覺得味道唔夠綠豆清心丸～送嘅唔使錢。呢個真係唔係成日有得食，仲要係送嘅，雖然甜咗少少。整體來講冇乜挑剔，乾淨企理，環境又好，啲餸仲要好大碟。四大

由佢開業已經成日話要去食 終於 係終於都食到🥲兩個人食乜鬼大排檔丫 食得幾多😪我地成日都會掛係咀邊最終都係忍唔住 豁咗出去 因為真係好難等到人多🫢當日去到 真係見到爆晒棚人山人海😲估唔到閒日都咁爆場懷舊既設計風格令人更投入當中😍最重要既都係個種熱鬧既感覺 講句野都要大聲啲😆➷🪐 七味黃金炸一口金磚豆腐唔知點解 黎到大排檔食呢啲就特別好食🫢粒粒金磚豆腐 入口時都依然係熱辣辣 非常滋味😋薄脆既外皮加上微辛既七味粉 每一粒厚度都好均勻👍🏼我地叫咗啤酒飲 所以用黎當係送酒小食都好夾🍻▸🪐 菠蘿拔絲咕嚕肉用上梅頭肉去整 啖啖肉既口感 岩晒唔鍾意有骨既朋友👍🏼沾上既炸粉唔會太多 唔擔心食落口係粉多過肉而甜酸度既調配都做得出色 仲帶有菠蘿香🍍夾埋拔絲同焦糖碎食仲可以多一份甜 有助提升肉香😶‍🌫️▸🪐 香爆黑椒牛仔骨煲牛仔骨煲反而就幾適合送飯🍚因為醬汁比較多順帶一提 佢地有豬油撈飯食嫁 如果你唔怕肥又想香口的話可以試吓佢 唔係度度都有得食😆試一次都唔過份既🫢講返個煲先 牛仔骨既份量都有幾多舊 唔係淨係食椒🫑肉質都好嫩腍 容易同骨位分開👍🏼黑椒帶點辛口既味道😋成日話食大排檔要有鑊氣 應該就係講緊呢一種🤤➷

假日同家人到荃灣楚撚記共聚晚餐，嚟間店平日多人打卡惠顧，店內懷舊裝修，除了食亦是打卡影相的好地方，但唔好處就係限時段食飯 90分鐘要交枱，亦已一早致電book 位，點都試一次係咪咁好味先先嚟個菜乾豬肺湯下火潤喉，湯料十足，飲咗人都精神D懷舊豬油撈飯～豬油甘香加上秘制豉油，甘香美味燕麥金沙蝦球～燕麥香脆配上金沙蝦球，咸甜配上香口美味👍👍椒鹽魷魚～咸香可口，魷魚亦軟滑，但做得唔夠香口，一般般！抱著大期望菠蘿拔絲咕嚕肉，咕嚕肉肉少粉厚，肉炸得乾有點鞋口，甜酸汁適中，伴碟的拔絲甜甜的糖膠蠻有特色原隻脆炸豬手～豬手皮炸得好薄好脆而唔油膩，豬手肉軟熟剛好肉質咸香嫩滑～好食星米炒得好香辣，唔食得辣會越食越辣很惹味，個人喜歡香辣，幾好味送的清心丸綠豆爽糖水～糖水比較甜，個人口味麻麻地，但都意外有糖水送🤣🤣由於限時食，故到入坐上菜進食都好急，如同朋友嚟要食嘢加埋傾心事，個口好忙都唔知做得邊樣，真係好急，我地係book 5點半～7點要交枱，埋單原來發現係無加一同茶錢，收費唔算太貴，店員亦好急來去匆匆，我亦匆匆忙忙 如唔使限時會更好，店舖可能想做多機轉生意總括食物質素可以，但要限時，真的要想想太急了

平日嘅夜晚，約咗好朋友食飯，好朋友話想試吓啲地道野，就嚟咗荃灣嘅楚撚記啦！我哋首先打咗去訂位先嘅，分別係17:30、19:15、20:45同埋22:15，可惜早啲嘅時間已經full左，所以我哋就揀咗20:45。我哋準時到達，上兩層就係座位啦，沿着樓梯行，見到好多香港嘅懷舊裝飾，坐低咗打開Menu，見到超多唔同款式嘅小菜，我哋就盡量嗌啲出邊少見嘅菜式嚟食。🌱楚撚豬油撈飯白飯嘅濕度啱啱好，配埋清澈嘅豬油，淡色嘅豉油，仲有芫荽蔥，好食。🌱蝦醬骨咬開蝦醬骨，肉質非常林，一啲都唔鞋口，而且係有好濃郁嘅蝦醬味，一碟份量都唔少，呢個幾抵食又好味。🌱豉椒鵝腸鵝腸炒得夠乾身，青椒紅椒洋蔥都好爽口，好惹味。🌱黑松露墨魚餅淡淡的黑松露味，加埋粒粒嘅墨魚，非常彈牙，外邊香脆。🌱綠豆爽清心丸最後餐飯食到好飽啊！店員話今日嘅糖水有綠豆爽清心丸，我最鍾意食㗎 ！呢個潮式糖水我覺得真係好好味。我哋三個大人一個小朋友埋單四百幾蚊，我覺得價格相當好，食物亦都好美味，所以我會再過嚟食㗎 ！

當日去嘅荃灣分店22:00後入座全單88折😋 ————————————————————————🐕 豬油撈飯 （$20）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯一細盤白飯配豬油各一壼同蔥花芫荽一碟豬油處理得宜 乾淨而帶有珍珠色白飯粒粒分明 泛起光澤好食到不得了🤩 香到不得了😭本身諗住食少少試吓 點知忍唔住叫多碗白飯($12)🤣🤣🐰耳仔飛起指數：❿/⑩ ————————————————————————🐕 炸大腸 （$88）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯配上甜酸醬同菠蘿解膩大腸雖則唔熱但夠脆炸到成件乳豬皮咁 脆卜卜炸得唔油 一咬唔會咇油 似氣炸咁不過同溫熱嘅菠蘿好似唔夾lol🐰耳仔飛起指數：❽/⑩ ————————————————————————🐕 魚香茄子煲 （$82）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯一上枱咕嚕咕嚕滾過不停望住都垂涎三尺🤤夠哂鑊氣 夠哂咸香 香口美味不過真係幾油😣🐰耳仔飛起指數：❽/⑩ ————————————————————————🐕 黑松露蓮藕墨魚餅 （$96）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯黑松露味都出 同時唔會搶咗墨魚陣鮮味不過墨魚

Bookmark咗呢間餐廳好耐，好彩有訂檯先有得食，weekend嚟walk in可能無得食，想嚟嘅最好訂定檯先嚟。豉椒鵝腸，鵝腸好肥美，又夠晒爽口，配菜都炒得好入味菠蘿拔絲咕嚕肉，外脆內軟，拔絲真係拉到一絲絲，真係好考功夫呀超級邪惡同時懷舊嘅豬油撈飯，豬油同豉油可以按個人口味淋落飯到椒鹽九肚魚，無散晒，同無出水，抵讚香煎黑松露手打蓮藕墨魚餅，黑松露味夠晒香濃，唔會煎到乾晒老火菜乾煲豬肺湯，係媽媽煲湯嘅味道呀，豬肺洗得好乾淨，細嘅都裝夠四碗下次再嚟食真係要叫多啲朋友呀，仲有好多餸想試呀

成日想食好耐，今日喺荃灣一早做完野又想嘆返兩度小菜，未夠6點就來到~~上到來裝潢懷舊，播著90年代流行曲，嘆著冷氣食到大排檔風味好好feel~ 一坐低見到方皓玟poster，食滿$500就可得到心聲卡有機會換到演唱會飛😱但今日得兩個人，我地叫左好多都係$326 仲要食唔晒打包😌下次要約多啲人嚟食！首先，叫返個豬油撈飯，好耐未食過🤤豬油好香、豉油不會太咸，仲有葱同芫荽另上，齋食飯都可以食幾碗😋😋楚燃記脆皮燒BB鴿$58皮脆肉嫩，又夠厚肉，有椒鹽同喼汁可沾，更惹味魚香茄子煲 $82食到尾都熱辣辣，成煲都好足料，醬汁香濃得嚟又唔會好咸🤤西檸煎軟雞$88酸酸甜甜大大舊，炸皮好鬆脆，雞都好滑嫩，送飯一流芝士琵琶豆腐$78大大件外脆內滑，鯪魚肉味好豐富，芝士另上我地無要，咁樣都已經好好食😋咁多野都係326蚊，好過真係踎喺大排檔咁熱😌

又係懷舊風老香港大排檔🍽呢間餐廳好出名 一早已經知道好難訂枱 好好彩朋友訂到枱 所以就可以黎試下😀✨芝士琵琶豆腐呢個芝士汁係另上既 可以淋落去一齊食或者沾醬食不過芝士味就唔夠濃 而佢既口感好實淨 食落似食緊鯪魚球 豆腐味唔係好重 同有啲濟✨菠蘿拔絲咕嚕肉甜酸汁嘅甜酸度岩岩好 肉質咬落好爽 仲有焦糖脆脆 酸酸甜甜好好食✨濃湯海鮮粉絲什菜煲呢個就係普通嘅雜菜煲 冇咩特別 菜嘅份量都算多✨香煎黑松露手打蓮藕墨魚餅黑松露味好香 咬落食到蓮藕嘅爽脆 不過煎得有啲油膩✨楚撚記原隻脆皮炸豬手賣相好吸引 令人好想試 豬皮係脆嘅 但唔夠香脆 有部分都係有啲韌 同皮肉分離 扣分豬手都幾入味 咬落唔會覺得好硬 配左甜辣醬同芥末醬 感覺清爽啲✨香爆黑椒牛仔骨煲黑椒味好香 不過略嫌牛仔骨有啲肥 油脂感比較重✨椒鹽白飯魚白飯魚炸到好香脆 但唔覺得油膩 上面有勁多炸蒜 連埋一齊食香香脆脆咁 好味👍🏻✨豬油撈飯呢個豬油撈飯有豬油同豉油比你自己加 想食幾肥膩都有得你簡 建議可以放膽啲加多少少豬油 咁樣啲飯會更加好食 另外再加埋蔥粒 更加香👍🏻可能一開始期望太高 所以食嘅時候就有啲失望 餐廳嘅水準係正常嘅 但係唔可以講十

不久之前已經好想試吓呢度嘅小菜 因為食過的朋友仔也大讚 今日黎到荃灣一定要試吓進入大門己有大排檔味道 因為裝修有點懷舊感亦不失現代 坐下望住餐牌內的食物 實在不知如何選擇 太多想食嘢 最後選了我地愛吃的 楚撚豬油撈飯 必食之選 因為唔係每處食得到 豬油預上豉油 再配上白飯 絕配的味道西楚霸王雞半隻賣相相當吸到 炸蒜配上薑蔥滿布在鮮嫩的雞件上 咬落口啖啖蔥油的香口 雞肉的嫩滑 黑松露蓮藕餅 因為本身自己喜愛所以點了 蓮藕餅配上黑松露 結果本身已炸得脆脆的口感 帶上陣陣黑松露的味道 令人一食再食 飛天通菜煲 惹味系列之一 香味四溢配上蝦乾 好惹味 菜炒得亦剛剛好香煎自家韮菜粿 皮薄 韮菜爽口 香皮煎得金黃色 小食之選手工啤酒 楚撚桂圓手工啤酒 不用多說 自己的至愛

良心食店當然優先考慮，今日行完針草山就搭巴士到百悅坊吃飯。好在今晚六點去到不用等位，上到大堂已經差不多滿座。裝修很特別，有一些懷舊的又不失玩味，難怪很多年青人來這裏食飯打卡。【香煎黑松露手打蓮藕墨魚餅】是這裏的招牌菜，很喜歡煎得金黃香脆的外皮，一咬下就是黑松露的味道，很足料，墨魚味道都幾搶鏡，果然是招牌菜。【魚香茄子煲】端出來的時候新鮮滾熱辣，很大陣鹹香味，茄子外皮顏色還是鮮艷的紫色，一條條爽口得來又索盡精華，整體不會太鹹，是高質魚香茄子煲！【椒鹽九肚魚】外脆內軟，一咬中間軟綿綿，但是外型堅挺，即叫即製又沒有油益味，來送飯一流。【豬油撈飯】久違了的懷舊菜式，這個砵碗有些飯焦，豬油和豉油的份量自己調配，撈勻吃加些蔥花和芫荽，根本就不用加餸了。【番薯糖水】免費飯後糖水，幾重薑味，適合女士吃！這裏環境真的不錯，而且沒有加一，我覺得價錢很公道味道又好，絕對會再來！

聽人介紹荃灣有間特色餐廳，成個裝修都好懷舊，所以我專登帶埋小朋友嚟等佢哋見識吓，果然周圍都係打卡位，充滿懷舊色彩。呢度主要都係食小菜，原來佢有幾間分店，部份菜式只有荃灣呢間旗艦店獨有，包括脆皮芝士焗原隻新鮮龍蝦，原價$238隻，而家係新張優惠只需要$168 ，咁抵冇理由唔食㗎嘛！龍蝦原隻開邊，面頭有厚厚的脆芝士，龍蝦肉好易起，有多膏，彈牙得來又實淨，好好味呀！真心推介！一口脆炸雙重芝士波波（ $68 ）同樣係荃灣店限定，芝士波波大概10多粒，雖然細細粒，但係一口芝士，好味！大人同細路都鍾意！菠蘿拔絲咕嚕肉（$98），亦好啱小朋友食，有菠蘿、蜜桃、紅青椒等配料，仲有幾舊我喺澳洲食過嘅honey comb，唔知中文叫乜，但係就好鬆化。上碟嘅時候側邊嗰個拔絲真係好靚仔，金黃色一絲絲就好似個雀巢咁樣，不過放耐咗就會倒塌，但不影響味道，都幾甜。至於咕嚕肉本身梗係好好味啦！啖啖肉，炸得夠火喉，正！呢度仲有豬油撈飯可以叫， $20一碗，一個缽仔咁上，趁熱自己動手將豉油和豬油撈落去，非常香口好味，真係好耐無食過。還有舊式嘅支裝汽水，小朋友真係未見識過，一人一支，零舍有氣！呢度既伙計仲幾好服務添！👍🏻👍