更多
2022-05-13
127 瀏覽
老媽拌麵本身係包裝好帶返屋企煮嘅品牌,係香港開實體餐廳令我有興趣過嚟試一試。川味紅燒半筋半肉牛肉麵🌶濃牛骨味辣辣地嘅湯,加埋牛肉同埋牛根,加埋佢地滑溜煙靭嘅關廟刀削麵,係好好嘅牛肉麵。和牛炸醬拌麵🐮拌麵先係呢度主打,用關廟麵撈埋濃縮咗嘅牛肉炸醬,非常掛汁,將全部嘅汁都索曬。私房花雕雞拌麵🐔好濃酒香,雞都嫩滑,第一次食呢一款麵,叫咗幼麵,都好索汁,最鍾意呢款。另外有新品上架,係椒麻/酸辣 手撕雞 /半筋半肉拌麵,加埋酥炸麻辣雞翅,好似幾好,留返下次先試。今次都係試咗D必試野,下次再嚟先至試新野。
張貼