新泰東南亞餐廳

營業中

休息中

今日同好友約好去到尖沙咀食晚飯。每人點一兩樣想食的。今日點了泰式炸蝦餅，串燒沙爹（豬，牛，雞）,肉碎生菜包，泰式柚子蝦沙律，泰式干炒河，泰式甜品大拼盤。泰式炸蝦餅🍤：炸得香口，熱辣辣。蝦餅口感同蝦味道俱佳。串燒沙爹（豬🐷，牛🐮，雞🐥）：肉質良好，入味。沙爹醬香口配起串燒食非常好。肉碎生菜包🐷：用生菜包住食，肉碎香料夠，少少辣非常開胃，洋蔥帶起味道配合香料同辣，正。泰式柚子蝦沙律🍤：少少辣岩岩好，柚子鮮甜可口。泰式干炒河：夠晒味既炒河，雞肉河醬汁整體好味道。泰式甜品大拼盤：飯後必吃之選，滿足埋甜品胃。芒果🥭夠甜，椰汁糯米飯味道同口感都好好。班蘭糕，椰汁糕同樣出色。

我和朋友一起到尖沙咀新泰東南亞餐廳食晚飯，這是朋友介紹在尖沙咀開張不久的一間東南亞美食餐廳，這餐廳比較特別，餐廳入口在地舖，而餐堂就在地牢，環境亦都相當闊大；我之前也有幫襯過別的新泰餐廳，感覺裝修都頗為一致；但發覺餐牌內的餸菜都有一些更新，好快趣我哋就點咗幾個新泰餐廳比較出名嘅餸菜如蔗蝦、肉骨茶和柚子蝦沙律，燒春雞釀香茅黃飯；這裏的服務員服務周到，不停為我們加添暖水！肉骨茶首先送到檯面，雖然沒有油炸鬼等配送，但當歸嘅香味亦都唔錯，排骨亦都淋滑，至於庶蝦方面就好有特色，三條庶蝦下面放滿檬粉，更有魚露醋奉上，食落都好有特色；柚子蝦沙律十分醒胃，酸酸辣辣不錯嘅開胃菜；燒春雞釀黃飯，賣相吸引，再加埋一小碗嘅沙律，打卡最佳選擇，可能黃飯在雞裏面比較潮濕，所以最初食嘅時間會覺飯粒比過淋，但當加埋沙律一齊食嘅時候，又剛剛好所以記緊食黃飯的時候要加埋沙律一齊食呀！會有不同層次感！而又唔會黐口，宜雞肉方面，雖然係燒雞但係都仲算淋滑和有肉汁，好有雞味；最後我哋點咗個椰汁香芒糯米飯做甜品，濃濃的椰汁之下有黑白兩半球狀的糯米飯，再加上半個芒果，芒果十分之清甜，糯米飯有煙韌感，再加上甜甜嘅椰汁！要嚟作為一個甜品

收工後相約朋友黎尖沙咀覓食，經過K11 Art mall見到對面餐廳好有格調，好正宗既泰國菜館feel，所以就黎左呢間新泰東南亞泰國餐廳試試。我們點了多款菜式，其中最令人印象深刻既係鴨肉生菜包。這款鴨肉餡以新鮮既鴨肉和脆生菜包裹而成，配上特製的調味醬汁，香氣四溢，味道香濃。鴨肉經過鹽、胡椒、醋、生薑和蒜頭等調料的醃制，散發出濃郁的香氣，再經過炒製，鴨肉表面煎至金黃色，更加香脆好味。泰式生蝦也非常出色，鮮嫩的生蝦配上酸辣的醬汁，突出了泰式菜品的鮮明特色，非常開胃，我個人去親泰國菜館都一定會點，呢間餐廳既生蝦都不負所望！泰式柚子蝦沙律顧名思義汁調為酸甜泰式風格，沙律裏加入了清甜紅柚子，口感清爽，蝦和魷魚也食得出非常新鮮，整道菜非常醒胃，很適合春夏天當作頭盤。紅咖哩鴨係一道充滿椰香既主菜，鴨肉表皮經烤過更加香，放入甜而帶微辣的咖哩醬汁，整道菜十分濃郁，配飯一流。蕉葉烤鱸魚係一道非常特別既菜式，經過火槍微燒焦蕉葉表面，再巧妙地用上蕉葉蓉蓋上鱸魚身上，再包住塞滿香茅既鱸魚去燒，魚肉更濃郁入味，整道菜食落香濃既不會掩去魚的鮮嫩多汁。最後是番石榴沙冰，口感清爽，回到青澀既初夏一樣，非常適合夏天解暑。

黎新泰都食左十次八次，一於寫返篇食評讚下佢。新泰就算星期幾黎都好，總係需要等位，但好在佢等位又唔係等好耐喎。星期一晚8點後入座，難得直入唔洗等，正😄今晚就叫左個蔗蝦、柚子大蝦沙律同埋炸蠔餅。柚子大蝦沙律柚子清甜多汁，大蝦夠爽彈，重有啲鮮魷添，料多份量夠汁又酸酸甜甜咁，好開胃😋蔗蝦同炸蝦餅個蝦膠係一樣嘅，蔗味就唔係好覺，勝在個蝦膠夠晒厚又夠彈牙，唔似係溝左好多粉嗰種。最後黎左個鐵板炸蠔餅，蠔餅個底係一大堆短芽菜，我最愛芽菜，清甜爽口新鮮，我覺得個芽菜好味過蠔餅。蠔仔唔算多，蛋餅炸得太過，有啲乾硬。最後要叫個龍眼冰降一降火先得🤣