更多
2022-08-09
658 瀏覽
我地大約6:30去到,可能因為星期一晚嘅關係,餐廳人流唔算多,所以我地一行四人都可以揀一個相對僻靜嘅位置,適合gathering~野食方面,呢間餐廳主打台式一人火鍋,而且可以揀嘅只係湯底,配料係固定嘅;每款湯底嘅配料都有少許分別,但份量就一樣咁多,除非特別大食啦,否則一定夠食嘅!我今次都係叫左招牌臭臭鍋,唔知點解每次嚟到呢間餐廳都係食返同一個湯底,可能係因為耐唔耐就會掛住果隻"臭臭"嘅味道,喺其他火鍋店係搵唔到架!味道方面,同上兩次一樣保持返水準,無跌Watt,湯底依舊保留住臭豆腐果種"臭臭"嘅味道,配料方面,最值得一讚一定係蜂巢豆腐同鴨血,前者吸收哂湯底精華;後者就好有嚼頭好有咬口,唔係果種鬆鬆散散嘅鴨血。主食可以揀白飯或者粉絲,我今次就揀左粉絲,值得一提嘅係:白飯份量比粉絲多啲,追求飽腹感嘅朋友可以嗌飯。野飲方面就有啲美中不足,味道偏淡(我已經無嗌少甜),而且只可以用正價散叫,無跟餐價;最平果杯飲品都要成$26,同外面單買一杯飲品有得揮。服務方面,我覺得今晚俾我嘅感覺係相當之唔錯嘅,因為星期一晚嘅關係,佢無好似周末咁要限時同趕人走,我地幾乎坐左三粒鐘,去到人地收鋪咁濟先肯走haha
野食方面,呢間餐廳主打台式一人火鍋,而且可以揀嘅只係湯底,配料係固定嘅;每款湯底嘅配料都有少許分別,但份量就一樣咁多,除非特別大食啦,否則一定夠食嘅!
我今次都係叫左招牌臭臭鍋,唔知點解每次嚟到呢間餐廳都係食返同一個湯底,可能係因為耐唔耐就會掛住果隻"臭臭"嘅味道,喺其他火鍋店係搵唔到架!味道方面,同上兩次一樣保持返水準,無跌Watt,湯底依舊保留住臭豆腐果種"臭臭"嘅味道,配料方面,最值得一讚一定係蜂巢豆腐同鴨血,前者吸收哂湯底精華;後者就好有嚼頭好有咬口,唔係果種鬆鬆散散嘅鴨血。主食可以揀白飯或者粉絲,我今次就揀左粉絲,值得一提嘅係:白飯份量比粉絲多啲,追求飽腹感嘅朋友可以嗌飯。
野飲方面就有啲美中不足,味道偏淡(我已經無嗌少甜),而且只可以用正價散叫,無跟餐價;最平果杯飲品都要成$26,同外面單買一杯飲品有得揮。
服務方面,我覺得今晚俾我嘅感覺係相當之唔錯嘅,因為星期一晚嘅關係,佢無好似周末咁要限時同趕人走,我地幾乎坐左三粒鐘,去到人地收鋪咁濟先肯走haha,中途無話"泣泣樣樣"咁過嚟執枱,所以真係一次愉快嘅聚會!
$119
53 瀏覽
0 讚好
0 留言
張貼