金麥泰泰國菜館

營業中

休息中

勁鐘意喺九龍城食泰國野，今次呢間係新試嘅，食物質素唔錯，價錢抵👍🏻推介～呢度餐牌有晒一set set俾人揀，有埋相睇好方便👍🏻👍🏻 我哋叫咗個$343嘅set，包括有泰式炸拼盤、冬陰功、乾炒金邊粉、泰式蝦膏炒飯、芒果糯米飯➡️泰式炸拼盤有炸蝦餅、魚餅、芋絲春卷、蝦春卷、香葉雞，樣樣外皮炸得夠香脆，餡料豐富～特別魚餅有檸檬葉香氣，好惹味😋➡️ 冬陰功大大兜夠抵食，足料👍🏻 香料味出，酸辣適中，遷就到香港人嘅口味，蝦有2大隻，菇類增添咗唔少口感，好飲！➡️ 乾炒金邊粉經典泰菜之一，酸甜惹味，任何時候食都好味～炒得夠乾身不油膩，味道有層次，連埋蔥生碎一齊食好快清晒😬😬➡️ 泰式蝦膏炒飯香氣逼人😍蝦醬香吸引，配料有雜菜、蛋碎、蝦、臘腸，咸香味好惹味👍🏻推介～➡️ 芒果糯米飯不錯👍🏻芒果好甜，椰漿甜而不膩，糯米有分白糯米紫糯米，夠煙韌👍🏻➡️珍多冰($24)配料有粉條、大樹菠蘿等等，口感豐富，椰奶香，不太甜，很消暑～➡️芒果沙冰($30)差唔多枱枱都見到有叫😂，好香芒果味，沙冰好棉密👍🏻好飲，解渴～

好耐冇去過九龍城食泰菜喇！今晚揀了這間試下金麥泰這本Menu用了相片來表達套餐，一看就明，我們決定先來一個套餐套餐：泰式炸拼盤，炸起即食係幾好味套餐：乾炒金邊粉，粉好有彈性，唔錯套餐：泰式燒豬頸肉，不過不失套餐：冬蔭公湯，辣度適中套餐：泰式生蝦刺身，夠新鮮和肉質甜另外我們散叫了幾個菜：泰式生菜包，雞肉有點辣但好味泰式扎肉湯河，專登叫碗河粉給小朋友吃，夠大碗泰式柚子沙律，酸酸甜甜，開胃泰式馬拉盞介蘭，鹹了一點，但可接受泰式蒜蓉抄椰菜苗，這個炒得好鹹，經投訴後，廚房再炒過味道就正常喇串燒豬牛雞，味道一般泰式芋頭焗飯，飯比較濕我們5個人吃12道菜，埋單$8XX其實不算貴不過不是每道菜都有好水準，有些更重手了（太鹹）但服務係唔錯的，所以有機會都會再食

上年11月中個陣嚟食過一次，用餐經濟實在唔錯，今日有經，決定要encore一吓金麥泰嘅高質泰菜❤️乾炒金邊粉 ($55)- 金邊粉炒得幾香口，酸甜醬汁完美沾滿每條金邊粉，仲有滿滿嘅配料，有芽菜、蛋碎、蝦，滋味滿溢😝泰式燒豬頸肉 ($82)- 豬頸肉都燒得好正，外圍香脆，內裏嫩滑唔乾，調味香鹹惹味，配搭埋酸酸鹹鹹嘅醬汁，味道層次好多元😚泰式脫骨鳳爪(大) ($58)- 脫骨鳳爪果然都好高質，酸酸辣辣超級過癮，而且鳳爪已脫晒骨，食落好方便，而且鳳爪好索汁，勁級惹味🥰泰式鐵板魷魚 ($85)- 一上檯就jaja 聲香氣迎面而來，好誘人啊，魷魚新鮮香軟，都有咬口，配搭紅椒、菠蘿、洋蔥等等，口感層次好多元😋芒果糯米飯 ($50)- 作為芒果糯米飯狂迷，次次食泰菜都會點，芒果香軟甜蜜，雙色糯米飯煙韌有咬口，非常推薦💕椰青 ($30/1)- 椰青果然係泰菜頭號飲品，椰青水清甜解膩，椰肉雪白軟滑，甜甜嘅椰香味喺口腔爆發，幸福指數爆登💯老闆同員工依然都係咁friendly，食物水準依舊都係高水準嘅發揮，一個字—正☺️