影片
更多
2024-04-18
13 瀏覽
🎪幾年前，瘋魔一時位於銅鑼灣的樓上Cafe《Mamaday》大玩幽默風格🤹🏻♀️，菜式用上有趣嘅金句字樣📝，令到平凡嘅菜式頓時變風趣起來，望個名都想食😋。近年，熊妹知道《Mamaday》改咗名叫做《ZipZip》，但地方依舊，風格依舊，不過就加入咗一啲新嘅fusion菜📋，當然要捧場試吓。📌幫襯過幾次《Mamaday》，今次嚟到《ZipZip》，裝修依然玩味十足。首先，木門門面🚪依然係大大隻寫住「只招待會員，入會條件：舌頭舔到手时」，記得第一次嚟嘅時候，見到只招待會員真係俾佢嚇親，猶豫咗一陣唔知道入唔入得餐廳食，但後來發現其實都係餐廳玩意之一，都係噱頭嘢，諗返起當時都好搞笑😆！📌入到餐廳，裝潢依然色彩繽紛🎨，玩味濃郁，讓人有種進入了歡樂世界的感覺🎠。牆上還有好多卡通人像及風趣字句，幽默得來又帶點意思，都會讓食客發人深省，停一停思考一下，相信都係餐廳想帶來的喜感及訊息。📌菜式嘅名稱依然係有趣十足，熊妹仔細睇吓，其實放喺名稱嘅開頭係寫出當食緊呢款菜式嘅時候會發出嘅心聲，然後接着就係菜色本身有嘅材料，成件事變得好獨特。辣架傻豬豬豬頸肉泰式肉碎日本蛋包飯，$126當食第一啖蛋包飯嘅時候，身邊嘅
🎪幾年前，瘋魔一時位於銅鑼灣的樓上Cafe《Mamaday》大玩幽默風格🤹🏻♀️，菜式用上有趣嘅金句字樣📝，令到平凡嘅菜式頓時變風趣起來，望個名都想食😋。近年，熊妹知道《Mamaday》改咗名叫做《ZipZip》，但地方依舊，風格依舊，不過就加入咗一啲新嘅fusion菜📋，當然要捧場試吓。
📌幫襯過幾次《Mamaday》，今次嚟到《ZipZip》，裝修依然玩味十足。首先，木門門面🚪依然係大大隻寫住「只招待會員，入會條件：舌頭舔到手时」，記得第一次嚟嘅時候，見到只招待會員真係俾佢嚇親，猶豫咗一陣唔知道入唔入得餐廳食，但後來發現其實都係餐廳玩意之一，都係噱頭嘢，諗返起當時都好搞笑😆！
📌入到餐廳，裝潢依然色彩繽紛🎨，玩味濃郁，讓人有種進入了歡樂世界的感覺🎠。牆上還有好多卡通人像及風趣字句，幽默得來又帶點意思，都會讓食客發人深省，停一停思考一下，相信都係餐廳想帶來的喜感及訊息。
📌菜式嘅名稱依然係有趣十足，熊妹仔細睇吓，其實放喺名稱嘅開頭係寫出當食緊呢款菜式嘅時候會發出嘅心聲，然後接着就係菜色本身有嘅材料，成件事變得好獨特。
辣架傻豬豬豬頸肉泰式肉碎日本蛋包飯
$126
1 瀏覽
0 讚好
0 留言
當食第一啖蛋包飯嘅時候，身邊嘅人就想提醒你：「辣架傻豬豬」！啱啦！就係講緊呢碟蛋包飯嘅味道，一大碟蛋包飯面頭淋滿泰式肉碎辣醬汁，側邊仲放了好多舊豬頸肉🐷同埋蕃茄仔🍅，成碟飯嘅辣味就源於泰式肉碎醬，其實又唔算太辣，就係要關照返怕辣的傻豬豬，真係覺得太辣又可以食返粒蕃茄仔，酸酸地即刻中和返。
辣架傻豬豬豬頸肉泰式肉碎日本蛋包飯
$126
0 瀏覽
0 讚好
0 留言
以為⋯食緊⋯片皮鴨比薩
$138
0 瀏覽
0 讚好
0 留言
呢個片皮鴨pizza真係好少地方見過，fusion菜得來唔知好唔好食呢？
以為⋯食緊⋯片皮鴨比薩
$138
0 瀏覽
0 讚好
0 留言
山葵明太子手撕雞
$88
0 瀏覽
0 讚好
0 留言
新出左呢款醬汁撈手撕雞喎，有明太子、山葵明太子同埋黑松露醬揀，山葵明太子咁特別，當然要試吓特別嘢啦！
一兜份量都幾多吓，啖啖手撕雞無骨，雞肉滑溜，最特別係個山葵明太子醬，Wasabi味重，但撈左偏鹹味的明太子，變成唔攻鼻👃🏻，側邊仲放了好大一塊嘅蝦片，將蝦片啪成小塊，再放上山葵明太子手撕雞喺上面一齊食，加多一重脆卜卜嘅口感，呢款餐前小食特別得來又幾飽肚，值得一試！
牛油果奶昔
$58
0 瀏覽
0 讚好
0 留言
阿豬媽同熊妹都好鍾意食牛油果🥑，當然點返杯牛油果奶昔開心吓啦！奶昔質感幾creamy，牛油果味道唔算好濃，因為牛油果嘅淡味，所以加入咗啲蜜糖，令到成杯飲品出返啲味道，幾特別嘅做法！
今日咩心情？__？
$58
0 瀏覽
0 讚好
0 留言
食到咁豐富，當然要點埋甜品先叫完美啦。再睇吓今日係咩心情，出款咩蛋糕。竟然係黑芝麻巴斯克芝士蛋糕！巴斯克芝士蛋糕已經夠驚喜😍，仲要係黑芝麻味道，真係令到熊妹無法抵擋！從來，熊妹都認為黑芝麻做的甜品係非常之吸引，因為黑芝麻味道好香濃，加點糖做甜品係非常之夾。
果然無失望，巴斯克嘅軟心位做得好出色，一上枱已經睇到中間流心位置湧了出來，黑芝麻味道十足，超級香濃，中間軟心芝士🧀好幼滑，再加埋面頭少許帶點鹹味嘅奶蓋芝士，滋味甜在心頭！今日咩心情？熊妹有幸今日食到黑芝麻巴斯克芝士蛋糕，簡直係靚爆鏡的心情啦！
0 瀏覽
0 讚好
0 留言
張貼
