影片
更多
2024-04-11
4 瀏覽
朋友話好耐冇食過串燒，咁啱今日約咗喺銅鑼灣見面，就一於帶佢嚟呢間串燒名店「Grill ขุนทอง」 試下。餐廳嘅門面非常搶眼，充滿火辣感，再配以店內嘅高身檯櫈和特色塗鴉牆，環境好有 vibe。午餐有四個選擇，包一杯嘢飲，另外亦有沙律、湯、小食、串燒、甜品及飲品等供應。我哋點咗👇去骨泰國海南雞飯 ($69)，雞件香軟嫩滑，皮彈而脂肪少，入口啖啖肉又有雞味，蘸點黑豉油和泰式辣醬吃，味道一流！油飯亦做得非常出色，軟硬度剛好，入口顆粒分明又富油香。至於另一客泰式串燒配炒飯及雜菜 ($72) 亦屬水準之作，用料好豐富，有豬牛雞串燒各一，而旁邊更伴以香噴噴嘅炒飯。豬肉串醃得好入味、牛肉串肉厚唔韌、雞肉串外脆內 Juicy，配濃郁沙嗲醬，神級惹味。炒飯夠乾身，調味亦啱啱好，香中帶微辣，讓人一口接一口。跟餐飲品點咗凍檸茶同熱奶茶，檸茶冰涼解渴、奶茶有紅茶香。另外仲加點咗幾款串燒，有白鱔 ($68)、牛仔骨 ($48)，豬肉串 ($20) 同 有機蘆筍 ($22)。白鱔肥美豐腴，鱔肉彈牙爽口，醬汁好惹味。牛仔骨肉嫩鬆軟，豬肉串肥瘦適中，咬開有肉汁流出。蘆筍非常嫩口，完全無燒到過火，內裡依然充滿水份，入
餐廳嘅門面非常搶眼，充滿火辣感，再配以店內嘅高身檯櫈和特色塗鴉牆，環境好有 vibe。
午餐有四個選擇，包一杯嘢飲，另外亦有沙律、湯、小食、串燒、甜品及飲品等供應。我哋點咗👇
去骨泰國海南雞飯 ($69)，雞件香軟嫩滑，皮彈而脂肪少，入口啖啖肉又有雞味，蘸點黑豉油和泰式辣醬吃，味道一流！油飯亦做得非常出色，軟硬度剛好，入口顆粒分明又富油香。
至於另一客泰式串燒配炒飯及雜菜 ($72) 亦屬水準之作，用料好豐富，有豬牛雞串燒各一，而旁邊更伴以香噴噴嘅炒飯。
豬肉串醃得好入味、牛肉串肉厚唔韌、雞肉串外脆內 Juicy，配濃郁沙嗲醬，神級惹味。炒飯夠乾身，調味亦啱啱好，香中帶微辣，讓人一口接一口。
跟餐飲品點咗凍檸茶同熱奶茶，檸茶冰涼解渴、奶茶有紅茶香。
另外仲加點咗幾款串燒，有白鱔 ($68)、牛仔骨 ($48)，豬肉串 ($20) 同 有機蘆筍 ($22)。白鱔肥美豐腴，鱔肉彈牙爽口，醬汁好惹味。
牛仔骨肉嫩鬆軟，豬肉串肥瘦適中，咬開有肉汁流出。蘆筍非常嫩口，完全無燒到過火，內裡依然充滿水份，入口清甜爽脆。
張貼
