園中鴨子 (已結業) 查看

食物味道: 味道原本應該唔錯，不過以放題形式供應，食物難免係先預備，保溫，再上枱，原有嘅味道就唔能夠保持，有啲食物上枱只係微暖，味道大打折扣。食物份量: 放題任吃，按人頭每次奉上嘅食物，份量適中，試啱可以再叫。價錢: $368 可以任食餐牌裏所有嘅餸菜，唔算貴。環境: 中西合璧嘅佈置加上全場西式嘅音樂，而且唔多客，感到寧靜又舒服服務: 服務殷勤，不過唔知係咪因為少客人，現場得一兩個侍應，有時好難搵到佢哋。回頭指數(10分滿分): 3分，雖然價錢唔貴，但係放題形式嘅食物處理，令好多食物失去原有嘅美味，唔再試放題喇，乾脆下次嚟逐樣散叫好啲。