更多
2020-03-29
288 瀏覽
女友投訴, 話近日無點同佢出街食飯, 係屋企玩煮飯仔玩到悶, 要出街食! (其實玩煮飯仔從來只係得我, 由我煮, 佢只係玩食飯仔!)諗諗吓又好似係喎....無計啦, 近期多咗客仔想知前途問津, 搵我食飯希望我講解兩句, 咁...... 唔通唔幫人咩....咁我問佢想食咩, 佢話要去荃灣校長, 因為上次我同個客去校長無帶佢去, 又聽到我話校長唔錯, 所以今次要帶佢去校長!原來..... 我成半年前講過嘅說話, 女朋友記仇記到今時今日..... (+_+:同上次一樣,只係玩韓燒,無玩火鍋,單係食熱食同韓燒已經頂哂肚,今次熱食重有炒蜆添!我好怕炒蜆有沙,今次炒蜆無無沙嘅,滿意.每位客仔都會送生蠔一份,雖然係送贈但份量唔細質量唔差,生蠔燒過之后都好嫩滑.韓燒嘅選擇不少,今次重點燒魷魚鬚,好好彩無燒到韌.上一次幫襯校長, 排哂隊等入埸, 今次疫情之下再去幫襯, 人客明顯減少, 好嘅餐廳希望頂得住過到哩關啦!
諗諗吓又好似係喎....
無計啦, 近期多咗客仔想知前途問津, 搵我食飯希望我講解兩句, 咁...... 唔通唔幫人咩....
咁我問佢想食咩, 佢話要去荃灣校長, 因為上次我同個客去校長無帶佢去, 又聽到我話校長唔錯, 所以今次要帶佢去校長!
原來..... 我成半年前講過嘅說話, 女朋友記仇記到今時今日..... (+_+:
同上次一樣,只係玩韓燒,無玩火鍋,單係食熱食同韓燒已經頂哂肚,今次熱食重有炒蜆添!我好怕炒蜆有沙,今次炒蜆無無沙嘅,滿意.
每位客仔都會送生蠔一份,雖然係送贈但份量唔細質量唔差,生蠔燒過之后都好嫩滑.
韓燒嘅選擇不少,今次重點燒魷魚鬚,好好彩無燒到韌.
上一次幫襯校長, 排哂隊等入埸, 今次疫情之下再去幫襯, 人客明顯減少, 好嘅餐廳希望頂得住過到哩關啦!
張貼