影片
更多
2021-08-19
428 瀏覽
👧🏻👧🏻👧🏻👧🏻今次要介紹嘅係位於黃埔附近嘅韓國小店清溪川😋呢到係韓國人親自打理架，所以味道十分正宗👍而家冇得去旅行，所以👧🏻👧🏻平時都好鍾意去呢尋找家鄉味🇰🇷😍清溪川位置唔算難搵，就係紅磡灣中心屈臣氏對面條行。大家掛住🇰🇷嘅時候，就可以去試下清溪川啲🇰🇷家常菜啦❣️由於鋪頭真係好細同好多客人嘅關係，夜晚想堂食嘅話，基本上都要等位，除非好早去啦🤣首先👧🏻同大家say sorry先🙇♀️其實今次👧🏻又唔記得影相📸食到一半先醒起，所以啲相影得好核突，請大家唔好嫌棄😳🔸🔹🔸🔹🔸🔹🔸🔹🔸🔹🔸🔹🔸🔹🔸🔹1) 泡菜炒飯 HK$48係上面會有煎雞蛋同芝麻粒嘅傳統🇰🇷泡菜炒飯😍泡菜大細適中，唔會剪得太碎👍泡菜味道唔會太辣，適合唔食得辣嘅朋友，想食辣啲嘅朋友亦可以自己再加辣椒醬😊炒飯份量非常足夠大胃👧🏻嘅需要，細食嘅朋友仔要注意啦🤣仲有一點非常加分嘅就係，清溪川嘅飯唔會好油膩，同出面啲韓式餐廳比起健康好多☺️😍賣相：🌕🌕🌕🌕🌑😋味道：🌕🌕🌕🌕🌑2) 炸醬麵 HK$48係炸醬麵同冷麵之間掙扎咗好耐👧🏻最後都係選擇咗炸醬麵😋炸醬麵非常足料，除咗大大碗麵，仲有十分充足嘅炸醬，完美呈現返係🇰🇷見到嘅炸醬麵，即係多炸
今次要介紹嘅係位於黃埔附近嘅韓國小店清溪川😋呢到係韓國人親自打理架，所以味道十分正宗👍而家冇得去旅行，所以👧🏻👧🏻平時都好鍾意去呢尋找家鄉味🇰🇷😍清溪川位置唔算難搵，就係紅磡灣中心屈臣氏對面條行。大家掛住🇰🇷嘅時候，就可以去試下清溪川啲🇰🇷家常菜啦❣️由於鋪頭真係好細同好多客人嘅關係，夜晚想堂食嘅話，基本上都要等位，除非好早去啦🤣
首先👧🏻同大家say sorry先🙇♀️其實今次👧🏻又唔記得影相📸食到一半先醒起，所以啲相影得好核突，請大家唔好嫌棄😳
🔸🔹🔸🔹🔸🔹🔸🔹🔸🔹🔸🔹🔸🔹🔸🔹
1) 泡菜炒飯 HK$48
泡菜炒飯
$48
42 瀏覽
1 讚好
0 留言
係上面會有煎雞蛋同芝麻粒嘅傳統🇰🇷泡菜炒飯😍泡菜大細適中，唔會剪得太碎👍泡菜味道唔會太辣，適合唔食得辣嘅朋友，想食辣啲嘅朋友亦可以自己再加辣椒醬😊炒飯份量非常足夠大胃👧🏻嘅需要，細食嘅朋友仔要注意啦🤣仲有一點非常加分嘅就係，清溪川嘅飯唔會好油膩，同出面啲韓式餐廳比起健康好多☺️
😍賣相：🌕🌕🌕🌕🌑
😋味道：🌕🌕🌕🌕🌑
2) 炸醬麵 HK$48
炸醬麵
$48
67 瀏覽
0 讚好
0 留言
係炸醬麵同冷麵之間掙扎咗好耐👧🏻最後都係選擇咗炸醬麵😋炸醬麵非常足料，除咗大大碗麵，仲有十分充足嘅炸醬，完美呈現返係🇰🇷見到嘅炸醬麵，即係多炸醬多洋蔥同多🇰🇷櫛瓜(👧🏻google咗好耐先搵到애호박個中文)所以呢個炸醬麵雖然甜但非常健康架☺️即使非常多汁，麵條非常煙韌唔會淋👍張相咁醜係因為👧🏻撈完先影，一開始係好靚令人好想食架🤣
😍賣相：🌕🌕🌕🌕🌑
😋味道：🌕🌕🌕🌕🌗
3) 紫菜包飯 HK$30
紫菜包飯
$30
25 瀏覽
1 讚好
0 留言
👧🏻👧🏻成日都會叫紫菜包飯架。清溪川嘅紫菜包飯雖然偏細舊，但係一條都有10舊架，如果食量唔大/唔太餓，女仔黎講都夠食架。紫菜包飯係一早整好然後放係雪櫃，所以會有少少乾身。可能店主知道🇭🇰人唔鍾意食太油膩(?)所以唔會好似🇰🇷咁食到成口都係麻油(不過👧🏻其實係個好鍾意麻油嘅人，有時都幾掛住🇰🇷김천會食到成口都係麻油嘅紫菜包飯🤣)
😍賣相：🌕🌕🌕🌗🌑
😋味道：🌕🌕🌕🌗🌑
提提大家😊
清溪川逢星期一休息，大家想試就記得唔好星期一去啦❗️
🔸🔹🔸🔹🔸🔹🔸🔹🔸🔹🔸🔹🔸🔹🔸🔹
✨整體評分✨（5分滿分！）
🏠環境：🌕🌕🌕🌑🌑
🤵🏻服務：🌕🌕🌕🌕🌑
💲抵食：🌕🌕🌕🌕🌑
💯總分：🌕🌕🌕🌕🌑
➖➖➖➖➖➖➖➖➖➖
🍽 清溪川韓國配菜 (紅磡) 🍽
📍紅磡湖光街1-7號聯成大廈燕安閣地下
🔸🔹🔸🔹🔸🔹🔸🔹🔸🔹🔸🔹🔸🔹🔸🔹
張貼
