影片
更多
2018-11-04
80 瀏覽
收工嚟新蒲崗揾朋友食飯，諗住除咗mikiki 工廠區應該冇啖好食，點行行下見到舊藥房隔離有間好別緻嘅西餐廳。好奇心驅使下就決定去試下～入面唔算好大間，但唔會感覺好迫，配上個開放式廚房相反令人覺得好舒服好悠閒。睇咗餐牌發現原來佢唔止有西餐，連中餐都有得食，有紅油抄手同豆腐飯等，真係估佢唔到。只係今日想食西餐多啲就照嗌住西餐先。本身係明太子控嘅我見到明太子一定要試一試！呢個明太子意粉將啲明太子醬同意粉融合得好好，食落有明太子味之餘又唔會太濃令人接受唔到。啲帶子幾大隻，仲要有4粒！食落口感好好唔會太靱。除咗明太子之外都好鐘意食千層麵，呢個爆多肉醬嘅千層麵唔會太乾，加埋芝士真係口感十足，只係內層嘅麵就比較零碎啦～兩個女人又點可以唔食甜品～嗌咗呢個窩夫，有抹茶雪糕、紅豆、黑糖啫喱。雖然大家都係甜，但各自有唔同嘅味道，唔會互相掩蓋，各有特色，窩夫啱啱上碟仲有少少脆嘅質感，真係夠晒新鮮。呢間餐廳雖然冇啲好出眾嘅菜色令人專登會嚟，但係整體嚟講都好好，裝修食物同服務都好唔錯。如果下次再嚟新蒲崗一定會再諗起呢度～
入面唔算好大間，但唔會感覺好迫，配上個開放式廚房相反令人覺得好舒服好悠閒。
睇咗餐牌發現原來佢唔止有西餐，連中餐都有得食，有紅油抄手同豆腐飯等，真係估佢唔到。只係今日想食西餐多啲就照嗌住西餐先。
本身係明太子控嘅我見到明太子一定要試一試！呢個明太子意粉將啲明太子醬同意粉融合得好好，食落有明太子味之餘又唔會太濃令人接受唔到。啲帶子幾大隻，仲要有4粒！食落口感好好唔會太靱。
想食 · 明太子意粉
$102
4 瀏覽
0 讚好
0 留言
除咗明太子之外都好鐘意食千層麵，呢個爆多肉醬嘅千層麵唔會太乾，加埋芝士真係口感十足，只係內層嘅麵就比較零碎啦～
意大利千層闊麵
$98
3 瀏覽
0 讚好
0 留言
兩個女人又點可以唔食甜品～嗌咗呢個窩夫，有抹茶雪糕、紅豆、黑糖啫喱。雖然大家都係甜，但各自有唔同嘅味道，唔會互相掩蓋，各有特色，窩夫啱啱上碟仲有少少脆嘅質感，真係夠晒新鮮。
紅豆抹茶雪糕窩夫
$58
8 瀏覽
1 讚好
0 留言
呢間餐廳雖然冇啲好出眾嘅菜色令人專登會嚟，但係整體嚟講都好好，裝修食物同服務都好唔錯。如果下次再嚟新蒲崗一定會再諗起呢度～
張貼
