Fiamma By Enrico Bartolini (山頂廣場) (已結業)

自從多番自由行/旅行團來港後，以為山頂嘅店舖會多番生意，結果仍然未如理想，平日晚上7時半左右黎到，見到商店已相繼關門，不少餐廳亦已停止入座🙈🙈。幸好呢間餐廳仍未到last order時間😌，而且環境優美，於是決定入去一試。不過如圖所見，餐廳只有幾枱客人。侍應態度親切，先為我地點飲品及送上餐包。寶雲酥羊架略為過火，感覺似吉列羊架。儘管如此，羊架肉質嫩滑多汁，帶微微羊騷味。鴨肉醬寬條麵賣相不太吸引，食落卻有驚喜。肉醬有濃濃嘅肉香，份量十足，食到臨尾幾乎可以啖啖肉醬𢳂黎食。寬條麵似新鮮自家製嘅，口感柔韌彈牙。最後點了甜品朱古力雪糕 & 柚子gelato作結。朱古力雪糕非常香濃，上面仲灑上朱古力碎。至於gelato嘅柚子果味好重好清新。