Gusto - Taste Italian (已結業)

Happy hour 啤酒配薯條，晚飯嗌咗蜆意粉同安格斯牛扒，飲品求其點咗杯latte。餐廳門面好chill，客就得三四枱，但味道我覺得好一般，啲擺盆係靚，價錢都唔平，幾粒扒都三百幾蚊，意粉都兩百幾蚊，一杯啤酒配薯條都一百蚊。小插曲，隔離枱對情侶埋完單，走過黎話餐廳啲劵佢哋用唔著，就俾咗我哋用，不過呢幕個侍應都望到。望落啲條款無話唔用得，咁我埋單就問佢可唔可以用張劵，侍應話‘你唔係之前食過，唔用得，下次先啦’。咁我哋又唔緊要嘅，埋單又送多張一樣嘅劵，我都好想轉贈俾人話我用唔著啲劵😂。平心而論，呢個價錢，的確有更好嘅質素可以選擇，基本上唔會再食。