灘萬日本料理 (九龍香格里拉) (九龍香格里拉大酒店)

營業中

休息中

一心想食懷石料理！但又想食返以前喺北海道食過既八角魚！呢度話可以幫我地order返黎... 所以就一於試下！由入去未order到食完，每一部每一道菜，職員哥哥都解釋得超詳盡！就連懷石料理既由來都解釋埋！長知識了！俾個讚佢！職員哥哥話俾條八角魚我地睇下，咦？唔同我喺北海道食嗰條既？原來我食過嗰種唔易捉！呢款都係八角魚嗰類... 唔緊要啦！都試下啦！刺身同汁煮兩食，刺身食法特別，包住葱點汁食，汁煮個sauce 好好！但...都係我喺北海道食既真•八角魚好食啲🤣肥美好多講返個懷食料理，我食既時候係十一月，主題係楓葉🍁Overall 好食既！刺身相對無乜特別，不過新鮮既，炸銀鱈魚白子豆腐...無白子味🤣海膽燒和牛壽司好食，黑毛和牛冷石燒好好食👍🏻，松葉蟹肉和黑松露飯幾impressive ! 職員哥哥喺我面前刨個松露，刨啲松露落個飯度，跟住蓋蓋焗一陣先食食，我以前喺意大利同香港都食過幾次就甘刨既松露，無味既, 但今次食好出味，所以就問下點解會甘，經理話因為刨完要焗先出到味，少少時間就得，唔使一分鐘！唔焗就甘生食就無味！原來係甘，又長知識！😂最後，經理知係慶祝生日，重送個蛋糕俾我食😘😘😘服務爆分