潮藝館

大家對潮州菜嘅印象都係停留喺舊式打冷，但而家食潮州菜都可以好型格，甚至擺盤接近fine dining嘅格調！位於iSquare嘅潮藝館，座位唔多但闊落，有酒吧區亦有大枱，無論飯局大細都係唔錯嘅選擇～今晚我地兩個人，散叫咗幾個小菜加炒飯，話梅涼瓜中和咗大部分苦味，作為開胃菜唔錯；碧綠川椒雞賣相吸引，味道惹味但完全唔辣，就算唔食辣嘅都絕對handle到見隔離枱叫咗菠菜蟹肉羹我地又跟隊試下，係逐位上嘅，下面有蠟燭點住湯嘅溫度keep到好熱，蟹肉一梭梭好好食～蔬菜方面我地叫咗個懷舊春菜煲，春菜選料比坊間其他餐廳好，比較嫩冇咁多難𡁻嘅纖維，啲蘿蔔條都好清甜。炒飯係薄殼鵝肝炒飯，而家少有餐廳用薄殼入饌但呢度似乎就係重點食材，超迷你嘅蜆相信處理上都幾晒功夫，味道唔錯，飯粒夠乾身，推介～最後甜品都有驚喜，我地揀嘅燕麥一口薯係用紫薯整嘅，焗到好香脆，配上燕麥碎口感豐富。