湯直送 (已結業)

呢排天天開始轉涼，朋友介紹左呢間燉湯外賣，真係好正！👍🏻佢係可以外賣送到，唔洗落街去拎！不過有小小比較麻煩就要提早廿四小時訂餐，但為左返工有得飲燉湯，都係試左😋😋我叫左燉湯套餐，有一個燉湯+一個細飯，同同事分別叫左三個餐：五指毛桃燉唐排，胡椒豬肚燉湯，南北杏菜干燉豬肺，配洋蔥豬扒飯，蜜糖雞翼飯，涼瓜菜圃煎蛋飯！預定既時候揀左1:00-1:30送到，不過就早左小小，約12:40就已經到左🤪一開始見到個包裝覺得都幾仔細，但見到個細飯咁細⋯⋯⋯心諗飽唔飽嫁～～驚唔飽要搵野食～打開發現原來湯料都唔少，可以做送食埋～同埋佢既湯本身無咩落鹽，會俾一包仔鹽你自己選擇落唔落～👍🏻五指毛桃個湯足料好飲，清清地，感覺無味精，唔落鹽始終淡d，所以我都有落鹽～😂胡椒豬肚味濃d，唔洗落鹽都夠味，有豬肚同唐排食～菜干豬肺湯都係清清地，真係有豬肺係入面三個飯入面呢，洋蔥豬扒飯感覺最送飯～因爲有汁，蜜糖雞翼飯得兩隻雞翼，涼瓜菜圃蛋都係兩片蛋角，不過好彩湯料可以當送食，食完唔會好飽，但都唔會餓，都幾好～👍🏻不過重會想飲多d湯～😂唔夠候😜總括黎講，成餐都好正，又方便！係個App到落單就得！今日落定聽日食～題外話個App重