一風堂 (新港中心) (已結業)

聽朋友講一風堂拉麵最正，但要排好耐隊，等幾十個號碼，聽到就怕怕。今晚係附近睇完戲已經九點九，就去睇下多唔多人，店員話今日既籌已經派完，但可以十點三回來看看有無 quota。最後好彩地可以入去試下。餃子：餃子望落好乾身，食落無咩驚喜，餡肉唔夠鮮甜和多汁。赤丸新味：湯底有點辣；拉麵比較幼身，但有咬口和香滑；叉燒選左瘦叉但都幾肥，而且超薄片又很唸身，沒有肉質既口感。博多醬油拉麵：湯底十分香甜，好好飲；拉麵選左粗麵，更有咬口，但覺得幼麵麵香濃些；叉燒太薄片，感受唔到肉香味；唐心蛋唔太生，蛋黃 “黏黏地”，但唔夠唐心。如果只講湯底和拉麵，真係超正。希望叉燒可以厚身番更好了！此外，拉麵份量好少，食完好唔覺飽 ……店員好忙碌，但仍很有禮貌，做左成日還可以精神奕奕甘招待客人，很好呵！