桂花小幸 (將軍澳廣場)

營業中

休息中

見到Openrice好多好評，而且每次經過都見到好多人，所以就諗住黎試下。紅燒三寶牛肉定食(筋腩肚)首先定食好抵食，有上湯時菜同原盅燉湯。時菜新鮮而且清清地好健康，原盅燉湯好大碗得黎係好有誠意，唔似街邊d例湯咁，除左有肉，仲有齊紅棗、蟲草花同黑木耳等材料。識食一定係食三寶，牛筋、牛腩、同牛肚，分量都幾多幾抵食。牛腩炆到好軟熟。牛筋牛肚好爽口。古法黑草羊腩定食同三寶牛肉定食一樣，都係分量好足。味道方面，羊腩肉質鮮嫩，而且唔騷。百香多多梳打&炭燒烏龍珍珠鮮奶跟餐加少少錢就有特飲喇，味道同出面d手搖店不相伯仲，推介。