更多
2020-08-24
1697 瀏覽
呢間💛店原來都開左業一年，以前成日由旺角行去大角咀經過都好想試下，而最近因為要懲罰黃店就終於有機會啦🙈.星期六下晝1點半撞正用餐高峰時間，未行到店門已經見到條人龍都幾長👩🏻🤝👨🏼👭 雖然排隊位置有瓦遮頭，但幫襯當日又熱又曬☀️兼無帶遮，企係門口等左半個鐘真係汗流浹背💦 ⚠️溫馨提示，cafe附近一帶比較曬，最好帶定把遮出門☂️.Cafe只能容納10組客人左右地方唔算好大，但起碼唔會坐到好迫，而且入面有洗手間🚻 值得讚揚👍🏻既係食物上桌速度好快，落單後只係等左十零分鐘就到齊😳******************************✨原條鰻魚蛋包飯🍛 ($158)事前有睇過相已經好期待，食物上桌個刻真係會心心眼😍，大大條鰻魚🐟底下係好大份滑蛋🥚，兩邊鋪左好多木魚碎，成碟份量大到令人覺得澎湃😱第二樣想讚下呢到既滑蛋🥚，口感細滑軟綿，最重要係好有蛋味‼️其實我唔係一個特別鍾意食蛋既人，如果大家有留意開我既食評可能會發現我成日會評論d蛋有冇蛋味，因為個人認為簡單既食材應該要有該有既味道，呢度既滑蛋暫時係我咁多篇食評入面最有蛋味既，所以食緊個刻我真係好滾動😭😭 目測起碼用左4隻蛋，份量多到係名符其
呢間💛店原來都開左業一年，以前成日由旺角行去大角咀經過都好想試下，而最近因為要懲罰黃店就終於有機會啦🙈
.
星期六下晝1點半撞正用餐高峰時間，未行到店門已經見到條人龍都幾長👩🏻🤝👨🏼👭 雖然排隊位置有瓦遮頭，但幫襯當日又熱又曬☀️兼無帶遮，企係門口等左半個鐘真係汗流浹背💦
⚠️溫馨提示，cafe附近一帶比較曬，最好帶定把遮出門☂️
.
Cafe只能容納10組客人左右地方唔算好大，但起碼唔會坐到好迫，而且入面有洗手間🚻
值得讚揚👍🏻既係食物上桌速度好快，落單後只係等左十零分鐘就到齊😳
******************************
✨原條鰻魚蛋包飯🍛 ($158)
事前有睇過相已經好期待，食物上桌個刻真係會心心眼😍，大大條鰻魚🐟底下係好大份滑蛋🥚，兩邊鋪左好多木魚碎，成碟份量大到令人覺得澎湃😱
第二樣想讚下呢到既滑蛋🥚，口感細滑軟綿，最重要係好有蛋味‼️其實我唔係一個特別鍾意食蛋既人，如果大家有留意開我既食評可能會發現我成日會評論d蛋有冇蛋味，因為個人認為簡單既食材應該要有該有既味道，呢度既滑蛋暫時係我咁多篇食評入面最有蛋味既，所以食緊個刻我真係好滾動😭😭 目測起碼用左4隻蛋，份量多到係名符其實既蛋包飯，非常足料👍🏻
至於鰻魚🐟就預左一定係急凍店買到既鰻魚，不過急凍野都有好劣之分，呢度選用既鰻魚唔腥唔肥膩，食落有口感而唔似食緊膠咁 (p.s. 本人有食過口感似膠既鰻魚，咬極都咬唔開😂)，連埋滑蛋一齊食簡直無得輸😋
美中不足既係木魚碎比較濃味偏咸左d；白飯🍚帶有麻油味有少少似食炊飯咁但口感偏硬唔夠軟熟，如果可以選用日本珍珠米絕對會更上一層樓😆
-
✨經典芝士洋蔥牛肉漢堡配炸粗薯條🍔🍟 ($108)
(⚠️註：呢款漢堡係8月份lunch set入面既食物，營業日只供應到5點⏰）
薯條🍟只灑上現磨胡椒粒調味，唔會過咸；由於新鮮炸起非常酥脆，咬落去會發出吱吱聲👄 但就乾左d
漢堡包🍔配料有芝士🧀、漢堡扒、洋蔥🧅、生菜🥬同蕃茄🍅；包體外脆內軟都幾好食，芝士經灸燒過食落去好香，不過就冇乜芝士味；洋蔥係生洋蔥唔太接受到所以挑左出黎無食；牛肉漢堡比較令人失望，雖然有5-6成熟但肉質較生未有煎出牛肉既油脂，食落無牛肉味，反而似食吞拿魚蓉😓
-
✨特濃宇治抹茶白朱古力奶🍵 (跟餐半價$24)
呢度既樽仔抹茶奶受歡迎程度不遜於特濃朱古力，幾乎每檯都會見到其中一款既出現🙈
特濃奶選用明治4.3鮮奶🥛，口感非常濃稠，配上日本宇治抹茶粉並且不加冰塊🧊以樽仔+玻璃小杯套裝上桌，味道夠晒原汁原味，比起平時飲開既抹茶latte佢既味道真係香濃得多，飲落仲好有日本味道，喜愛抹茶既朋友絕不能錯過🙌🏻
-
✨二世祖特濃朱古力🍫 ($48)
特濃朱古力以朱古力醬+ 明治4.3鮮奶🥛沖製，有熱有凍可以揀，凍既同樣會以樽仔+玻璃小杯套裝上桌
味道似細個飲開既維記玻璃樽朱古力奶，不過就係濃稠版；初時覺得唔錯，但由於味道真係太濃，飲到尾會覺得太甜同喉涸，要飲返幾杯水解渴至得😂
******************************👧🏻人均消費：$170
😋味道指數：4/5
💰抵食指數：3.5/5
🪑環境指數：3/5
💁🏻♀️服務指數：3/5
👍🏻再訪指數：3.5/5
-
📍二世祖 Easy Joe
地址：大角咀福全街18號地舖
⏰營業時間：🅞🅕🅕 (Mon)；
12:00–15:30；18:00–22:00 (Tue–Thu & Sun)；
12:00–15:30；18:00–22:30 (Fri & Sat)
張貼
