更多
2021-07-16
43 瀏覽
前幾日去開佐敦果頭做野 做完野餓餓地見到盛記個優選套餐幾吸引就入左去醫肚仔喇!個優選套餐真係幾抵食 而且選擇仲好多添呀! 主食可以揀任何一款正價既粥、麵、飯或者腸粉不得不讚佢既環境真係好乾淨企理 食得好安心《招牌薏米水》佢地既薏米水飲落好清甜 裡面有一粒粒薏米好足料 薏米好彈牙 必飲!《鮮蝦水餃》佢地既鮮蝦水餃好飽滿 皮薄餡靚 裡面既蝦好新鮮 食落好彈牙好有咬口!另外個湯頭亦唔錯 濃淡得宜 同埋食唔到有落到味精 《腩汁蘿蔔》佢地既白蘿蔔真係好鮮甜多汁 食落仲要冇渣 超級好食 食到見到碟底!簡單而又美味既一餐 埋單都只係$66 真係抵到爛! 下次黎開呢頭做野要再食食!
張貼