影片
更多
2021-06-22
1362 瀏覽
今日同老公同朋友一齊去左星小館食飯事因有朋友話幾好食，所以朋友聚會食飯就一齊去試下新野。Book左5位8點 ，剛發現茶位收左6位 🙄反白眼好啦入座即叫左野食 侍應話不如食左冷盤先（即象拔蚌刺身），其他後上，咁我地就話好啦 。點個個剌身切左40分鐘都未切好，我地開始催，咁佢地先上其他野先。 首先想表達對佢地嘅安排十分失望 ！ 如果明知自己整個刺身都咁耐嘅時候不如唔好主動咁提啦！ 首先上嘅係酸菜桂花魚 $388肉質嫩滑，酸菜味就略嫌唔夠，食到都幾重嘅胡椒味。 我個人覺得好普通，不過身邊朋友讚不絕口 ， 所以都俾佢4粒星啦。 但好大個魚頭，其實魚肉份量好少，呢個都係不足之處。風味脆魷魚鬚 $68調味唔錯，炸出黎唔會油膩，入面魷魚又彈口，都頗推薦。等左一個鐘嘅加拿大A蚌刺身 $1888我地5個人叫左好大條象拔蚌一齊食，唔知係咪切太耐，覺得佢係唔夠凍，但都幾新鮮。芥末脆皮德國原隻豬手 $148皮係脆嘅，肉質偏鞋身，調味咸咸地，正正常常，不過不失。鮮魚湯雲勝手打魚腐 $118我覺得個湯同勝瓜都好正常，味道出係魚腐到！ 好大問題！ 一咬落去似梅左嘅魚蛋，超難食！仲要寫到明手打魚腐，建議去買返超級市場
事因有朋友話幾好食，所以朋友聚會食飯就一齊去試下新野。
Book左5位8點 ，剛發現茶位收左6位 🙄反白眼
好啦入座即叫左野食 侍應話不如食左冷盤先（即象拔蚌刺身），其他後上，咁我地就話好啦 。點個個剌身切左40分鐘都未切好，我地開始催，咁佢地先上其他野先。
首先想表達對佢地嘅安排十分失望 ！ 如果明知自己整個刺身都咁耐嘅時候不如唔好主動咁提啦！
首先上嘅係酸菜桂花魚 $388
酸菜桂花魚
$388
34 瀏覽
0 讚好
0 留言
肉質嫩滑，酸菜味就略嫌唔夠，食到都幾重嘅胡椒味。 我個人覺得好普通，不過身邊朋友讚不絕口 ， 所以都俾佢4粒星啦。 但好大個魚頭，其實魚肉份量好少，呢個都係不足之處。
風味脆魷魚鬚 $68
風味脆魷魚鬚
$68
32 瀏覽
0 讚好
0 留言
調味唔錯，炸出黎唔會油膩，入面魷魚又彈口，都頗推薦。
等左一個鐘嘅加拿大A蚌刺身 $1888
加拿大A蚌
$1888
31 瀏覽
0 讚好
0 留言
我地5個人叫左好大條象拔蚌一齊食，唔知係咪切太耐，覺得佢係唔夠凍，但都幾新鮮。
芥末脆皮德國原隻豬手 $148
芥末脆皮原隻德國豬手
$148
26 瀏覽
0 讚好
0 留言
皮係脆嘅，肉質偏鞋身，調味咸咸地，正正常常，不過不失。
鮮魚湯雲勝手打魚腐 $118
鮮魚湯雲勝手打魚腐
$118
28 瀏覽
0 讚好
0 留言
我覺得個湯同勝瓜都好正常，味道出係魚腐到！ 好大問題！ 一咬落去似梅左嘅魚蛋，超難食！仲要寫到明手打魚腐，建議去買返超級市場d魚腐頂當算，會好食好多！ 勝瓜份量極少，五個人食平均一人分到2-3粒勝瓜。 呢個價錢，呢個質素，極不推薦。
正宗海南文昌雞 半隻 $138
正煮原味海南文昌雞半隻
$138
26 瀏覽
0 讚好
0 留言
皮脆 ，肉都滑，但係好奇乜海南雞唔係點三色醬咩 ，咩醬都是但啦， 都幾好
杏汁燉白肺 $268
杏汁燉白肺
$268
22 瀏覽
0 讚好
0 留言
分到大概6-7碗湯， 中意佢杏仁味唔濃🤣 個湯都幾好味 ，個人幾中意大利
銀芽豉油王炒麵 $118
銀芽豉油王炒麵
$118
21 瀏覽
0 讚好
0 留言
偏油，但調味都幾好嘅，可以食，但唔太推薦。減肥見到佢就怕怕。
最後送左個綠豆沙俾我地
送甜品臭草綠豆沙
26 瀏覽
0 讚好
0 留言
好難食 ， 甜到爆 太甜 唔中意。
總結：
服務質素麻麻，有個大叔侍應成日唔帶口罩，令人反感。
上菜速度慢到人都癲，肚餓會發脾氣人仕要小心，跟單跟到一舊舊，咩上左咩未上亂糟糟，！
收多左一個人茶芥，唔係錢嘅味題，令人覺得不爽
食物質素overall黎講都ok ge, 但上菜速度同服務同埋個唔帶口罩大粒野侍應扣左好多分 由變左評分得ok
張貼
