S2 Kitchen (已搬遷) 新店位置

之前係中環返工既時候已經好想黎試呢間日本野，但奈何每次經過都full house，今日難得有位就黎試下。見到個海膽杯果下已經哇左一聲，d海膽多到滿瀉咁制，每食一口都要小心翼翼怕佢跌出黎。海膽杯材料非常豐富，有大量既海膽之餘，仲有黑魚子、海葡萄、吞拿魚白蝦同蟹肉。由於每一層既配搭都唔同，所以食落每一啖都有唔同既驚喜，而且每樣食材都非常新鮮，食完真係有種幸福既感覺。碳燒蠔呢個真係不得了，蠔味好鮮好突出，食完係意猶未盡！必推！刺身拼盤帆立貝好鮮甜，放係檸檬上面增添左d清新既味道；牡丹蝦 好大隻，而且肉質鮮嫩。鵪鶉蛋串炸即炸熱辣辣，外層炸好好酥脆，又唔厚粉，正！芝士魚餅魚餅爽口彈牙，咬落啲芝士係爆出黎，好正！滑蛋豬排飯首先份量係好大份，2個人都係勉強食得完。d蛋非常滑，好食到淨係用d蛋送飯都夠。 豬扒幫你切好曬，非常貼心。