今日想食牛扒，經過將軍澳金鳳就入去食。叫左個安格斯肉眼餐，姐姐問我碟上定鐵板上，我選左碟上七成熟。過左一陣來了個白湯，湯夠熱味到正正常常。在我差吾多飲完湯時，牛扒來到了。望一望，來左一塊薄薄既牛肉，同大xx夜晚扒餐D牛扒咁薄。吾理啦照食，因我通常外岀食野都吾會換，費事比人加料。食落更加吾對路，塊牛肉系凍架，少少暖都冇。應該系一早煎定放響道，甚至系蒸熟，因為都冇咩金黃色。從食落質感同外觀完全吾覺系一塊肉眼扒。食左一半左右，都系吾食了，埋單走人。比左錢之後同個部長反應，個部長好晦氣同我講話佢地肉眼扒系即煎既，一定吾會凍。跟住我話我錢都比左啦，屈你有咩用。佢先冇出聲。扒就肯定系整定，用鐵板上就吾覺有問題，偏偏我今日用碟上，個厨又on居，咁都吾翻煎一下。

呢日幫bestie 慶祝生日，就揾左呢個有海景既餐廳食tea. 日式花園下午茶(二人下午茶套餐) $588   巴馬火腿芝士卷, 忌廉芝士鰻魚卷 時令海膽, 拖羅, 油甘魚, 甜蝦 火炙粟米沙律 磯之雪雜錦魚生卷 吞拿魚蓉蟹肉最中餅   吞拿魚蓉蟹肉最中餅好好食，餅底偏淋。 日式刺身好鮮甜，一啖食落口好滑好新鮮。2款芝士卷的芝士漏出黎咁，芝士味好濃 粟米表面燒得香脆，好有脆香味，粟米本身都好甜。吞拿魚蓉配上小撻仔，味道好夾。   咸點: 三文魚, 日式炸蟹鉗, 鱈魚乾 三文魚刺身好肥美。炸蟹鉗都外表脆脆，同埋有鮮蟹魚味，肉質爽口。哩個鱈魚乾有心思地有焗過，當小食咁食，配上日式沙律醬，好好味。   甜品: 日本蛋捲, 芝士蛋糕, 時令水果櫻花水信玄餅, 日本和菓子 櫻花水信玄餅好靚，透明啫喱中，糖醬有啲似龜令膏味，幾粒不同款式既唔同口味日本和菓子不會太甜，煙煙韌韌好好食。 蛋捲都好鬆軟，芝士蛋糕份量挺多，好香芝士味，兩款都不會太甜剛剛好。今日時令水果係，新鮮香甜哈密瓜,士多啤梨同香印提子。   果茶 (2人享用): 我地揀左雲呢拿蘋果果粒茶，一壼2人享用都好足夠，如果唔夠甜可以落少少蜜糖。   Conclusion: 環境同服務都好好，最重要係打卡位好多，又有靚景睇。只係個hightea set都有排打卡，teaset 呢講又靚又好食，好難得。  

環境黎講唔錯 但野食一般 唔知係咪壞冷氣 有部吹氣機棟係到 成程熱住食 成家食完夜晚到第二朝都仲肚痛 海鮮唔掂 啲生蠔底啲冰融晒浸住 啲蟹腳鹹到要啷口 野食refill勁慢 有啲要同staff講先會拎出黎 我話熱啲侍應都好nice即刻問要唔要冰 但啲冰唔夠10分鐘啲冰就融哂 全程侍應都好好 冷氣唔夠凍佢地都冇辦法 但野食真係搞唔掂 唔會再黎 諗住成家開開心心食 食唔夠一個鐘就投降 轉去食其他餐廳 食前都有上網睇過 呢間野本身唔掂 但見佢話轉左成個班底咪試下 呢間野不可一不可再 真係衰到平時唔寫食評既我 都特登寫一大篤野

芋圓甜品中真的只喜歡自家製的，坦白講真的第一口就想嘗得出是不是手工製作，鍾意食芋圓芋泥的不要錯過這間位於九龍城的小店，這間店主要都是做區內客外賣，所以食物質素真的不錯，真材實料

最欣賞佢的「手工麻糬」
芋泥麻糬鮮牛奶有超煙靭的手工麻糬，其他飲品都可以加$6添加麻糬，真的是神仙美味，軟糯又唔會太甜！

另外芋圓都係手工製作
雖然我哋放咗一段時間
但係依然保持煙韌
芋頭味都幾突出
非常足料呀

另外仲買咗一份芋泥肉鬆吐司做早餐，我用空氣炸鍋加熱返一樣咁好食，最好都係即買即吃
肉鬆超級澎湃加上芋泥好滿足

我們吃了：

招牌仙草系列（黑糖汁底）
號（三色芋圓，仙草，椰果，芋泥球）$45

芋泥麻糬鮮牛奶$38

芋泥肉鬆吐司$42


—————————————————

手作鮮芋站 (九龍城)
九龍城賈柄達道113號地下17號舖

—————————————————

旅行回來的晚餐，今夜有驚喜，先說店子開得稍為隱世，再說原來是家人喜歡的泰菜，必須嘗試。 去到餐廳全場爆滿，應該是新開業又正宗吧！晚餐時間等了15分鐘左右就能入座了。 泰國人煮理，怪不得那麼多客，氣氛相當熱鬧。 發現有兩吉枱也是有預約的，下次吃就可以預先約。 泰北辣肉碎生菜包 炒得微辣的肉碎，一上枱就香噴噴。生菜新鮮，如嫌不夠，可以加錢再要。豬肉帶少少肥，無肉羶，伴上香葉洋蔥蒜片香蔥齊炒，辛辣酸香刺激，亦比平日吃到的更有口感，壓根停不了口。 泰式烤牛肉 擺盤好看，肉塊🥩烤得香，肉嫩不失嚼勁，牛味濃縮，配上酸辣汁，酸香極醒胃，食慾大增，今餐大飽口福。 想吃青咖喱豬但沒有豬🥲 泰式咖喱軟殼蟹農夫包 於是點了另一樣最喜歡的，咖喱地道，香濃芬芳，軟殼蟹炸得脆配有彩椒蕃茄洋蔥，挺惹味。 農夫包熱騰騰，一定要嗌，大麵包酥軟松脆，沾上咖喱汁吃一流，香辣入味，口味重，二人分享很足。 香蕉煎餅 樣子不俗，香蕉新鮮，煎餅軟熟，加入花生碎和煉奶，甜美作結。 食物價性比高，不設加一。

突然好想食越南嘢，然後上網睇吓附近有咩越南嘢食 。見到好多人介紹呢一間諗住OK啦，首先去到嘅時候店員都幾冇禮貌下。講嘢冇尾音都算，其實都幾粗魯，你當係去咗大排檔咁就會冇乜嘢 。 諗住一心嚟食好嘢就唔緊要啦，點知叫咗幾款唔同嘅嘢食，首先係湯河，個湯河係完全冇乜味嘅湯。非常之失望。然後再試埋撈檬，今次叫咗豬頸肉，同埋香茅豬扒，兩個肉都係鹹到懷疑人生，另外撈檬嘅汁都係超鹹，真係第一次成個撈檬係食唔晒 。 至於法包叫做咁多個之中算係叫做最好，唯一好嘅原因就係佢係冇乜特別唔會話唔好食，但係當然都唔係特別好食。 總括嚟講，今次真係叫做非常之失望 。

環境正，味道好，坐室外2樓望海好有feel。三五知己飲兩杯食件扒一流。牛扒烹調一流又Juicy；薯條熱辣辣香噴噴；pizza脆邊足料無得頂。略嫌室外會有油煙倒噴。

好chill 嘅西式餐廳, 放假中午最好就係搵一間依類型餐廳, 慢慢食個好味午餐!午餐有湯🥣或沙律🥗
要左湯, 是日雜菜湯, 茄味好足, 鐘意蕃茄嘅我係好鐘意🧏🏻‍♀️餐包一個竹炭包, 一個應該係grain wheat 造嘅包, 牛油係emborg salted butter🥖🧈『坑烤紐西蘭一級肉眼牛扒(200克)配蔬菜及法式薯條或扁意粉』HK$168
牛扒要左medium well, 表面有炭烤味, 中間粉嫩, 牛扒上面放左啲牛油、蒜蓉、香草blend 一齊嘅醬, 另有gravy 可以點🍽️扁意粉用蒜蓉蒜油炒過, 好味! 配一個薯仔沙律, 薯仔唔會搓得太爛, 有薯仔粒, 再加洋蔥粒, 口感口味都好有層次!『澳洲特級牛肉竹炭漢堡包(芝士，燒蕃茄,烤大啡菇)配法式薯條』HK$148
件漢堡扒可能係我哋香港食過最好味嘅漢堡扒, 一☝🏻漢堡扒夠厚, 有口感好多!! 二✌🏻佢肉汁超級多, 一切開已經係咁流出嚟, 三👌🏻佢煎得夠熟, 牛煎過先夠香, 但因為多肉汁, 完全冇硬!! 包有烘過, 配大啡菇、沙律菜，好食🍔薯條係幼薯條, 好夠脆, 另外再有沙律菜, 上面有意大利黑醋🍴午餐跟嘢飲一杯, 茶咖啡個啲, 見餐牌仲有smoothie 揀🍹要左凍檸茶, 係偏西式 iced tea, 不過又好似港式檸茶, 俾足幾塊檸檬一杯👍🏼小總結, 間餐廳坐得舒服, 枱距夠, 見佢夜晚仲有live band, 食物味道唔錯, 感覺間餐廳想sell 質素!

°°°°°°°°°°°°°°°°°°°°°°°°°°°°°°
LUMOS Restaurant and Bar
📍 屯門井財街7號力生大廈地下13-14號舖

好耐冇食金華，今日剛好喺附近所以諗住去食個菠蘿油，始終香港好食嘅菠蘿油唔多，金華喺我心中都算係較高分嘅一間。


菠蘿油價錢唔算貴，$13一個，出來都暖暖地，應該剛出爐冇耐。皮照舊，係好食嘅，可惜嘅係舊牛油就比以前細咗好多好多，只占舊包嘅中間嘅一小部分。食到牛油嘅部分，味道喺好味嘅，但係兩三啖就冇曬。


而家生意難做，明白餐廳都要諗辦法節省成本，但係質量保唔到，令客人有不良嘅感覺嘅話，長久唔會好，更何況金華都算人流多，生意應該唔算太差？希望餐廳未來會改善啦。

1. 櫻花蝦味增拉麵 $88
拉麵入面有2片叉燒，叉燒好大片好腍有焦香味；䐁角煮好厚切，肥瘦均勻，有油香好入味；拉麵冇鹼水味，麵質地好彈牙；湯底方面好香濃味增味同蝦味，鹹度啱啱好。雞蛋有
一隻，而且好唐心。
🌟 評分: 8/10

2. 醬燒牛肉丼 $93
表面鋪滿牛肉同埋大量葱花，牛肉醃左醬油去燒，燒到表面少少焦香，食落甜甜鹹鹹好入味，啲米飯好軟熟，非常之惹味既丼飯。
🌟 評分: 8/10

3. 冷豆腐 $32
豆腐表面有好多京蔥絲，豆腐浸住係啲濃郁既鰹魚高湯到，豆腐炸到好香脆入面好嫩滑，豆腐吸滿滿高湯既清華。
🌟 評分: 8/10

4. 和風餃子 $38
大約有6隻，餃子皮好薄，入面係好飽滿肉餡，外皮煎到金黃色好香脆，配上和風汁好好味，唔需要沾醋已經好好食。
🌟 評分: 8/10

🎖️整體評分🎖️
❤️ 味道: 8/10
🧡 環境: 8/10
💛 服務: 8/10
💙 性價比: 8/10

📍幸屋 (灣仔)
灣仔機利臣街5-9A號維昌大廈地舖

好耐沒有在香港食過日式放題🤭 因為爸爸生日 就隨意在荃灣找到了這間放題 5點多去到 想不到都已經有客人了 刺身壽司炸物那些 都要用QR code下單 其他小食冷盤飲品甜品就可以在外面自取 但沒想到剌身壽司等的選擇並不是很多 雖然款式不多 但食材質素還算是高質 冷盤的魚皮真的很爽脆 很好食🤤 要落單的刺身都算唔錯👍🏻唔係薄切 當然佢同平時岀面D放題都差不多 從來都同落單嘅數目係唔同嘅😂 $200+食嘅放題 都算係唔差～ 都算係荃灣值得一食的放題😜 其實都冇咩選擇 哈哈

EAST Hotel 2017年後首次推出精緻的下午茶體驗，特選香港本地製造Conspiracy Chocolate。在EAST Hotel充滿自然光、設有落地窗的時尚環境中享用下午茶，非常適合與家人或朋友一起聚會。 CONSPIRACY CHOCOLATE AFTERNOON TEA @ FEAST 鹹點精選
煙三文魚大蒜芝士蛋批：豐富的三文魚on top
忌廉芝士青瓜麥包三文治：清新的青瓜與忌廉芝士。龍蝦奶油軟包：鮮美的龍蝦搭配奶油醬。甜點推介
水蜜桃雲尼拿意式奶凍紅桑子芝士餅撻。
威士忌朱古力撻與朱古力烏龍茶馬卡龍：豐富的巧克力與微妙的烏龍茶完美結合。
迷你可麗露醉酒櫻桃：法式甜品選擇仲有特色小食包括西班牙小油條海鹽焦糖醬，搭配海鹽焦糖醬蘸食，好少見下午茶有得食！英式鬆餅搭配自製士多啤梨果醬和忌廉，還有無限量供應的茶或咖啡，令你享受一個真正放鬆的下午。精緻的Conspiracy Chocolate:週末下午3:30至5:30提供，價格為$498，可選擇加購甜品酒一杯$68或香檳$88。

以前這里的雞孔，熱腾腾冒烟，闪亮光澤，新鲜嫩滑，而且冇芋頭，非常好吃，今天23/4早茶，發现早点優惠纸，特價点心纸，甚至散叫单点纸也找不到，叫侍应帮手也找不到！ p.s.特價紙的点心比10个赞，小弟佩服，真的很难諗到，因为10几样睇完都5想叫，真系絞尽脑汁。 另外，這里的收银已埋单几次，没听過一次多谢，拍得住澳牛西口西面！

明星產品首推麻糬QQ球，多款口味選擇，仲有麵包、麻糬曲奇🍪件裝蛋糕、3D造型蛋糕等甜品🥖放工時間經過都唔少人排隊㗎 🔖［ 麻糬QQ球 ］ 麻糬QQ球係最受歡迎嘅產品，裡面有軟糯麻糬帶嚟雙重口感，麻糬控一定大愛 開心果QQ球上面灑上開心果粒粒，好睇又好食🍫朱古力味味道香濃，甜度適中，而紫菜肉鬆味道鹹鹹甜甜，十分惹味 🔖［ 曲奇禮盒 ］ 曲奇禮盒🎁外型靚仔，可以自選9款手工製作嘅新鮮出焗曲奇🍪包括咖啡、焙茶、紅桑子、朱古力、芝士等🍪 每款都各有特色 最重要係新鮮出爐，口感特別鬆脆，送禮自用都好適合 🔖［ 焦糖布甸麻糬朱古力蛋糕 ］ 集合多款口感於一身，有香滑布甸、柔軟麻糬同鬆軟海綿蛋糕，綿滑中又帶點嚼勁 焦糖醬帶有香濃焦糖香，同布甸果然係perfect match🍮 🔖［ 纏綿拉絲芝士菠蘿包 ］ 菠蘿包入面有粒粒芝士同拉絲芝士🧀食到2種不同口感，芝士餡超多😍好有驚喜，加上薄脆外皮同軟綿麵包，絕對係升級版嘅菠蘿包，大推🫶🏼 🔖［ 開心果/ 榛子脆脆糯米糍 ］ 糯米糍外皮薄身有彈性，內裡分別係滿滿嘅果心果粒粒同榛子脆脆，榛子味有啲似金莎，甜而不膩而且好香口 🔖［ 抹茶紅豆麻薯波波 ］ 外層係抹茶味嘅麵包，質地鬆軟，中間有紅豆蓉🫘及麻糬，口感煙韌而且甜度剛好， 味道清香，配上軟綿麻糬好加分 🔖［ 麻糬曲奇 ］ 將曲奇同麻糬放埋一齊，而且一盒有4款口味，好難抗拒呀😍 曲奇唔係行香脆路線，口感鬆軟，輕輕摵開有強大嘅拉絲效果，焙茶同抹茶同樣茶味香濃，好味 🔖［ 港式絲襪奶茶］ 奶茶茶味同奶味均衡，口感絲滑，飲到奶茶濃濃嘅茶香☕️

廚工新移民 廚房環境惡劣 地上永遠水漬及油垢 所以材料都不會有期限日子，可能過期照用 食物原材料全部係調味包調味粉 食物會喺地上處理，跌落地會放上盤子直接給客人食 而煮過嘅食物放好耐嘅食物會用清水沖洗之後重用