影片
以上資料只供參考, 請與餐廳確認詳情
招牌菜
去到舖頭篤嗰部機叫餐，叫咗一個蘑菇安格斯套餐加大，唔駛五分鐘就有得攞，點知攞完返到屋企一開完全係凍嘅薯條又凍麵包又凍，上次試過又係買呢個餐，好多油好似炸到個包都係油，我以後冇再第二次幫襯佢
繼續閱讀
通常夜晚10-12點左右幫襯 , 唔知M記仔定M記妹成日都執錯野 , 可能 恰眼訓 一係就 無帶個腦 返工不過外賣拎到返屋企發現唔對路 , 打落去同佢講執錯執漏 , 都肯再親自送上黎既...............另外薯條同包果D經常都 唔夠熱...偏凍咁...............明明都唔係多人買....係我前邊都係一兩個客咁 , 等餐拎餐都等到我HIHI.... 唔知係個人黑仔定點,次次order既都沽清,要等佢整新既..............諒在佢係平時 m記三個價錢中既係比較平價既就都算係咁啦
繼續閱讀
十月十一日 中午十一點四十五至五十五分甘岩同中學生一齊Lunch 我就買左一個餐 其實都等好耐 預左 但出左餐 三樣野都錯 係叫中個號碼 我同佢講 啲野唔係我 深灰色衫類似鋪經理 就話唔係你就出聲呀嗎 麻L煩 我即時呆左 之後同佢理論左兩句 話我唔體諒佢 心諗 煩忙時間就可以完全無EQ 仲要顧客既我去就你 買個三四十蚊既餐 又比你黑面 又比你用粗口問候母親 話投訴你 仲大聲話無所謂 話唔想撈好耐 講真 自己唔想做 就唔好做 用一種唔想做既態度去做事 影衰香港人 作位鋪經理 真係太差！ 好想透過呢個網頁 比M記既區經睇到 佢下面既人 既鋪 服務態度係幾差 不知所謂既店鋪經理 我寜願貴啲食頽飯
繼續閱讀
成日都買麥麥送，每次都由呢間Ｍ記負責，有送漏野，但10次裡邊有3次咁上下啦。最近出左shake shake薯條，好吸引，今日都買左黎食。叫麥麥送果時對方有問清楚要咩粉，我亦都好清楚講明要蜜糖BBQ粉，單都有打。但係送到黎竟然係辣粉，我係完全唔食得辣，而且係為左個shake shake薯條先想叫麥麥送，所以就算係一包粉，我都要求佢再次送黎。其實張單打得清清楚楚，佢亦都唔係無晒蜜糖BBQ粉，點解一開始唔送清楚？我唔知係唔係店多人，唔夠人手所以手忙腳亂。我淨係知道佢送左一包我唔食得嘅粉比我。講真，如果係其他味道，例如之前出過嘅紫菜等味道，我食得嘅我都唔會要佢為左一包粉而再送黎，但係佢竟然送包辣粉。麥麥送到左無可能每樣野拎出黎檢查清楚先比個外賣員工走架嘛。／／另外，之前有一次等外賣等左兩個鐘（7點到9點），打去催又話係屋苑附近，附近左半個鐘。送到d野黎又漏野。叫走醬又唔走醬，整錯晒，定係佢係我樓下食左個包先上黎？淨係薯條就飽下話？遲兩個半鐘d野都凍晒，熱飲都係。打左電話話漏左個包，然而最後11點先送到。真係辛苦晒整野食整左咁耐都整錯整漏。我由細食m記食到肥嘅，一次外賣足以出事。我信打電話果個有講到我嘅情況，就係唔知間m記做緊咩。我大數都係星期六晚叫外賣，唔知果次咩事特別多人要等兩個鐘。做生意錢固然重要啦，我比錢買野食等兩粒鐘肚餓就唔重要啦。之前件事有同M記講返，佢嘅回應係＂送麥當勞貴賓券一張 ＂，然後最後都係無嘅。
繼續閱讀
大前晚大約十點零到買個魚柳包餐外買，返到去個包熱，薯條凍冰冰，硬碰碰，已經無食到薯條，好氣！今晚又行落去買兩個包外買，點知返到來，老豆咬左一啖話個麥香雞包凍嘅，跟住擲左，凍冰冰食壞人，好彩魚柳包無事，我原本想拎個包落去換，老豆話費時行來行去，一次又係咁，兩次又係咁，雖然夜晚啫，賣唔哂都唔應該拎出來再賣，賺錢都唔係咁，食壞人點算.....啲員工經常吹水，又拾錯野，態度又差，以前都唔會咁，間野越來越差......下次再係咁會拎証物打去食物安全中心投訴！
繼續閱讀