影片
港鐵長沙灣站 C2 出口, 步行約6分鐘
繼續閱讀
電話號碼
56472128
營業時間
今日營業
全日休息
星期一
全日休息
星期二至日
12:00 - 15:00
18:00 - 21:00
以上資料只供參考, 請與餐廳確認詳情
終於又黎到星期六啦，前一晚當然要同太太去返啲好嘢食啦😬今次就係朋友嘅介紹下去到長沙灣嘅呢間「極之拉麵」，聽朋友講佢地嘅湯底相當之不得了！咁岩尋晚又係長沙灣果邊，咁就去試一試先得😋終極之 廣島牡蠣濃湯拉麵（3粒日本廣島蠔+溏心蛋+醬漬牡蠣+3慢煮叉燒） $138首先當然要介紹一下呢個店舖嘅招牌拉麵啦🍜淨係睇個名都知呢個拉麵唔簡單😊湯底相當之濃郁，鮮味十足！店員溫馨提示我哋先嘗試個濃湯底嘅味道，後食麵😬果然係令人難忘嘅湯底呀😋而且材料豐富，真係無得輸，同埋 小編留意到其他黎光顧嘅食客，10個有7個都係叫呢款拉麵👍而且廣島蠔相當之肥美，再加上三塊慢煮叉燒認真滿足☺️麵嘅軟硬度亦適中🤤極之 真牡蠣醬油拉麵（溏心蛋＋半殼醬漬鮑魚＋牡蠣+慢煮叉燒） $99呢款拉麵嘅湯底雖然冇終極廣島牡蠣濃湯嘅湯底濃郁，但亦都係鮮味十足！而且用上醬油做湯底，再加上有醬漬鮑魚吊一吊味，味道都的確唔錯👍都係值得一試嘅拉麵😋炸雞皮餃子（4件） $28呢款雞皮餃子🥟真係皮薄餡靚👍而且新鮮製作，即叫即炸，值得一試😋手羽明太子雞翼（2隻） $36明太子相當之豐富！釀哂入雞翼當中，味道都相當之唔錯👍
繼續閱讀
#chuchu食在長沙灣 #chuchu食在荔枝角📍 極之拉麵可遇不可求の拉麵‼️老闆對食材要求好高，本身開店嘅時間都唔多，如果湯底煮唔好都會唔開，之前都摸過一次門釘，終於嚟到！入到去見到啱啱食飽🤰🏻嘅客人連湯都飲曬就知冇死了😎💡去到喜漾見到恆生就見到佢了！—————————————————————❣️ A3 極之 真牡蠣醬油拉麵 $99溏心蛋+半殼醬漬鮑魚+牡蠣+慢煮叉燒！個湯超正，好濃嘅蠔仔嘅鮮甜味，有啲蠔仔打融咗入個湯，好rich！牡蠣份量好多，雖然都係蠔仔但份量好多，好鮮！鮑魚係磯煮鮑魚，爽口彈牙，好入味！仲有兩大塊叉燒，雖然第一次食拉麵嘅主角唔係叉燒🤣肥瘦啱啱好！.❣️ B3 極之 真鯛白湯拉麵 $98有溏心蛋+慢煮叉燒+增量鯛魚片+炸魚皮！平時食開拉麵都係豬骨湯同叉燒，呢碗有滿滿鯛魚片，好滑又冇骨！仲有叉燒同上面一樣！炸魚皮好脆！鯛白湯好出色，好濃魚味但又一啲都唔腥，好鮮甜！拉麵係幼身嘅麵條，好掛湯！.❣️ 炸雞皮餃子（4件） $28炸到好脆身！雞皮包住啲餡好正！.💬記住去之前睇一睇佢ig有冇開！—————————————————————不專業評分👅好味指數: 8/10 💰性價比: 8/10👍🏻推薦: 8/10 —————————————————————🏡地址: 極之拉麵 (長沙灣)長沙灣元州街399號喜漾地下2號舖🕑營業時間: 星期二六全日休息 一三四五日 12:00-14:30 & 五/日 18:30-20:00—————————————————————#chuchu食日本野 #chuchu食拉麵———————————————————Follow🐷 @chuchu_hkfoodietag埋你啲朋友仔like下我啲po♥️需要你的支持喔🥺🙆🏻♀🐷💬每一篇食評都好認真打架
繼續閱讀
平時食拉麵成日都食豚骨湯雞白湯系時候要轉下口味🤭史努比早兩日去咗長沙灣一間比較新嘅拉麵小店佢哋主打牡蠣湯同鯛魚白湯拉麵位置都有啲隱蔽 但出乎意料地客量極多 地方唔大不過坐滿晒人😳淨系排場都feel到應該有翻咁上下質素😎不過都要試咗先知咩料🤣就等史努比話比大家聽啦🤪👍🏿極之真鯛白湯拉麵 $98媽媽👩🏻嗌咗鯛白湯 史努比都有試下味🤭鯛白湯同樣系非常出色同頭先嘅牡蠣湯完全唔同風味濃厚魚味 散發出淡淡嘅魚油香🥰口感順滑creamy 味道鮮甜🤪比起牡蠣湯淡味啲但質地更杰更濃稠味道啱啱好 就咁飲都唔會太鹹👍🏿媽媽👩🏻超級鍾意!!佢最後飲晒啲湯咁滯😂拉麵就用咗幼身嘅麵條 掛湯能力更加強雖然比較淋 口感上就冇粗麵咁好 但質地夠滑 每一條麵條都索湯索到盡🤣啖啖濃郁魚湯又系另一翻風味😋鯛魚片好滑 份量亦好多好大塊仲有兩塊炸魚皮添🫵🏻呢個價錢絕對值～味道: 8.5/10性價比: 8/10👍🏿極之真牡蠣醬油拉麵 $99即叫即整嚟到熱辣辣 碗麵超足料除咗啲拉麵嘅基本配料之外 當然仲有主角牡蠣同埋鮑魚!!😳首先梗系要試個啖湯先個湯真心超超超正❤️味道非常濃郁 但唔系死鹹嗰種反而濃厚得嚟順喉😆啖啖都飲到蠔仔嘅鮮甜最值得一讚嘅系飲落唔覺油膩見到有啲蠔仔直頭系打融咗入個湯度怪唔得知湯底咁rich咁好飲🤤拉麵用咗較為粗身嘅麵條中性掛湯能力配合呢種濃郁嘅湯頭味道啱啱好麵條恰到好處地帶出牡蠣湯嘅精華🥰食落煙韌有咬口 系史努比鍾意嘅硬身麵質😎牡蠣份量好多 而且每隻都好飽滿 仲帶少少鮮甜😙鮑魚唔系細細隻求其hea你嗰啲有返咁上下size 食落爽口彈牙😆有啲似磯煮鮑魚叉燒都有成兩大塊 雖然佢唔系主角未算好出色但絕對唔系差!!肥瘦比例適中 肉質夠嫩帶少少油香切得有返咁上下厚度 唔會冇晒口感👍🏿溏心蛋都整得唔錯😁生熟程度啱啱好 而且有蛋香醬油亦唔會太鹹Overall真系好好食 系個好出色嘅拉麵❤️味道: 9/10性價比: 8/10👍🏿炸雞皮餃子(4件) $28相信熟悉史努比嘅都知史努比唔食雞皮🤣但雞皮餃子系呢間店嘅招牌小食之一而媽媽👩🏻又食喎 咁就嗌嚟試下😌史努比只系咬咗一小啖🤭雞皮炸到好香口 唔算好油膩仲帶少少煙韌口感入面嘅餡主要系菜 少少嘅豬肉帶啲甜味史努比覺得味道都唔錯嘅 但雞皮真系not my cup of coffee😂不過媽媽👩🏻話超好食🤣🤣佢食晒4隻咁滯😂味道: 7/10(媽媽👩🏻比9分🤭)性價比: 8/10👍🏿北海道芝士年糕 $26平時芝士年糕通常都攞去炸 但呢個唔系只系整熱咗 食起上嚟冇炸嘅咁油膩😙外面煙煙韌韌入面半融嘅芝士口感軟糯帶少少鹹香😋味道唔錯但食晒會滯😂味道: 7/10性價比: 7/10👍🏿熱抹茶流心迷你泡芙 $18好似迴轉壽司啲甜品咁 但唔伏喎🤣一口sizeCream嘅份量適中 唔會太多太膩甜度啱啱好 帶少少抹茶嘅甘香🥰唔錯~味道: 7.5/10性價比: 8/10🔸+溏心蛋(1隻) $12🔸日本提子梳打 $9媽媽👩🏻嗌嘅 系罐裝嗰隻~*不設加一服務費*呢個真系抵食又好食 性價比好高😆仲要唔使加一最緊要系拉麵個湯好正 飲完唔口乾👍🏿Btw 史努比唔覺佢哋有一個intact嘅menu淨系見到門口有寫咗幾碗拉麵見到qr code上面有兩款推薦嘅小食都售罄(唐揚炸雞同埋紫薯天婦羅)👆🏿大家去食幫史努比試下🤣然後話我知好冇食環境雖然比較細 但充足住日式拉麵店嘅風味尤其系一入到去枱面有冰水嗰下簡直彷如置身日本😂店家招呼客人有講日文 講得好正 真系有啲啲日本feel🤣🤣Overall史努比覺得唔錯 系間值得回頭嘅小店😎整體評分：味道: 8/10環境: 7.5/10服務: 7.5/10衛生: 8/10抵食: 8/10回頭率: 8/10
繼續閱讀
今次走訪一間新開拉麵店，小店位置不張揚，沒有華麗的門面，連菜單都是手寫。門口有個紅色燈籠，入內牆上貼滿不同日本動漫海報，檯上仲有動漫Figure同日文歌陪你進餐。🦪 極之·真牡蠣醬油拉麵醬油湯底，加上牡蠣熬煮，令醬油本身的鹹味添上鮮味 。配料中的牡蠣和鮑魚都是醬漬，入味得嚟仲保留原有鮮味，鮑魚亦保持到爽口咬感 。溏心蛋稍為偏熟一點，但亦浸得入味，整體不俗 。兩大塊慢煮叉燒在碗邊，視覺效果十分滿足，軟滑腍身，肉味香濃。拉麵掛汁力不錯，如果想選擇麵條軟硬可以寫下Remark。🫕 極之·真鯛白湯拉麵鯛白湯口感稠滑，相對調味較淡 。配料亦有溏心蛋和叉燒。炸魚皮除了在潮粉麵同打邊爐，第一次於拉麵上見到，炸得脆身，但配上拉麵則有少許違和感 。鯛魚片則令人喜出望外，大片嫩滑，加上用火槍輕炙過後的魚油香，將鯛魚整體味道昇華 。麵底 👦🏻 覺得可以硬身多一點 。炸雞皮餃子頭尾脆身，中間嘅雞皮就保持雞皮軟糯嘅口感。而炸雞軟骨丸子就建議雞軟骨可以多返少少增加口感。這間拉麵店的醬油湯底有驚喜，👧🏽 甚少會把湯底清光；而且老闆十分重視客人的意見，再將食品改良變得更好。
繼續閱讀
拉麵開到成行成市，但當中有幾多間係匠心製作？長沙灣呢間啱啱開冇耐嘅拉麵店，對品質要求嚴謹到，湯底一唔完美就真係會當日唔開舖就係因為有要求，拉麵湯底極臻完美，一碗牡蠣拉麵，就食出全是認真。金黃透透地嘅湯底充滿鮮香，完全縈繞麵條溏心蛋完美半熟，外綿內流心半殼醬漬鮑魚同醬漬牡蠣非常入味，肉質嫩滑。慢煮叉燒儼如拉麵嘅圍牆，好大嘅兩片，粉紅嘅叉燒彈性好好，保持到肉質嫩口另一碗真鯛白湯拉麵，佢啲湯底又白又濃，飲起嚟香而不膩，足料到有少少起沙，加微辛香暖胃，會忍唔住飲晒都唔覺口渴呢碗仲有溏心蛋、慢煮叉燒、增量鯛魚片同炸魚皮。鯛魚片嫩滑程度相當於蒸魚同刺身之間，同時好彈牙。炸魚皮份量都唔少，浸湯食都幾過癮除咗拉麵，佢地嘅小食都好正㗎唐揚炸雞食到胃弟變大眼仔，炸到鎖得住肉汁好juicy，嫩到飛起雞皮餃子又係必食，雞皮嚴嚴包得住肉餡保留到鮮感同香嫩，一咬就流汁仲有啲小食係期間限定，好似雞軟骨丸子，打到完全變蓉，一啲骨感到冇，好香綿甜紫薯天婦羅外脆內軟，細細粒已香氣撲鼻
繼續閱讀
您可能會有興趣的...