影片
電話號碼
23912199
營業時間
今日營業
07:00 - 21:00
星期一至日
07:00 - 21:00
以上資料只供參考, 請與餐廳確認詳情
朋友推介一間泰國菜館，去了觀塘利安道15號順利商場3樓D11至D12號舖～泰然泰國菜。坐落在舊屋邨，竟然有間質素不錯的泰國菜食店，星期一至五全日不收加一服務。店內環境裝修新清簡潔，燈光色調和諧，座位寬敞，整潔舒適。服務員禮貌推介店內招牌菜餚，套餐由其抵食，款式很多供客人自由配搭，指定飲品半價。二人套餐$2981. 焗黃咖哩麵包軟殼蟹賣相擺盤相當吸引，色香味俱全，份量十足。軟殼蟹炸至酥脆，啖啖香口又脆口，配以鬆軟厚麵包，沾上香濃黃咖哩醬汁，滋味又惹味。2. 招牌蟹肉炒飯飯粒分明炒得夠乾身，蟹絲蛋絲和肉碎很多，味道恰好，香口又有嚼口，足夠二人份量。3. 炭燒豬頸肉豬頸肉燒至微焦帶金黃色，油脂均勻，肉質彈牙，嫩滑多汁，調味適中，香口又脆口。4. 紅豆冰／椰汁冰（二人套餐各加$13）紅豆冧甜，椰味和奶味很濃，甜度適中。椰汁冰味道極佳，椰味很濃，順喉又清新，為這晚餐劃上完美句號。
繼續閱讀
我真係好鍾意食泰國嘢泰然我一向都好滿意最近先知原來觀塘開咗分店 就嚟試吓水準唔知係咪最近推出嘅套餐呢？超級抵食我咁鍾意食海鮮 毫無懸念地揀咗咖喱蟹隻蟹列明超過一斤重 今晚全日海鮮餐生蝦刺身一打金不換炒大蜆仲有蒜蓉包四條再加青檸梳打先講最主打嘅咖喱蟹真係好大隻 啲蟹新唔新鮮真係一食就知 好多肉 肉質鮮甜彈牙 配埋咖喱汁 非常滋味上菜同時上埋蒜蓉包好有誠意嘅係六邊都沾有蒜蓉牛油 真係外脆內軟 就算唔係點咖喱汁都好好食金不換炒大蜆就正正常常可能豆豉味太重 有啲似食豉椒炒蜆 金不換嘅味道唔多 但勝在啲蜆都好新鮮 所以都係好食嘅 生蝦刺身擺盤一如以往係有兩款口味紅色辣啲 綠色香料味重啲兩款同生蝦都好夾 生蝦肉質都好爽口 $118有一打其實幾抵食青檸梳打係用返泰國嘅梳打水酸甜程度適中 最後好想讚嘅係服務員嘅態度佢哋會好主動嚟換碟 我一晚都換咗三次服務好殷勤👍🏼
繼續閱讀
呢間泰式餐廳係位於觀塘嘅順利邨3樓D11 D 12號舖，價錢非常抵食，而且份量仲相當多午餐時段已經坐滿客人，地方寬敞，坐得都好舒服海南雞飯雞肉好嫩滑 雞皮爽薄 ，而且仲去埋骨，可以大啖咁樣放心食，配上酸酸辣辣嘅泰式醬汁 ，非常惹味，旁邊嘅雞油飯香氣撲鼻，又唔會太油膩，口感順滑，唔夠味道仲可以加埋旁邊嘅薑蓉一齊食，太滿足了午餐咖喱牛腩配薄餅$60咖喱很香微辣中帶香濃椰漿味牛腩煮得好腍 ，配埋個入味薯仔🥔加上薄餅一齊食，滿足感飽滿，配菜仲有青椒黃椒同埋洋蔥，份量相當充足明爐烏頭$158原條魚上，魚肉肉質尚算 可以食落唔會又泥味，配料香茅，檸檬葉，大蒜，蘑菇，洋䓤加上肉碎配合埋湯汁，味道酸酸辣辣好開胃，粉絲仲索晒味 ，廚師在魚嘅身上畫上幾多能夠將調味料嘅味道滲入魚中泰色鳳爪午餐加$18就有，性價比非常高，鳳爪去晒骨食落爽脆 ，有少少辣 ，配搭埋生菜洋蔥絲同芫荽，健康又惹味，開胃既前菜餐飲叫咗杯熱檸水同埋熱柚子蜜，兩杯都熱辣辣，柚子份量仲相當多，甜甜的
繼續閱讀
之前叫外賣食過呢間泰式餐廳 ， 佢啲奶茶都幾好味，少有地經過順利呢邊，就去左試佢嘅堂食👍🏻🐰🐰🐰👉🏻馬莎文咖喱牛筋腩，牛筋腩煮得軟爛入味，配上香濃嘅咖喱汁，醬汁濃郁香辣👍🏻👉🏻泰式海鮮炒金邊全日套餐全日套餐好抵食，份量好大，而且加配嘅小食一啲都唔細份🐰🐰🐰泰式海鮮炒金邊粉炒得香口彈牙，海鮮鮮甜，而金邊粉亦吸收咗 酸甜 醬汁嘅味道，好美味！泰式馬拉盞炒通菜亦唔錯，通菜爽脆，配上香辣嘅馬拉盞醬汁，味道鮮美。依間餐廳上年喺順利廣場開咗， 都幾滿座 👍🏻下次黎到可以再試其他🤪👍🏻
繼續閱讀
估唔到係觀塘既順利邨商場都會有咁多野食，遠處見到泰然嘅招牌，心諗食泰國嘢都唔錯喎，就決定入去試吓啦。餐牌上嘅選擇都好多，無論係單點定係set，但係見到個泰色烤魚，即刻抗拒唔到。套餐仲有兩款食物，有泰式肉碎生菜包同埋泰式生蝦（半打），但呢兩樣我都麻麻地，原來仲有兩款揀，咁我就揀左蟹肉炒飯同鮮蝦金邊粉。先講個主角泰色烤魚，揀左個泰式青花椒味，佢係有泰國菁胡椒，鮮花椒，青辣椒，薯仔同蓮藕片，本身我估佢會好辣同好油，但係原來個味道唔會話好辣同好油，而且唔係好鹹味道都足夠，魚嘅肉質都幾結實，唔係好腍嘅魚。泰國菁胡椒唔係食開既青椒唔會辣到噴火，雖然唔食得辣嘅朋友仔都可以食到，而且佢都好香花椒味，蓮藕片都夠爽口同入味。之後到蟹肉炒飯同鮮蝦金邊粉，兩款既份量都超級多，飯同個金邊粉都炒得夠乾身，蟹肉嘅份量都好多，金邊粉既色香味都俱全。一啖飯一啖魚，一啖粉一啖魚，三扒兩撥就食哂。另外係仲包嘢飲嘅，泰式奶茶值得一試。
繼續閱讀
您可能會有興趣的...