影片
港鐵西營盤站 B2 出口, 步行約2分鐘
繼續閱讀
附加資料
限時1.5小時
營業時間
今日營業
10:00 - 17:00
星期一至二
全日休息
星期三至日
10:00 - 17:00
以上資料只供參考, 請與餐廳確認詳情
食家推介
Hemma @hemma.hk 📍：西環西營盤第二街2號地下A號舖🚗：西營盤地鐵B2出口 步行5分鐘💲：~HKD120/head for brunchFood quality✔️：Sesame Burnt Cheesecake, Vanilla Burnt Cheesecake, Rum Raisin Burnt Cheesecake, Pistachio with Raspberry Burnt Cheesecake❌：Homemade Lemonade, Matcha latte, Genmaicha總結：🤔呢間被譽為全港世一巴斯克 試咗兩次感覺係蛋糕🍰好出色 但飲品好差 因為堂食強制要你每人點一杯飲品 咁難飲嘅情況下畀我一種嗰巴斯克要$100/1個嘅感覺🥹😋說實話蛋糕真係好出色好好食 初次試咗芝麻味已經驚為天人 即刻再落order 試埋原味 中間真係流心狀態 一入口係濃濃嘅芝士味 表層亦冇好燶 剛剛好👍🏼🤔二訪點咗開心果同冧酒 前者就同第一次去嘅芝麻差唔多size 但後者就縮咗差唔多三分二 (唔知大家睇相feel唔feel到)我仲以為冧酒係細啲 點知隔離枱點原味都係呢個size 仲要嗰表層好燶冇第一次食嗰陣焗得啱啱好咁靚仔🥲🤔第二次同嗰朋友去 佢滿懷期待但同我一樣覺得試一次就夠 $100買一件細cake 幾好食都真係唔太值🙊 再講有其他差唔多質素更抵嘅選擇🤔如果要食飽肚啲佢有啲pasta 不過我同朋友決定去食另一間😂😨佢啲飲品係好普通但收你$50-$60一杯 Matcha $55但連基本拉花都冇 仲要味道係超市好平即沖粉好淡嗰款 玄米茶就係日式居酒屋🏮嗰啲任飲唔嬲嘅好淡茶水 比較好已經係杯Lemonade 但都係普普通通 $20/杯都畀多佢 唔值呢個價😨要排隊嘅嘅就真係唔太建議 但蛋糕真係值得大家試 或者takeaway
繼續閱讀
平日午後唔洗排隊直入，叫佐個Tiramisu 同 Hojicha burnt cheese cake，同Ice Matcha Latte.兩款蛋糕都好食，好滑唔會過甜。但係就唔算係世一。Tiramisu 呢款咖啡味同酒味都比較弱。Hojicha呢款都係焙茶味唔夠濃。最差係杯Matcha Latte，堂食一定要點飲品，但佢drink menu 選擇唔多又貴。更重要係唔好飲，呢杯抹茶latte$55 但抹茶味好淡，又無咩奶味，都唔知飲緊咩，建議店家要改善下。
繼續閱讀
Hemma, 聽依個名都聽左幾年，九龍人要去西營盤為左一件蛋糕，難免有d遠，仲要眾所周知去到排隊是必然的事，所以久違了的世一，直到依刻先品嚐到。星期六早上，11點到鋪頭，已有三個人排隊。由於用餐時間係1.5 小時，我地要等到上一輪食完，即係11:30先安排入座。意粉大約 hkd 148-168, 芝士蛋糕大約 hkd 62-68蕃茄意粉醬汁夠濃，有蕃茄鮮甜，好味！墨魚汁意粉估唔到面頭係一堆蒜蓉醬，偏中式味道，墨魚仔煮得好滑好好食！叫左三件芝士蛋糕TiramisuOreoHojicha公認最好味係hojicha!!! 茶味好濃，上面有層奶蓋加黃豆粉，亦係最軟身既一款，好好味🥹Oreo偏甜, tiramisu 味既巴斯克芝士蛋糕質感係幾特別飲品方面，叫左white coffee 同 matcha latte, 正常發揮我地三個人share, 但原來鋪頭係冇正式碟，比蛋糕碟分意粉，幾搞笑一入門口有幾幅畫幾靚，畫得同件蛋糕非常似門口帶位既男同事好好禮貌又好笑容、值得讚揚👍🏾👍🏾
繼續閱讀
🎈 建議場合：#港女打卡 #普通拍拖👤 建議人數：2人（最多可容納4人檯）💸 人均消費：$100-200【2個人食咗啲咩？】- Aglio e Olio with Shrimp- Squid Ink Linguine with Squid- Vanilla Burnt Cheesecake⭐⭐⭐「只需要去食Cheesecake」尼間cafe出名食Basque Cheesecake～ 由社交媒體網店做起，做到可以開Cafe真係好厲害！見大家講到咁好食，平時整開甜品嘅我都忍唔住去朝聖一下。尼間小店長期需要排隊，大家要有少少心理準備，不過等候時間唔特別耐，大概10-30分鐘左右。先講佢嘅cheesecake，蛋糕面顏色焦得好均勻，焦得啱啱好，味道唔會太甘，同時可以享受到蛋糕面同芯有唔同嘅質感。蛋糕芯yogurt味偏濃，甜度剛剛好。另外，蛋糕口感偏流質，如果唔鍾意實心cheesecake/newyork cheese cake嘅人不妨可以試下Hemma嘅cheesecake。嘢飲就中規中矩，無咩特別，係有啲overpriced。不過我就真係好唔推薦佢地嘅意粉，因為真係好鹹。。。真係好鹹。。。下次黎淨係食蛋糕就ok啦。 如果佢嘅意粉無咁鹹，我覺得應該係ok嘅，但係佢真係鹹到喉嚨痛，所以唔建議大家去挑戰去d意粉。總括而言，平日下午茶想食件靚cake，Hemma會係一個好好嘅選擇，因為佢嘅cheesecake真係有番咁上下功力，10/10。P.S. 用餐時間1.5小時，每人最低消費一杯飲品，就算你叫左野食都唔計，一定要係飲品！📍 Hemma西環西營盤第二街2號地下A號舖 (港鐵西營盤站 B2 出口, 步行約2分鐘）
繼續閱讀
🤟🏻aglio e oilo with shrimp, 呢一個意粉本身少少辣，成個賣相都非常靚仔，我同朋友都忍唔住即刻攞電話出嚟影相，餐廳係用咗天使麵，係比較扁身嘅意粉，加埋餐廳特別條配嘅醬汁，令到成個天使麵更加好食，當然不得不提嘅係佢有幾隻大蝦，食得出非常爽口彈牙證明餐廳喺材料選擇方面都有下苦功，我同朋友都非常鍾意食呢個意粉，呢個價錢嚟講亦都唔算太貴，份量同埋價錢都成正比，大家嚟到除咗蛋糕之外都可以試吓呢一個意粉
繼續閱讀
您可能會有興趣的...