影片
港鐵西營盤站 B3 出口, 步行約2分鐘
繼續閱讀
附加資料
Instagram: desserthouse.fai
營業時間
星期一至日
14:00 - 23:30
以上資料只供參考, 請與餐廳確認詳情
呢間喺西營盤德輔道西嘅甜品店我哋嚟過三次左右性價比唔算高價錢仲可以話偏貴不過由於呢頭附近冇乜甜品店所以我哋嚟到呢頭要搵甜品食時就會嚟呢度最平嘅係中式甜品紅豆沙同綠豆沙，各$28其餘大部份嘅甜品都要$45以上MM爸點咗涼粉芋圓西米露（$38）蕉媽點南北杏雪耳燉木瓜（$38）味道正常，賣相就一般，同餐牌上嘅相片明顯有啲出入總括來說，性價比一般不過冇得揀都會食輝記甜品 (西環)西環西營盤德輔道西268號地下
繼續閱讀
今日天氣熱熱地嗌咗碗棷奶西米露。食第一啖覺得同平時其他甜品舖食開嘅唔一樣，試多啖證實咗我嘅想法。本身米露唔單止係用椰奶，食得出入邊有新鮮椰子水，清甜同一般夜晚西米露有啲唔同，亦都會有一陣淡淡的奶香 味道非常新奇 絕對有驚喜嘅感覺 又嗌咗碗楊枝甘露試試。食落去感覺非常新鮮，甜味入邊會帶啲酸味，啲味算係自然帶出嚟而且冇乜檸檬嘅味，相信係新鮮芒果打製而成，口味都幾清新。小丸子好煙韌 ，份量都多，都叫值得一試最叫整咗碟瑞士雞翼， 呢個都叫做有啲驚喜，甜品舖嚟講調味都唔錯雞翼都入味。整體嚟講小食同甜品都唔錯，路過可以試吓。
繼續閱讀
之前叫過呢間甜品嘅delivery 覺得個芒果班戟好好食 星期六特登遠d都行去再買一次諗住回味吓 一盒兩舊要$40都唔平 叫外賣仲要收多$1 本身個班戟都已經喺個膠盒入面㗎喇?! 返到屋企滿心期待 一開見到班戟皮上面有幾點綠色 已經驚會唔會係壞咗 再食落去覺得唔對路 d忌廉完全唔係應有嘅質地 已經硬曬一粒粒咁 再睇下入面個皮又啡啡黑黑 已經唔敢再食 食咗兩嚿芒果就成盒揼咗 勁失望 我懷疑係擺咗好耐唔新鮮 已經唔係平仲要咁嘅質素 一陣食壞人就大鑊 唔會再幫襯!!!
繼續閱讀
八月二十一日，太陽伯伯熱力在四射…射到我一面都係…汗水，向來害羞的我即刻 “你追我躲，晒得我就赤裸，你清我楚，晒熟左我個波，晒蘿，晒蘿，現在只好晒蘿“ 。身處上環的我，走著走著就累了，累著累著就笑了，笑著笑著就瘋了…好采我仲未瘋得晒，拿拿聲大大步趕上正好在身邊經過的叮叮，坐上上層位置，任由叮叮時快時慢的速度，拂吹我臉，終於能享受一絲絲不羈的風，“停住這風Oh Baby 長夜抱擁 Oh Darling “叮叮沿路的風景，上環一間間號稱幾十年的老字號映入眼簾，越走越讓我沉浸在舊日的時光，一直‘’祈待著和你 經歷最好時光 可以嗎‘’突然眼前一間貎似老字號門面甜品店，令我瞬間蘇醒，即時決定下站落車，就算要走一段回頭路，都阻不到我此刻要冰涼口感的決心，正所謂：好馬不吃回頭草，天熱就搵甜品舖。簡單的白枱櫈，看著就很乾淨舒服，再加上下午三點的甜品下午茶，只得兩枱客，最能享受少人的清淨。即點幾個凍甜品，冰涼一夏：木瓜燉雪耳$38: 只要能解凍的，來吧，我甚麼都應承，尤其木瓜雪耳這類的冰涼甜品，是甜味與滋潤的結合物，是冬天與夏天的混合體，熱的秋冬潤肺，凍的又能消暑解渴。木瓜含有豐富的胡蘿蔔素，雪耳含膠原蛋白，我同時含著木瓜同雪耳，呢d係咪就係所謂的一含兩味。甘露小丸子蛋糕$46:淡香甘甜的甘露，碰上軟糯香甜的小丸子，獨有的內涵，讓我久旱遇甘露。珍珠奶凍蛋糕$52:用船形的杯承載著雪糕、珍珠、蜜瓜、西瓜，似是店主期許著我們都像躺在一艘船上，享用這一甜點，奶凍像sir滑梯一樣sir落我喉嚨木瓜奶$28: 明明是我點的，但女人話：‘’我又要飲。‘’我又習慣性咁一野得埋去：‘’幫補到咩？？？‘’，即時見到女人一拉黑面，我似乎又奶野，即時補穫：‘’得既得既，只要有恆心，奶奶變黃金，嫲嫲有錢分，啜到牙都崩‘’經常9唔搭8的口部運動，又令佢笑返，得左。這區多是殘留著歲月痕跡的老字號，我懷念，懷念往年…
繼續閱讀
叫咗個椰青，食落係幾甜、味道係ok嘅，不過價錢就真係幾貴下，試過一次就夠，純粹係夜晚晚，費時周圍搵舖頭，見呢間無咩客，就入去坐下。同區有更多甜品糖水舖可以選擇嘅。
繼續閱讀