影片
營業時間
今日營業
11:30 - 15:00
18:00 - 21:00
星期一至六
11:30 - 15:00
18:00 - 21:00
星期日
全日休息
以上資料只供參考, 請與餐廳確認詳情
相關文章
1162 瀏覽
以前喺附近返工，經常在OT 後找地方宵夜，其中以屈地街無名小巷內的【火井火鍋】最出名。【火井】搬遷後，小巷有一段時間靜下來。今日再次回到這裏，原來小巷內多了其他小餐廳；不過，大部份只是街坊快餐店，當中只有【彩 Aya】較有特色。小巷有兩間【彩 Aya】，一店兩鋪；一間賣傳統日式湯底拉麵、另一間就賣日式沾麵。揀了賣湯拉麵的【彩 Aya】。店內面積細小、又三尖八角，甚至比日本當地的拉麵小店還要細。為遷就鋪面，放棄了封閉式廚房及開放式廚房，廚房設計與港式雲吞粉麵店一樣。室內裝潢也非常簡陋，只簡單掃上油漆、掛上幾張自家印制海報，地面的紙皮石更似乎是上手租客殘餘下來的裝修。只有兩位員工，一個負責廚房、一個負責樓面；儘管只有十多個座位，繁忙時間如果全店客滿，人手只勉強可以應付。餐牌非常簡單，只有兩款拉麵、一款釜飯及四款小食。標榜自家製麵、自家製麵及自家製叉燒；有雞叉燒及豚叉燒兩種口味。只是【彩 Aya】的拉麵只可以揀選一種叉燒，不可以一碗拉麵試齊兩款叉燒。湯底只有一款雞白湯；麵底就有兩款選擇：傳統日式小麥拉麵或柚子小麥拉麵。擔心柚子味拉麵味道怪怪，與雞白湯不配搭，揀了傳統小麥拉麵。特濃雞白湯豚叉燒拉麵（$85）用上全黑色、燙金花紋圖案的精緻拉麵碗，與用餐環境並不太配合。見到拉麵的賣相，再加上用小藤籃另外奉客的免費炸牛蒡條 ⋯⋯ 即時想起來自大阪的濃厚雞白湯拉麵名店【座銀】。六年多前開業初期已經要 $138 一碗拉麵，當年堪稱全港最貴日式拉麵。去到今年今日，經過多年通脹，定價是 $148，只貴了$10；足以證明當年貴得幾犀利。濃厚雞白湯呈乳白色，採用日本高壓技術長時間熬煮炮制而成；再加上運用了冲調泡沫咖啡的技巧打出泡沫，賣相更突出。先掏起一匙雞白濃湯，厚厚的泡沫清晰可見。口感幼滑，雞味濃郁；入口濃稠適中，黏口又未至於成糊狀。湯頭唔算油膩，充滿雞的鮮甜；亦唔鹹，適合香港人口味。湯底的確出色。麵條為自家製曲身麵條，粗幼度適中。入口軟硬度剛好，彈牙有嚼勁；亦唔覺有鹼水味。估唔到一間本地小店都有如此不俗質素的日式拉麵麵條。儘管雞叉燒標榜採用真空低溫慢煮，仍然擔心較嚡口，還是揀豚肉叉燒。兩大片薄切豚肩肉叉燒呈淡淡的粉紅色，舖在拉麵上面，外觀吸引。肉質脢軟、略帶爽口，圍邊的脂肪又爽而不膩。好吃！彎彎曲曲的炸牛蒡炸得太乾身。入口未夠香脆、稍嫌太過煙韌；加上牛蒡本身沒有什麼味道，同拉麵的質素比較，就給比下去了。煙燻糖芯蛋有淡淡煙燻香味。雞蛋黃呈流心狀態，蛋香濃郁，亦夠味道；蛋白入口夠嫩滑，唔係太結實的那種口感。雞蛋質素同樣出色。雖然用餐環境麻麻，人手所限，服務又一般；但拉麵的確相當好味道。加上價錢唔算太貴，值得捧場！
繼續閱讀
我食過兩次，沾麵同埋雞白湯拉麵。兩邊都試過一次，覺得平平無奇，冇咩特別。啲人吹到話好好食，但係我試完兩邊我都呃唔到自己去覺得佢好食。講吓個沾麵先，啲湯底好浠，我唔知道有咩咁特別，咁就覺得唔會再去🫠 今次我主要係想講呢個雞白湯拉麵。上一次經過佢對面，好似開多咗一間雞白湯拉麵，就去試吓啦！間鋪度正正常常同乾淨嘅。但係好似唔夠人，得一個店員，同埋一個人煮麵。個店員都唔得閒理我哋，交嗰張手寫單要自己行過去廚房俾佢，斟凍綠茶/水都係去自助area自己嚟。店員拎碗麵俾我哋嘅時候，即刻同我哋個豬上面果個醬識係唔使撈落湯同埋面，淨係夾埋啲豬一齊食，咁我見到呢一個醬以為係黑松露，有少少期望，因為店員特登重點同我哋講，但食落好似有啲欖菜，唔覺得同豚肉特別夾，甚至有啲唔想食嗰個醬，所以有啲失望。我叫咗豬+雞雞白湯拉麵，啲雞好滑，啲雞都好食嘅，但佢唔係真係平時出邊白切雞嗰啲雞。啲豬就冇乜特別。另外講吓個麵，佢有小麥麵、柚子麵、是日精選面俾你揀，我揀咗最大路嘅小麥麵。原來有得揀硬度，但係我畫果陣睇唔到，所以我冇tick到嘅，亦都冇人問我嘅，我估我無tick佢應該係最正常硬度，但係我覺得個麵管好粗，唔似平時啲拉麵咁軟身。呢碗麵都大，要食晒嘅話要啲時間去咀嚼，同埋都驚佢難消化，如果個面可以幼同軟啲會好好多。個店員仲同我哋講話個湯可以飲晒佢，因為係冇味精嘅，而且有5%嘅骨膠原，聽完之後覺得真係一個marketing嘅策略，講到所有嘢係好珍貴好特別，等你食嘅時候特別珍惜佢。得碗湯係成個面入邊最好嘅嘢，我都差唔多飲晒個湯。但係其實除咗個湯底，個面亦都係好重要，但係我覺得個面唔好食🫠
繼續閱讀
中午第一次幫襯呢間沾麵，因為等朋友到所以我早咗15分鐘入去坐住等，舖頭一個阿叔做侍應，已經話咗兩個人，未夠一點我朋友又未到已經問我叫得未🧐人都未到啊大佬，自己食咩，間鋪當時又未滿坐叫完個麵個阿叔侍應收返餐牌，之後我哋先叫嘢飲，間舖頭嘅飲品又唔係一般食肆提供嘅飲品，我哋嗌錯咗佢就粗聲粗氣，又唔俾個餐牌嚟揀，全程黑囗黑面，係咪琴晚買波輸好多？！呢間舖嘅老闆，如果你見到我留言，作為第一次光顧貴舖嘅顧客，我只係想講你哋嘅食物係冇問題嘅，不過你呢位店員嘅服務態度有好大嘅進步空間，你呢間唔係茶餐廳，你唔使俾澳牛嘅體驗我，希望下次過嚟會見到有改善。
繼續閱讀
彩麵*地址 西環石塘咀屈地街10-16號金陵大廈地鋪（後座）食麵都可以好特別，小巷入面有兩間，一間是湯麵一間是沾麵，日式雞白湯（行幾級樓梯級那間是主打雞白湯湯麵）試了獨有柚子麵，加入了柚子皮，所以搓出來的麵餘會有股柚子香，夏天食幾岩的。另一碗就點了小麥麵用來比較兩者分吃，小麥就是最基本最單純的麥香，有根性彈力的麵條，口感不錯。配料帶叉燒同溏心蛋，叉燒粉粉嫩嫩的選色，口感也很輕盈，沾著濃濃的雞湯，味道在口中散發開。雙拼會多了雞，雞塊厚度十足有嘴嚼感。雞白湯好濃又creamy 當中含有骨腸原，喝下帶點張口,學女生塗唇膏把lip 合上，會微黏要起。雞白湯是利用高壓煲煮的，材料就只有雞，另外有個日本蔥油（用來點肉）同柚子wasabi 鹽醬，配面柚子麵吃的。柚子麵同雞白湯number 1 #life #foodie #dining #cuisine #instafood #traveller #restaurant #吃貨 #手機食先 #foodpic #foodig #美食 #dinner #香港必食 #香港旅行 #foodinstagram #delicious #yummy #foodgasm #foodporn #必食推介
繼續閱讀
湯，唔熱既！食幾啖麵之後，個湯已經凍哂！麵，自家制既，其實味道不錯。但我個麵偏硬既，有啲似未煮熟！最大問題係間餐廳有一陣渠味…臭到癡線！間野臭到接近係旺角公廁入面食緊飯咁！職員態度又西十分鐘食完走人！呢間野適合中意係公廁食飯既人！！！！
繼續閱讀