影片
港鐵西營盤站 A1 出口, 步行約2分鐘
繼續閱讀
電話號碼
60360026
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
食家推介
餐廳係一間外賣專門店,細細既舖面,但售賣種類繁多,丼飯,壽司,刺身,小食都勁多選擇,附近街坊又多一個選擇🤭🤭今次試左經老闆推介試左幾款幾款,包括三文魚壽司,八爪魚壽司,𩶘魚壽司,用上新鮮既魚生,口感一流,大約$8-$9一件,價錢勁抵~即叫即炸既唐揚餃子($28/5隻)都好惹味,表皮金黃香脆,內餡鮮甜,超增食慾!蒜香三文魚炒飯份量大都只係$58,調味雖然偏重但仍能食出三文魚香,表面灑上既木魚碎更添香氣~
繼續閱讀
疫情下外賣變成大家既日常🍱好食既堂食同好食既外賣又真係好唔同，勞蘇食就轉轉個外賣mode做個[ #疫流外賣點評 ]，疫市之中搵下生活快樂點子🤓岩川，日本野外賣店，位於西營盤，壽司、刺身、丼飯、定食都有🇯🇵可以WhatsApp定落單，去到拎既時亦有一啲凍食、壽司盤可以選購😌外賣自取啱晒蒜香三文魚炒飯，配麵豉湯，超大份超多三文魚，一打開已經好香，蒜味之餘仲有和風味，木魚片有幫到手🤪珍珠米粒粒都香口濃味，有三文魚既海鮮味配埋日式味道相當唔錯，我覺得真係幾好味😎三文魚多到爆，切碎左炒連飯食正，依個價錢黎講性價比真係超班✨麵豉湯都唔hea，有蜆肉係入面👍🏻👍🏻雜錦壽司，加州卷、蟹籽軍艦、左口魚正常，味道ok，三文魚壽司雖然唔係大舊，但都幾肥美😙自家製玉子壽司，唔太甜，味道特別，幾啱食😋帆立貝相當鮮甜，豐富嘅壽司盤🍣整體食物質素都好唔錯，炒飯買到食都差25-30分鐘但都仲好熱，計埋價錢就真係無得輸☺️相當好既日式外賣選擇🍱
繼續閱讀
外賣自取：1. 蒜香三文魚炒飯（$58）93/100真係好夠蒜香味，好足料，勁多三文魚，三文魚煎得好香口，一啲魚腥味都冇，啲飯炒到粒粒分明，絕對高質，係全餐最好食，必食推介。2. 金菇牛肉卷-4件（$38）91.5/100睇落啲牛肉好乾身，但食落一啲都唔鞋，一啲渣都冇，個汁好好食，所以成個金菇牛肉卷都好夠味，甜甜咸咸，好食！3. 壽司（一盒）81/100壽司一般，正常水準。4. 味噌湯 85/100算多料，都好飲。
繼續閱讀
每星期都到西營盤娘家探兩老，每次都會買外賣，可是西營盤的餐廳選擇有限，唔想次次一樣，這間新開的日式外賣店幫我解決了問題。餐廳的丼飯最受兩老歡迎，選擇款式又多。今日我就買了兩個魚丼飯：燒鯖魚丼（$48）和燒比目魚丼（$68）。兩種魚都大件新鮮，嫩滑厚肉，照燒汁也很好送飯。隨丼飯附送的味噌湯更是一流，味道濃郁而清甜，真材實料，超正。不要以為老人家不吃壽司，他們喜歡這餐廳的壽司飯做得軟硬適中，刺身新鮮。我則買了明太子雞翼（$34）給自己，雞翼好大隻，炸漿中有粒粒明太子，夠晒鹹香香脆，雞肉又嫩滑。
繼續閱讀
岩川 (西環)西環皇后大道西220號地下今日買咗個蒜香三文魚炒飯，嘩，熱辣辣，香噴噴，米飯粒粒炒得均勻，淡淡蒜香🧄，三文魚粒炒得緊熟唔生，魚🐟香油甘，好好食，值得推介👍👍👍今日嘅餐湯，好好飲，好有酒香味，腐片冧滑，海帶清甜，超正😃😃😃好特別嘅自家製燒玉子，賣相好靚，蛋香味濃郁，玉子整到千層糕咁，咬落去甜，滑，香，口感非常豐富，必食😋😋😋買了幾款壽司🍣三文魚壽司，三文魚🍣夠新鮮，閃令，唔腥，有口感，蟹子壽司，蟹子大大粒，閃閃令，新鮮鮮甜，玉子壽司，甜，香，滑，帆立貝壽司，帆立貝新鮮透明，鮮甜爽滑，大大隻，即甜蝦🦐壽司，爽脆鮮甜，壽司飯軟硬適中，超好食，讚，🥳🥳🥳
繼續閱讀