影片
電話號碼
24279938
付款方式
以上資料只供參考, 請與餐廳確認詳情
講真，門面嚟講就真係唔係咁靚仔。但係出品用心咁就夠啦！佢嘅兩餸飯真係煮得唔錯，豬手入味，牛尾夠香，牛筋夠淋，咖喱直程Ichiban 蒸魚都唔錯，但係呢D都唔係最好味嘅，最正嘅就係老火湯日日唔同- 五指毛桃煲豬骨- 聽過都未必飲過啦，茶餐廳喎收你$50左右有五指毛桃湯又有飯喎去邊度搵啊？如果大家經過附近真係要去試一下。最後最後，老闆娘服務10個好！點解？因為佢就好似阿媽又或者隔籬屋阿朱師奶咁，會走出嚟同你傾吓偈問吓你今日點樣啊？咁就已經唔係普通一間茶餐廳啦。
繼續閱讀
因工作關係，經常行過呢度，最初以為係大排檔因為成間鋪淨係得厨房， D檯擺晒響行人道，後來發現原來鋪上有閣樓，但係好細又坐得逼，都係坐街舒服D。午市都好多人，擺咗十幾張檯都坐滿。午餐分$22、$25、$28及$30幾大類嘅粉麵飯，全部都話即叫即做，唔包飲品，熱飲加$3、凍飲加$4，叫咗紅燒豆腐飯，個位望住厨房，果然係即叫即做，收到order個厨立即開油鑊，熱辣辣攞出嚟，雖然唔算大碟但都好多料，除咗豆腐仲有肉絲同秀珍菇，炒得有鑊氣又好味，又是一間隱藏響鬧市又唔起眼嘅美食小店。
繼續閱讀