影片
食評 (8)
21-4-2013（日）是日下午替德國老外學生補習廣東話後，一個人便坐車往葵涌一帶逛遊。 晚上六時，見已有點肚餓，途徑 凱悅小廚餐廳 ，便隨意買下外賣回家吃。我買了一盒鮮茄豬扒飯，另單叫一件奶醬多。取了食物後，再坐車返家，需約廿分鐘車程。回家後，我急不及待打開飯盒，賣相也頗對辦，吃下一口，很好！經歷廿分鐘車程後，飯盒還是熱燙燙的！豬扒有多塊且大件，咬口十足，肉汁豐盈，沒有肥膩，正！另醬汁也頗多，舖滿整個飯盒，也差不多瀉滿至家中的茶几上，醬汁開胃！奶醬多外脆，而且真的是奶醬 --- 多，一邊吃，奶醬一邊流，非常好吃！此店服務也不錯，著他們把豬扒切件而上，多加醬汁，全部做妥！能按顧客需求而做，這種服務態度要讚呢！一個簡簡單單的飯盒，卻是可口非常！
繼續閱讀
去過呢間店食過幾次, 水準都唔錯!地方清潔, 侍應態度好, 落單又快!今次諗唔到食咩, 見餐牌有煎雞排蛋飯, 加杯熱飲, 要HK$40, 心想賣咁貴, 唔通好好食, 一於試下!煎雞排蛋飯- 完全驚訝, 個雞排個味"腌"得好好, 雞排係煎的, 唔係炸, 煎得好乾身, 個黑椒汁少辣又好香! 飯又粒粒有飯香, 真係好好食!熱飲我叫左奶茶, 茶仔水準, 無咩特別!好開心, 可以食到一個咁有水準的午餐!
繼續閱讀
落大雨又唔想出街食所以叫左外賣番來吃叫左匈牙利牛肉飯牛肉好大舊,D飯勁多,超多汁好好味!牛肉有D肥左D;不過可以接受,唔係舊舊都咁肥最好係食完唔口渴合掌瓜湯都好味唔味精 ^^ !
繼續閱讀
去哩間食,因為佢話唔落味精..但係食完都有d 口乾既感覺... :b我叫咗個楊州炒飯+ 熱檸水..楊州炒飯真係冇乜味度噢...淡而冇味...真係無添加味精,連鹽都冇加....清淡既人仕啱哂...但$32,就貴咗d 了.....我個朋友食個西冷扒跟飯...見到佢就真係辛苦囉..連刀都切唔開件西冷扒...哈哈...唔好話用排牙了..見到佢終於切開一小件既時候,再放入口咀嚼...要成分幾2分鐘先可以吞落肚...呵呵..咁大家都知件牛有幾多歲啦(即係老呀)..哈哈...其實哩間都ok 既....都可以試下食..又唔係咁差, 又唔係好好囉....不過我就平時唔會選擇去(間唔間去吓都得既)....因為哩頭都有好多選擇... :b
繼續閱讀
早餐C火腿通粉+ 西煎雙蛋/ 炒雙蛋白+ 油包/ 牛角酥+ 熱飲($16)嘩！喱個早餐好豐富。$16勁抵，份量好夠，炒雙蛋白好健康，冇咩茶餐廰有炒蛋白食，個牛角酥好鬆化，成個餐都唔錯！喱間茶餐廰係光輝圍算係最四正，坐得舒服，值得一試！
繼續閱讀