影片
開飯介紹
店舖以白色為主，食物精緻，打卡一流。餐廳提供各种沙律、意粉和扒餐，適合朋友聚會。
繼續閱讀
營業時間
今日營業
12:00 - 17:00
18:00 - 22:00
星期一至日
12:00 - 17:00
18:00 - 22:00
以上資料只供參考, 請與餐廳確認詳情
有關獎賞計劃
食家推介
相關文章
餐廳位置唔難搵，響D2 Place 2對面億利工業大廈內，一出電梯左手邊就見到門口有好大條花柱，好易就見到。呢日下午茶3:30PM左右嚟到，因為過哂lunch time 高峰，所以冇乜人，坐得舒服。店內裝修充滿歐洲風情，座位空間充足今次一行二人分別選擇兩款lunch sets:❇️先來餐湯▶️香濃忌廉湯，入口順滑❇️香煎北海道帶子龍蝦汁扁意粉($148)▶️擺盤精緻，賣相吸引。兩粒帶子有微微焦香，口感彈牙鮮甜。扁意粉軟硬度適中，重點係龍蝦汁味道非常香濃，每條意粉都掛滿龍蝦汁，充滿龍蝦鮮味！❇️燒美國豬肉眼扒伴牛肝菌忌廉汁($148)▶️份量十足，size又大又厚，外面煎得焦香，雖然厚，但都容易切開，入面肉質唔會好乾，肉味香濃而且保留到肉汁，而附上的牛肝菌忌廉汁味道同塊扒都幾夾，而且提升味道層次，加埋配菜炸薯角，已經好夠飽飲品：❇️美果洋甘菊(+$21)▶️茶包，正正常常❇️Chocolate banana smoothie(+$24)▶️香濃朱古力味及香蕉味，但又唔會太膩，幾好飲如果響荔枝角長沙灣一帶，想舒舒服服食餐高質西餐，呢度會係一個好選擇！
繼續閱讀
前設, 一向食飯唔鍾意相機食先.......... 係荔枝角做野, 約左朋友食生日飯, 大家都未去過億利, 所以揾下有咩食, 所以睇OPEN RICE 揾左LEE 間餐廳, 係OPEN RICE 上面BOOK埋位去到門面係少少難揾, 始終係工廈入面, 門口冇特別,入到去裝修幾靚, 好Cafe Feel, 有D 似中環西餐廰咁既裝修, 都好好格調, 感覺唔差, 仲有個大投射播黑白西片, IG-able, 打咭一流但唯獨枱就密左少少. 叫左個Set Dinner for 2, $588 + 10%有頭盤, 餐湯, 主菜2道, 跟餐有餐飲or 甜品, waitress 話我地Openrice 訂位送多個甜品or 餐飲所以跟餐要餐飲, 另外送甜品 Crepes 先上個湯, soup of the day 係甘荀湯, 所以要左龍蝦蟹肉湯, um........... 未致於難飲, 但又唔係特別好飲, 同"牡丹樓" 龍蝦湯同味....... 我自己麻麻, 但我朋友覺得ok 唔差頭盤要左個牛油蒜蓉焗帶子, 感覺有d 怪, 嚟食西餐, 但帶子個味好中餐feel, 帶子仲要連殼上差在下面舖既係比較老既火箭菜而唔係粉絲........ 用嚟强調佢係西餐頭盤, 成件事怪到一個點, 差d叫佢比碗白飯嚟主菜要左個香煎慢煮雞胸意大利飯, 另一份要牛扒, 2個都好食既, 不過雞胸點都有少少"鞋" 意大利飯好香, 好creamy, 不過要趁食, 凍左就少少漏, 牛扒......... 係, 要擺盆靚, 要方便人食, 味道都唔差............ 但都你牛扒碎上我真係接受唔到我要5成熟, 你比到7成都算, 你收費都算中上價錢, 但你份扒竟然碎上.............. "金X" 食個鼓油扒餐都唔會碎上比你啦唉........... 餐飲, set dinner 要你㨂$28 樓下飲品, 唔係就當半價orderok, 睇完作個drink list, $28 樓下其實得檸茶, 檸水or 汔水梳打水 你要花茶 or latte 就要半價order, 咁我地想食到尾先決定order 咩咁waitress都好好, 同你講如果order 花茶就早d叫, 因為要浸耐d出味先好飲, 最後我order檸水, 朋友叫左green tea latte. 檸水我覺得d 檸檬幾靚, 浸耐左都冇咩苦味出, 仲有淡淡鮮擰香味green tea latte 拉花幾靚, 朋友話綠茶味濃郁, 送既甜品都唔馬虎, 我地要左個熱情果芒果Crepes, 入口芒果肉好甜, 唔似浸糖水果隻, 仲伴d 芒果汁同Crepes 一齊食, 幾清新, 配搭熱情果既酸味, 成件事帶返起芒果果隻甜, 同埋啖啖芒果加Crepes同cream 會比較漏, 加返熱情果就 balance 返食物唔差, 環境都唔錯有格調適合打咭放社交平台, 點解話 假日去比平日去好始於佢係荔枝角商業區, 夜晚總會有人放工公司聚餐, 正當我同朋友食緊頭盤, 一行6位"上左年紀既中年人" 入坐, (原來end up 係一行8人) 有男有女既佢地一入坐, 間餐廳即刻由打咭cafe 變左深水埗增X咁好不幸地我同朋友坐正佢地隔離, 佢地6個講野大聲不特, 仲粗口橫飛, 成間餐廳氣氛比佢地破壞晒, 我同朋友講野都比佢地嘈到聽唔到, 明白而家晚市生意難做, 餐廳職員都由佢地大大聲講野 佢地比人望住都照樣我行我素, 我比錢, 我大爺既心態其實餐廳waitress 服務都好好, 一直幫我地倒水, 上餐收餐都好快, 又有禮貌只可惜入到枱咁既客佢都都估唔到, 直到果6個男女出去"呼吸" 一下, 成間餐廳先靜返晒佢6個一返嚟成間餐廳又變返深水埗X輝真係要到上菜, 佢地把口有野塞住, 成間餐廳先靜返D我相信假日文青嚟打咭應該都冇佢地咁嘈掛
繼續閱讀
法式油浸鴨髀 菠菜忌廉意大利飯視覺上，睇落去好清新，加上有鮮豔奪目嘅食用裝飾花，真係視覺同味覺 都同時兼備……鴨髀肉 係用手撕日，所以啖啖肉，而且焗得有d 脆口，口感幾特別同埋惹味。而意大利飯 入口十分 creamy，裏邊仲有菇、菠菜同埋翠玉瓜粒，口感好豐富。味道都好有層次感，除左忌廉味之外，仲有蒜蓉味。全日早餐朋友話：牛油果成熟程度啱啱好，入口好 creamy大啡菇 菇味濃，又 juicySusuage 好 juicy，唔會死鹹。Bacon 煎得好香口炒蛋 口感好嫩滑烤番茄 好鮮甜，唔酸，最重要係無草青味。酸種包 有口感。沙律菜 入口新鮮脆口，鍾意佢只係少少醋，唔會一 pat dressings。粟米忌廉湯入口順滑 creamy，食得出好濃嘅粟米味，仲有一粒粒嘅粟米粒。Green Tea LatteMocha靚靚拉花，味道完會合格之上
繼續閱讀
餐廳在荔枝角工廠大廈入面，佈置得好浪漫，勁多打卡位。餐牌有前菜、主菜、意粉/意大利飯、甜品、法式班戟、飲品；加$38可配是日餐湯及餐飲，仲可用半價優惠轉配其他飲品。而家餐廳做緊推廣，每人消費任何意粉/飯或主菜類，都可以優惠價$58，任食辣味茄醬煮藍青口配薯條。是日餐湯係甘筍湯，打得綿密幼滑，濃稠適中，仲有拉花效果。辣味茄醬煮藍青口配薯條：藍青口肉質豐滿，味道鮮甜，配辣茄醬非常惹味；粗薯條炸到金黃酥脆。香煎虎蝦牛肝菌意大利飯：意大利飯煙韌有咬口，加上好creamy既醬汁，好有層次感，虎蝦夠彈牙，廚師好細心，開邊方便我哋食。煙三文魚水牛芝士香草醬扁意粉：扁意粉沾滿香草醬汁，淡味既水牛芝士配甘香既煙三文魚，配搭得宜。總結，食物高質，坐得舒服，服務態度好，愉快既用餐體驗。
繼續閱讀
呢間舖我黎過幾次，食物質素一如咁高質，所以同唔同朋友都過黎食。中午時段來係相對至抵食嘅，一人一個set夠飽，低至108有一個set，每個set送餐湯➕飲品（轉其他飲品半價優惠）。我地點佐：燒菠蘿芝士牛肉漢堡🍔、紐奧良風味焗鯛魚柳🐟，都係138一set。漢堡用嘅牛肉一啖咬落去就知肉質幾好，搭配嘅薯條炸到金黃色👍我點佐魚柳，呢間舖嘅魚柳我兩次都好滿意😀唔腥，魚柳烹煮到啱好火候，用叉一切就開，同時肉質唔會幹身。今期係用紐奧良風味煮，有驚喜。餐湯係粟米忌廉湯，奶香濃郁香口。兩款飲品：莓莓奶昔🍹、抹茶拿鐵🍵，都好好飲啊！今日兩個人350找數，全部食曬🍽️啊仲有佢地店內環境真係好好，好有氛圍，適合傾計啊。
繼續閱讀