影片
營業時間
今日營業
08:00 - 21:00
星期一至五
11:30 - 21:00
星期六至日
08:00 - 21:00
公眾假期
08:00 - 21:00
以上資料只供參考, 請與餐廳確認詳情
荃灣自從有Donki後間唔中都會去海之戀，行完Donki就順便搵餐廳食埋晚飯😋行過ASAP見到門面風格簡約清新就吸引咗過去❣️入到去就見到落地大玻璃望住藍巴勒海峽加汀九橋非常寫意，亦可以穿過玻璃門行出出面打卡📸🐂牛肋肉蛋蓋飯配熱飲 $86可以免費揀白飯/蕃茄飯，要咖喱汁/燒汁/蕃茄汁，今次揀咗咖喱汁 味道濃郁 似日式咖喱 唔會太辣👍🏻 牛肋肉一啲都唔韌亦都冇臊味 (加配)🥗柚子醋田園沙律 +$4叫餐可以以優惠價加配沙律或者湯，要健康當然要嗌番啲菜食下🤭田園沙律入面又有火龍果又有蔬菜 都只係加$4👍🏻抵🥩炭燒美國西冷 $178西冷嗌咗五成熟 配上蒜蓉汁同黑醋，個人覺得點黑醋更美味，切開內裏都非常juicy 亦都唔鞋口👍🏻8oz份量岩岩好(加配)黑松露忌廉野菌湯+$6本身跟餐已有免費熱飲 但天氣轉涼加$6試埋個湯，湯內夾雜野菌粒再配上黑松露油，非常足料👍🏻正🌱和風鐵板炒野菜 $35炒野菜內有秋葵❤️秋葵營養價值高 有抗氧化、可降低心臟病、癌症風險、降血糖等功效，非常推薦👍🏻🍓草莓伴雲呢拿雪糕配蜂蜜牛角窩夫 $65最後當然要食甜品做尾聲🤤，雲呢拿雪糕再配酥皮既窩夫 一冷一熱 非常滿足❤️
繼續閱讀
大前日（18-5-2024 Sat）晏晝，同老公睇完戲後搵嘢食，去邊喥食?想食叉燒飯，但呢頭好似冇燒味飯店，諗起幾年前同老公帶爸爸嚟食過嘅鼎家喜筷（食評係2022年8月6日刊登嘅呢篇: https://www.openrice.com/zh/hongkong/review/%E5%86%87%E5%BE%97%E9%BC%8E-e411519 而上次食評係2021年11月12日1刊登嘅呢篇:https://www.openrice.com/zh/hongkong/review/%E8%A9%A6%E5%85%B6%E4%BB%96%E5%98%A2-e4229310，）點知嚟到，原來已經執咗。咁食邊間?我諗起呢間，於是走嚟，由於係下午茶時間，都冇乜人。我哋走入去啦，我哋都係坐窗邊位，睇吓menu，見到有呂宋芒雪糕蜂蜜千層吐司布甸好吸引，店員即時話呢個要20分鐘整，因為要焗，係就要早啲落單。咁再睇menu，有tea set同lunch set，最後都係要tea set，我就要呂宋芒雪糕配蜂蜜牛角窩夫，老公用QR code入單，要$54.00嘅焗蕃茄芝士腸片流心蛋配酸種麵包多士，加$10.00 要雞肉蕃茄湯通粉。而原來加$45.00，就有我要嘅呂宋芒雪糕配蜂蜜牛角窩夫，咁就加埋，再加$20.00要酥皮 黑松露忌廉野菌湯+柚子醋田園沙律，餐飲轉凍草莓 果肉梳打，TTL$129.00。落完單，凍草莓果肉梳打到嚟，呢個我哋食完所有嘢同飲埋湯至飲，好似唔多飲到果肉，普通。2分然後雞肉蕃茄湯通粉到嚟，我食先，呢個通粉細粒,我覺得未夠腍，雞肉唔多同嚡，但個番茄湯幾好味。2.5分柚子醋田園沙律我係到飲餐飲前至食，柚子醋份量啱啱好，沙律亦新鮮。4分呂宋芒雪糕配蜂蜜牛角窩夫竟然咁快到，我就唯有快啲食先，我唔知芒果漿係咪用呂宋芒打成，只知唔算好甜，芒果味一般，薄蜂蜜牛角窩夫幾脆同煙韌。3分焗蕃茄芝士腸片流心蛋配酸種麵包多士睇見酸種麵包多士好似冇烘過，番茄汁同樣好味，流心蛋係做到嘅。3分酥皮黑松露忌廉野菌湯唔大杯，牛油酥皮脆,牛油味好濃,湯好熱,味道亦夠，但好稀,唔似有落忌廉，唔通要將牛油酥皮浸入去食?3.25分抵食係2.8分上次食評係2022年9月14日刊登嘅呢篇:https://www.openrice.com/zh/hongkong/review/yeah-%E9%AB%98%E8%B3%AA-e4537374
繼續閱讀
上個禮拜一晚同老朋友去咗海之戀分店食晚飯，當晚大約6點半去到餐廳門口，不用排隊入座，侍應直接指示隨便揀枱坐。因為我地坐近玻璃大窗，可以睇到美麗黃昏既海景！總體服務質素幾好，侍應好有禮貌，當我地落單叫嘢食，佢地又主動建議一d菜式！食物質素不差，每碟食物上枱時熱度夠，賣相吸引！我最鍾意嗰碗酥皮海鮮龍蝦湯(其實我唔記得🤭個名係咪叫"酥皮海鮮龍蝦湯")，總之好好飲😋！加上價錢合理，2個人埋單$400左右落樓，下次同其他朋友再嚟幫襯！
繼續閱讀
阿仔話好耐冇試過咁好飲嘅朱古力。咀刁之人都有好評，就寫食評鼓勵一下。上次幫襯係薯條無限添加，今次係每個餐再加$4多一份沙律。每次都有新招，欣賞食店的努力🥰$4份的沙律，用料新鮮，漿汁甜酸適中。燈油火蠟，人工鋪租…超值啦食物質素不錯，$128 10oz牛排(金x的價錢)，望住海景，環境闊落。試過豬排&腸，春雞，肉丸，牛肋肉飯，藜麥飯，都好味道。酥皮海鮮湯，即叫即焗，雖然係食曬所有野先上，熱辣辣，好飲，值得等待。
繼續閱讀
一家人食晏，近近哋屋企樓下食算，三份午餐上枱再嚟杯奶茶上枱色水同其他差唔多，聞落無乜奶味亦無乜茶香，一啖入口，奶味淡，無乜茶味，水溫尚可，攪勻再賞，茶味唔出亦無乜，奶味偏淡，唔知係咪西式餐廳茶包之過⋯⋯呢杯茶，無乜茶味無乜奶味
繼續閱讀