影片
港鐵荃灣站 A4 出口, 步行約11分鐘
繼續閱讀
營業時間
星期一至日
12:00 - 00:00
以上資料只供參考, 請與餐廳確認詳情
本來打算食泰國菜，但行到半路見到呢間唔起眼既小店少爺仲比佢門外有個性既介紹吸引左入去。入面既地方唔大，但睇得出店裏既佈置係有放心思，係見到會笑咁樣架。我地太餓既關係，一來就叫左涼拌青瓜，但食完先記得冇影相 個汁真係非常出色，少爺食哂碟青瓜之後，死都要留低碟汁來點野食😂😂之後我地叫左一個炒蜆,串燒同一個麻辣燙share來食:麻辣燙尚可喇，夠熱已經贏一半，啲牛肉唔太入味係敗筆，但整體味道來講，係辣得好爽，值得一試。唯一有影既串燒，串燒有分唔同辣，"自殺辣"呢個名引起左少爺挑戰自己既心癮，不過少爺話都唔係好自殺，係普通料（調轉左hehe) 我地兩個係貝類控, 見到炒蜆點可以唔叫呢。不過呢個有啲失望... 啲蜆有沙已經扣左唔少分🌚 個味尚可但啲蜆吸唔哂呢順便一提，店員服務真係幾好，會幫你諗食幾辣用咩辣椒炒，真係好尊重食物既質素同客人口味❤️❤️
繼續閱讀
行開荃灣愉景時，行徑係想去荃灣廣場所以會經過福來邨，行到香車街街市時見到有間食店叫老巷表明係麻辣燙！我呢個麻辣迷一於決定試下。一坐低見到張柯打紙直係會有選擇困難症上身！唔同價錢有唔同嘅配搭，而且餸嘅種類都好多，一定有啱食嘅嘢，只係你食唔食得到！我就叫咗個5餸配菜嘅，其中有2款可以喺特選配菜項到揀！我推介食豆串，鴨血同五花腩，豆串其實係風琴式豆卜。。會索湯好入味，又大塊！第一次食所以揀咗個小辣，味道都幾香同夠味，辣度都做到我程到嘅小辣。有我鍾意嘅麻香味。而且份量都唔少架！加5元仲有杯飲品！我就幾滿足啦！
繼續閱讀
荃灣新開！新舖位！＄78就食到任食嘅麻辣燙🔥辣度都可以選擇，不過湯頭就冇乜味🌚唔辣又唔香😂麻辣成個感覺就好似得油味😾都幾失望下😫而豆串係入面必嗌嘅👍大條得泥又索味，唔會有油益嘅感覺不過仼食都有條件😏每落單一次一定要跟一個粉麵而最多八個餸，同可以叫一個小食😍而且啤酒，汽水任飲添一一一一一一一一一一一一一一但話說又唔一定要食放題，我嗌左紅薯粉加4樣餸，都係$33一碗😀之不過味道期待會有改善hahaha
繼續閱讀
全新飲食大計【青山食一餐】走訪成條青山公路，搵出邊到有好野食？邊到係地雷中伏位！今日第一集我地黎到青公荃灣段，#荃灣 呢一區出名都好野食，之不過今次我地食呢間麻辣燙任食就唔係咁抵食，每一碗麻辣燙都要跟一個麵，女仔食到兩碗都飽到上心口！食埋呢個自殺辣麻辣燙，真係辣到出唔聲！有冇勇者要挑戰下呀？荃灣麻辣燙-老巷地址:荃灣曹公坊5號德仁樓地舖食物:3分 環境:3分 服務:3分 性價比:2(5分為滿分)
繼續閱讀
趁住最近天氣轉涼，同女朋友終於試左一直都好想試,而且最近人氣旺盛，係荃灣ge依間麻辣燙!我地大約七點到黎到，一去到門口眼球其實已經俾鋪面d一串串食物吸引住la hahaha 因為地下已經坐滿ge緣故，店員帶左我地上樓上坐。樓上空間比較大，而且可能時間仲早我地係成層唯二ge客人! 另外不得不提，樓上仲有部大電視播不同ge mv,好似仲可以唱埋k添，有興趣ge朋友要留意la XD好啦入正題，因為有朋友推介招牌ge麻辣燙,所以我地都一人點左一個試下。首先佢會俾你揀辣度，咁我地兩個都因為唔係太食得辣但又無理由唔試下佢ge麻辣ge原因,嗌左最小ge BB辣哈哈至於揀餸方面，其實一般打邊爐ge餸佢都有得揀，再加上有d特別d ge例如鴨血咁。我地最尾都係跟番自己喜好揀左芝士丸，芝士腸，鵝腸同腩肉等，麵就揀左薯粉同大碗麵。好啦個麻辣燙一黎到，其實都幾香，而且佢用個煲盛住都幾特別。味道方面其實有d後悔嗌左bb辣，因為唔係好夠味，所以如果一般人都係建議叫番小辣啦雖然唔夠味，但都食得出佢ge麻辣係幾香，而且加埋d配料好似花生同我追加ge韮菜，其實係幾惹味架，唔錯！(不過經某人反映薯粉煮得唔係好入味，所以建議大家可以嗌其他例如米線或者大碗麵)另外我地仲嗌左例牌ge招牌雞煲同埋蠔餅。先講雞煲，依個真係要特別講一講，因為佢真係好入味好惹味，雞件唔係坊間d雞煲咁樣骨仲多過肉而係件件都係白滑肥美，而且麻香味甚至將岩岩ge麻辣燙比下去，加上本人對煮到軟腍入味ge洋蔥係毫無抵抗力哈哈。不過，有一點要扣分，就係可能雞肉太厚ge緣故，有d位未熟曬，大家食ge時候要留意la!最後我地仲嗌左個蠔餅-熱辣辣，香噴噴，蠔夠大粒，夠鮮甜，都值得一試
繼續閱讀